---
title: "Isumaginninnermi ikiorti FRO Aqqaluk-mut "
description: "Isumaginninnermi ikiorti FRO Aqqaluk-mut "
date: "2026-09-08"
created: "2026-09-08"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Isumaginninnermi ikiorti FRO Aqqaluk-mut](https://sermersooq.gl/suliffissat/inuttaqanngitsut/isumaginninnermi-ikiorti-fro-aqqaluk-mut)

Qinnuteqarnissamut periarfissarititaasoq

28/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Nukannguaq O. Brandt / ks98nubr@sermersooq.gl / 366980

**FRO Aqqaluk , Nuutoqaq.**

FRO Aqqaluk meeqqanut atuareererup kingorna ornittagaavoq, meeqqanut 4-7 klassini atuartunut,

 7-nik sulisoqarpoq. Meeqqanullu 70-nut inissaqarluni.

 Ammasarfiit 7:00-17:00

 Paasissutissat allat uani pissarsiarisinnaavatit www.sermersooq.gl/fritid/Aqqaluk.

**Pingaartipparputtaaq:**

·FRO Aqqaluk iserfigiuminartoq

·Meeqqat toqqissisimasut, toqqissisimasumilu ineriartortut

·Ammasumik akuersaartumillu suleqatigiinneq, Aqqaluk,angajoqqaat meeqqallu akornanni

·Ammasuunissaq, meeqqanullu qanilaartuunissaq

·Meeqqat ullup ingerlanerani nuannersumik misigisaqartinnissat

**Qinnuteqartunut naatsorsuutigisat:**

·Isumaginninnermi ikiortitut ilinniagaqarsimanissaq

·Meeqqanut sullisserusussuseqarneq

·Sullitanut ilisimasaqarnissaq

·Tusarnaarsinnaasoq meeqqanut, suleqatinut angajoqqaanullu

·Sammisaqartitsinermi pilersaarusiorsinnaasoq meeqqat soqutigisaat aallaavigalugit

·Piumassusilik, suleqataalluartoq suliffimmullu suleqatinullu ataqqinnittoq

·Meeqqanik atualereernikunik sullissinermik misilittagalik

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqoroorutigaavut:**

·Suliffik uummaarissoq

·Sulisut qiimasut

·Pingaarnersiuinermi perorsaanikkut sulineq salliunneqartassasoq

·Suleqatigiit ataatsimoorlutik suleqatigiittut

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Nukannguaq Olsen Brandt, oqarasuaat +299 36 69 41 imaluunniit e-mail: ks98nubr@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 888-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=888-26)

## Attaveqarfissaq

Nukannguaq O. Brandt / ks98nubr@sermersooq.gl / 366980