---
title: "Ittoqqortoormiini Suliffeqarnermut Isumaginninnikku sullissinermut siunnersorti"
description: "Ittoqqortoormiini Suliffeqarnermut Isumaginninnikku sullissinermut siunnersorti"
date: "2026-09-14"
created: "2026-09-14"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ittoqqortoormiini Suliffeqarnermut Isumaginninnikku sullissinermut siunnersorti](https://sermersooq.gl/suliffissat/inuttaqanngitsut/ittoqqortoormiini-suliffeqarnermut-isumaginninnikku-sullissinermut-siunnersorti)

Qinnuteqarnissamut periarfissarititaasoq

27/9/2026

Suliffik

Ittoqqortoormiit

Sumiiffik

Forvaltning for Velfærd og arbejdsmarked

Attaveqarfissaq

Pilunguak Poulsen / ks05pipo@sermersooq.gl

Kommuneqarfik Sermersooq, Ittoqqortoormiini Suliffeqarnermut Isumaginninnikkullu Sullissivimmi suliassanik suliassaqarfiit akimorlugit suliaqartussamik siunnersortissarsiorpoq. Siunnersortip pingaarnertut saaffiginniffiusartumi suliffissaaleqisunik nalunaarsuisarnermik, suliffeqartuunermut qaffassarnermut ilinniartitaanermut kiisalu isumaginninnermut tunngasunik suliaqartussaavoq. Taamaalilluni naatsorsuutigineqarluni Ittoqqortoormiini Suliffeqarnermut Isumaginninnikkullu Sullissivik suliassaqarfiup malitassatigut sinaakkuserneqarsimanerata iluani ineriartortitsinermik ingerlataqassasoq, siunnersortilu nammineersinnaassusseqarluni kommunimi anguniakkanik sinaakkuserneqarsimasunik ingerlatsissalluni, kiisalu suliassaqarfimmi ineriartortitsinermi ingerlatitseqqinnissami peqataalissalluni. Atorfininnissaq 1. november 2026 pissasoq kissaatigineqarpoq, imaluunniit isumaqatigiissuteqarnikkut.

Qinnuteqarnissamut soqutiginnittunut kaammattuutigineqarpoq, qinnuteqaat suliassarisassanut kajumissuseqarneq ineriartortitseqataarusussuseqarnerlu ersersinneqarsimassasoq.

Atorfik piffissaq tamaat atorfiusoq, Kommuneqarfik Sermersuup Isumaginninnermut Suliffeqarnermullu Ingerlatsiviata ataani Majoriaq Ittoqqortoormiini inissisimavoq, tassani Majorimi centerleder qaninnertut aqutsisuulluni.

**Suliffeqarnermut Isumaginninnermullu Sullissivimmi sulisut tamarmik naleqartitat tunngavigalugit sulisarput, taamaattumillu atorfiup qinnuteqarfigineqarnerani qinnuteqartut tamarmik naleqartitat ataaniittut malillugit sulerusussasut naatsorsuutigineqarpoq:**

·Suliamut ilisimasaqarluarneq– fagimi pisinnaasaqarluarnissaq

·Inuiaqatigiinnut isiginnittaaseq– najukkami inuiaqatigiinnik paasinninnissinnaaneq

·Naammassinninneq – suliassat pitsaasumik naammassinnissinnaaneq

·Ataatsimut isiginnissinnaaneq – Majoriaq ataatsimut isiginnissinnaaneq

·Periusissiaq – anguniagassanik aalajangersaasinnaaneq

·Attaveqatigiinneq – oqaloqatigiinnissamut peqataasinnaaneq

·Ineriartorneq – inunnik, suleriaatsinik aammalu aaqqissuussaanermik ineriartortitsineq

·Siunnersuineq – suliassap pingaarnerup iluani piginnaasaqarluartumik sulineq

**Atorfimmi suliassat:**

·Saaffiginnittarfimmi innuttaasunik sullissineq aammalu oqarasuaatikkut attaveqarneq

·Suliffissarsiortut pillugit Winformatikkimi GetOrganizedimilu nalunaarsuineq

·Suliffissarsiortunik tulluarsaqatigiiaanut inississuineq

·Suliffeqanngikkalarnermi pisartakkanik, pisortanit ikiorsiissutinik, siusinaarluni pensionisiaqalernissamik kiisalu utoqqalinersiutisiassanik qinnuteqaatinik suliarinninneq. Naatsorsuutigineqarportaaq piffissap ingerlanerani, ilitsersorluarneqareernerup kingorna, qinnuteqaatinut tunngatillugu aalajangiinernik suliaqartoqartalissasoq

·Suliffissaaleqisunut killilersuinernik pisartakkanillu unitsitsinernik ingerlatsineq

·Nuttarnerulernissamut ikiorsiissut aammalu avataaniit suliartortitsiniarnerit pillugit sulianik ingerlatsineq

·Innuttaasunik suliffeqarneq, piginnaasanik qaffassaaneq, ilinniagaqarneq imaluunniit pensioninut tunngasut pillugit aqqutissiuussineq siunnersuinerlu

·Suliffissaaleqisut, siusinaartumik pensionisiaqalerniarlutik qinnuteqartut, kiisalu siusinaartumik pensionisiaqareersut sulisinnaassusaasa qulaajaavigineqarnerinik ingerlatsineq

·Aningaasaqarnermut tunngasunik suliaqarneq

·Suliffeqarfiit attavigisartakkat ilinniartoqarfiillu suleqatiginerinut peqataaneq

·Kommunimi ingerlatsiviit allat suleqatigineri

·Sulianik allanik aammalu tassanngaannaq takkuttunik suliaqaqataasinnaassuseqarneq

**Naatsorsuutigisat:**

·Allaffissornerup iluani ilinniagaqarsimaneq, suliassaqarfimmilu misilittagaqarneq

·Ilinniartitaanermut, suliffeqarnermut, isumaginninnermullu tunngasunik ilisimasaqarneq

·Nammineersinnaalluseqarluartutit, nukittullutit allanulllu immersueqataalluartarlutit

·Inoqatit naligalugit ataqqillugillu naapittaritit, kisiannili aamma aalajangersimasumik pissuseqartarlutit

·Aanngajaarniutinik imigassamillu ajornartorsiuteqanngitsutit

·Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaavut:**

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

Majoriami sulisutut pikkorissarnissamut, aqqutissiuussisutut ilinniagaqarnissamut allanullu suliassaqarfinnut tunngasunik pikkorissarnissanut periarfissaqartitsissaagut.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ineriartortitsinermut pisortaq Pilúnguak Poulsen, oqarasuaat +299 58 79 34 imaluunniit e-mail: ks05pipo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 914-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=914-26)

## Attaveqarfissaq

Pilunguak Poulsen / ks05pipo@sermersooq.gl