--- title: "IT-mik kiffartuussinermi saaffiginnittarfimmi & IT-mik sullissinermik sulialittut akisussaasoq" description: "IT-mik kiffartuussinermi saaffiginnittarfimmi & IT-mik sullissinermik sulialittut akisussaasoq" date: "2026-08-10" created: "2026-08-10" --- [Hjem](https://sermersooq.gl/) [Suliffissat](https://sermersooq.gl/suliffissat) [inuttaqanngitsut](https://sermersooq.gl/suliffissat/inuttaqanngitsut) [IT-mik kiffartuussinermi saaffiginnittarfimmi & IT-mik sullissinermik sulialittut akisussaasoq](https://sermersooq.gl/suliffissat/inuttaqanngitsut/it-mik-kiffartuussinermi-saaffiginnittarfimmi-it-mik-sullissinermik-sulialittut-akisussaasoq) Qinnuteqarnissamut periarfissarititaasoq 20/8/2026 Attaveqarfissaq Ivalo Hansen Brandt / ks89ivbr@sermersooq.gl **Kommunimi saaffiginneqqaarfiusussamik (1st line-support) aamma suliffeqarfimmi saaffiginnittarfimmik (service desk) suliaqartoqalernissaanut ineriartortitseqataarusuppit?** Kommuneqarfik Sermersuumi IT-mik suliassaqarfimmi saaffiginneqqaarfiusussaq (1st line-support) nammineq suliarilissallugu aallartisaleruttorfimmiippoq, suliassaqarfik maannamut avataanit isumagineqaraluarpoq. Kissaatigaarput nammineq annerusumik ilisimasaqarnerunissamik, suleriaatsinik erseqqinnerusunik aamma kommunimi sulisunut IT-mik sullissinermik ataqatigiinnerusumik pilersitsissalluta. Taamaattumik IT-mik kiffartuussivimmi saaffiginnittarfimmik aamma IT-mik sullissinermi sulianut akisussaasumik sulisussarsiorpugut. Atorfik Ilinnut IT-mik sullissinermik aamma saaffiginnittarfimmi patajaatsumik misilittagaqartumut piukkunnartuuvoq, soorluttaaq suliffeqarfimmi namminermi sulianik namminerisamik tigusiartuaartitsinermik aammalu sullissinerup ilusiligaaneranut, atorsinnaassuseqarneranut ineriartortinneqarneranullu akisussaaffeqarusuttumut kajuminnartuuvoq. Illit IT-mut Digitalinngorsaanermullu immikkoortortamiissaatit aamma kommunip namminerisamik saaffiginnittarfeqarnissamut aamma Siullertut sullissuuneranik (Service Desk aamma 1st line-support) pilersitsinerani qitiusumik atuuffeqassaatit. **Atorfik pillugu:** Suliassaqarfimmut akisussaasutut, illit Kommunip Siullertut sullissuuneranut suliassaqarfimmik piginnittuussaatit, tassunga ilanngullugit siullertut sullissisuunermik suleriaatsinik aamma ingerlatseriaatsinik kiisalu suliassaqarfinnit assigiinngitsunit IT-mik ikiuunnermut saaffiginnissutit suliarineqarnerannut. Pingaarutilittut suliassaq tassaavoq, sullinneqarusuttunut saaffiginneqqaarfissatut kommunimit namminermit tiguneqarnerata isumannaatsuuneranut aamma aaqqissuussaaneranut tapertaanissaq. Suliassat, akisussaaffiit aamma qaleriiaarsinnaasut qulaajarneqarnissaannut peqataassaatit, aamma ilisimasat allakkiallu pisariaqartut avataani pisiortorfinnit kommunimi namminermi sullissinermik atuuffimmut nuunneqarnissaannut qulakkeerinneqataassaatit. Illit qulakkiissavatit nalunaarsuinermut, pingaarnersiuinermut, annertusiartortitsinermut, malitseqartitsinermut aamma allakkiornermut suleriaatsinik erseqqissunik assigiissaartunillu peqarnissaq, aamma sullissinermi suliassaqarfimmi ataatsimoorussamik najoqqutassat tunngavigalugit sulianik ingerlatsisoqartarnera. Atorfimmi pingaarutillit ilaagaat nammineq ilisimasanik annertusaanissaq tigumminniinnarnissarlu. Aaqqiissutit, ilitsersuutit aamma misilittakkat allattorneqassapput avitseqatigiissutigineqarlutik, taamaaliornikkut ilisimasat pingaarutillit inunni ataasiakkaani imaluunniit avataani pisiniartarfimmi kisimi inissisimaqqunagit. Sullissisoqatigiinnut suliatigut ataqatigiissaarisutut atuuffeqassaatit aamma suleqatinnut qitiusumik siunersuisutut atuutissaatit. Saniatigut Ikiuunnermut saaffiginnittarfimmi aamma IT-mik atuuffiit allat, aaqqissuussanik akisussaaffillit allat aamma avataani pisiniartarfiit akornanni assigiinngitsunik atuuffeqassaatit. **Illit suliassatit:** Akisussaaffigissavatit: - Kommunip siullertut saaffiginnittarfimmik nammineq ingerlatsilernissaanut pilersaarusiorneq aamma tapertaaneq, taakkununnga ilanngullugit avataani pisiniartarfinnit ilisimasanik naapertuuttunik, allakkianik aamma suleriaatsinik isumannaatsumik nuussinerit - Saaffiginnittarfimmi aamma siullertut sullissinermut suleriaatsinik, ileqqussanik ingerlatseriaatsinillu ineriartortitsineq aserfallatsaaliuinerlu kiisalu ulluinnarni sullissinermik tunniussat pitsaassusiannik malittarinninneq - pingaarnersiugassat annertusagassallu erseqqissarneqarnerannik qulakkeerinninneq aamma sullissisoqatigiit, IT-mik atuuffiit sinnerinik kiisalu avataani pisiniartarfinnik suliat anginerusut, isornartullit katitigaasullu ataqatigiissaarneqarnerat - ilisimasanik katersivimmik ataatsimoorussamik, ilitsersuutinik aamma akissutaajuartunik sananeq aserfallatsaaliuinerlu kiisalu ilinniartitsinermut, suliatigut siunersioqatigiinnermut aamma sullissisoqatigiinni ilisimasanik avitseqateqarnermut tapersersuineq - suleriaatsinik ineriartortitsineq aserfallatsaaliuinerlu ilaatigut atuisut isissutaat, sulilersitsinerni aamma soraartoqarnerani, atortut aamma sullinneqarnermik inniminniinerit sinnerit - kukkunernik uteqattaartunik malitseqartitsineq, suleriaatsit naapertuutinngitsut aamma pisiniartarfinnik suleqateqarneq kiisalu IT-mik sullissinermut ataatsimoortumut pitsanngorsaatinik innersuussuteqarneq. Atuuffiup ilagaattaaq suliassat, kommunip nammineq suliariligassai aamma suliassat avataani pisiniartarfinnit suli suliarineqartut akornanni qalleraattut erseqqissarneqarnerannik qulakkeerinninneq. Atorfik ineriartortinneqarpoq kommunip nammineq siullertut sullissisuunermik (1st line-support) tigusiartuaarnera, IT-mik nammineq piginnaasanik sanarfinera ilutigalugit aammalu suliassanik suli amerlanerusunik tigusisinnaanera eqqarsaatigalugit. **Suliatigut akisussaaffik:** Atorfik sulisunut allanut akisussaaffittaqanngilaq kisianni namminerisamik aamma suliassaqarfinnut Ikiuunnermut (service desk) aamma IT-mik sullisisunut suliatigut akisussaaffittalik. Suliassaqarfimmut suliatigut ileqqussat ingerlatseriaatsillu aalajangersarnerannut akisussaaffeqassaatit, aamma taakkua ulluinnarni sullissinermi atorneqarnerisa qulakkeerneqarnerannut. Suliffeqarfiup aaqqissuussaanerata iluani sinaakkutissatut aalajangersakkat piusut iluanni pingaarnersiuisinnaavutit annertusaallutillu, allakkiornermut pitsaassutsimullu piumasaqaateqarlutit aamma sullisisoqatigiit, IT-mik atuuffiit sinneruttut avataanilu pisiniartarfiit akornanni sulianik aaqqiinerup akornanni suliatigut ataqatigiissaarisuullutit. Saniatigut sullissinermik tunniussap ineriartorneranut malinnaassaatit, suleriaatsit, sakkussat aamma ikiuunnermik tunniussat allanngortinneqarnissaannut pisariaqartitsinernik suussusersiuillutit aamma immikkoortortami aqutsisumut innersuussutinik suliaqarlutit. **Takorloorparput:** Takorloorparput illit minnerpaamik ukiuni arfinilinni IT-mik sullissinermit, Ikiuunnermik imaluunniit suliassaqarfimmit assingusumit naapertuuttumik misilittagaqartutit. Illit IT-mik sullissinermit aamma atuisunik tapersersuinermik suliamut tunngaviusunik patajaatsumik paasinnittaaseqarputit, saniatigut sullissinermik suliassaqarfimmi aaqqissuussinermik, sulianik ataqatigiissaarinermik suleriaatsinillu misilittagaqarlutit. Saniatigut aaqqiissutissat katersuuffiannik (ticketsystem), sullissinermik suliat uppernarsaataannik allakkiornernit aamma aaqqissuussinermik misilittagaqartutit kiisalu pingaarnersiugassat erseqqissut annertusaanermillu aqqutissat isumannaannik paasinnissinnaasutit. Iluaqutaassaaq, suliffeqarfimmi namminermi Ikiortarialinnut saaffiginnittarfimmik (service desk) pilersitsinermik, tigusiartuaartitsinermik imaluunniit avataanit pisiniartarfimmit suliffeqarfimmut namminermut sulianik tunniussinermik sulianit misilittagaqarnerit. Namminersorlutit sulisinnaavutit akisussaaffimmillu tigumminnissinnaallutit Saniatigut illit nammineq ilisimasannik avitseqateqarsinnaavutit aamma suleqatinnik siunersioqateqarneq ikiuunnerlu iluarisimaartarpatit. Suliffeqarfimmit angisuumit imaluunniit pisortat allaffeqarfiani sulianik misilittagaqaruit iluaqutaassaaq. Pingaarnerpaaq tassaavoq, illit IT-mik sullissinermit pitsaalluinnartumik misilittagaqarnerit, aaqqissuussinermik pilersitsisinnaanerit aamma tamakkiisumik isiginnissinnaanerit kiisalu sullissinermik atuuffimmik tigusiartuaartitsinermik kiisalu suliffimmut tunniusimalluni sullissinerup sanarfineranik suliaqarusunnerit. **Neqeroorutigaavut:** Atorfimmi neqeroorutigisatsinni illit nammineerlutit kommunitut suliffeqarfimmi siunissami IT-mik sullissinerup issusissaannut tunngaviusumik aalajangeeqataanerit. Illit IT-mik Digitalinngortitsinermillu immikkoortortaqarfiup ilaaniilissaatit aamma Siullertut sullissisuunermi (1st line-support) aamma Ikiortarialinnut saaffiginnittarfimmik (service desk) pilersitseqataassaatit. Sullissisut malitassaanik suliatigut suleriaatsinut aamma ileqqussanut sunniuteqaqataassaatit, namminerlu suliffeqarfimmi ilisimasanik, uppernarsaanermik pitsaanerusumik IT-millu ikiuunnermik assigissaarnerusumut sanarfeqataassaatit. Amerlasuunik attaveqarfeqassaatit aamma suleqatinik, aqutsisunik, sulisunik, aaqqissuussamut akisussaasunik avataaniillu suleqatinik qanimut suleqateqassaatit. **Illit:** - aamma pisariaqartutigut aaqqissuussisinnaassuseqarluni sulineq nalerisimanarivatit. - piginnaaneqarluarputit saniatigullu ulluinnarni suliassanik sullissisut atuisullu aqqusaagaannik paasisimasaqarluarlutit. - tamakkiisumik pilersitsisinnaavutit aamma suliatigut aalajangersaasinnaavutit, amerlasuut kalluarneqassatillugit aamma. - avitseqateqarumasuuvutit aamma suleqatigiit periutsit ataatsimoorussat aallaavigalugit ataatsimoorlutillu suliassanik ingerlatsinerannut ilanngussaqaqataarusupputit. - oqariartaaseqarputit kisianni suleqatitit ataqqillugit taamaaliortarputit. - kajumigivat taamaaliornissarlu naleqartippat, IT-mik sullissineq pitsaasuusoq, suleriaatsit erseqqissuunerat aamma ataatsimoorluni allakkiorneq suliffeqarfimmut tamarmiusumut ulluinnarnik oqinnerulersitsisarnerat. - qallunaatullu marluinnik oqaaseqarneq iluaqutaassaaq kisiannili piumasaqataanngilaq." **Annertunerusumik paasisaqarusukkuit:** Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: immikkoortortami aqutsisoq Ivalo Hansen Brandt, oqarasuaat +299 367312 imaluunniit e-mail: ks89ivbr@sermersooq.gl **Pineqaatissinneqarsimannginnermut uppernarsaat:** Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat. **Akissaatinut atorfinitsitaanermullu tunngatillugu atugassarititaasut:** Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit. Atorfinititsineq qaammatini pingasuni misiliutitaqassaaq. **Atorfiniffissamut angalanissaq:** Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna. **Inissaq:** Atorfininnermut atatillugu inissiamik innersuussisoqarsinnaanngilaq. **Qinnuteqaat:** Qinnuteqaat qulequtserlugu **Atorfiup ilisarnaataa 723-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq. **Imatut qinnuteqaateqassaatit:** Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. **Malugiuk:** Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk. [Søg stillingen](https://mkjobsermersooq.azurewebsites.net/kl-gl/Details.aspx?VID=723-26) ## Attaveqarfissaq Ivalo Hansen Brandt / ks89ivbr@sermersooq.gl