---
title: "Ippiarsuk Sammisaqartitsivimmi aqutsisussarsiorpoq"
description: "Ippiarsuk Sammisaqartitsivimmi aqutsisussarsiorpoq"
date: "2026-11-12"
created: "2026-11-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ippiarsuk Sammisaqartitsivimmi aqutsisussarsiorpoq](https://sermersooq.gl/suliffissat/inuttaqanngitsut/ippiarsuk-sammisaqartitsivimmi-aqutsisussarsiorpoq)

Qinnuteqarnissamut periarfissarititaasoq

3/12/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Peter Lund Eriksen / ks14pelu@sermersooq.gl

**Atorfimmi suliassat:**

Aqutsisoq sulisunik suliassanik agguaassisassaatit, taamaalillutik sammisaqartitsivimmi anguniakkat naammassineqarnissaat qulakkeerniarlugu.

Sammisaqartitsivimmi anguniakkat tassaasinnaapput utoqqaat, innarluutillit najugalluunniit ataatsimoorfigisinnaasaannik ornittagaqartitsineq. Atuisut peqatigalugit timikkut piginnaasanik attassiinnarnissamut sungiusarneq, isumassuineq, paaqqutarinninneq kiisalu inooqataanermut tunngasunik ataatsimoorfiusunik sammisaqartitsinerit ingerlanneqassapput.

Sulisut suliassaraat sammisaqartitsinerni assigiinngitsuni aallartitsisuunissaq. Aamma timimiku sungiusarneranik suliaqartut suleqatigalugit sungiusarnerit timigissarnerillu pilersaarusiorlugit aallartisarnissaat.

Utoqqaat sammisaqartitsinernut peqataarusulersinniarlugit kajumissaarinissaq, kiisalu innuttaasunut ataasiakkaanut pisariaqartitaat aallaavigalugit isumaqarluartunik sammisaqartitsinernik pilersitsinissaq.

**Sammisaqartitsivimmi suliassaqarfik:**

∙Atuisut namminneq angerlarsimaffimminni najugaqaannarsinnaanissaat anguniarlugu pinaveersaartitsinermut, sungiusarnermut inooqataanermullu tunngasunik sammisaqartitsinerit ingerlanneqassapput.

∙Atuisut pisariaqartitaat kissaatigisaallu aallaavigalugit sammisaqartitsivimmi ineriartortitseqataaneq.

∙Innuttaasut namminneq piumasartik naapertorlugu sapinngisamik sivisunerpaamik inuunermik eqeersimaartumik ingerlatsisinnaanissaat tapersersussallugu.

∙Kisimiittutut misiginermik pinaveersaartitsineq.

∙Illup kajumissutsimik ikiortai suleqatigalugit sammisaqartitsinernik pilersaarusiorneq.

∙Sammisaqartitsivimmi atortussanik assigiinngitsunik pisiniarneq, Aqutsisoq/tullersortilu peqatigalugu.

**Qinnuteqartunut piumasaqaatit**

∙Isumaginninnermi ikiortitut, perorsaasutut, peqqinnissakkut ikiortitut, isumaginninnermi ikiortitut imaluunniit assingusumik inunnik isumaginninnermut tunngasumik ilinniagaqarsimasuussaatit.

∙Utoqqarnik sullissinermi misilittagaqassaatit kiisalu aqutsinermik misilittagaqassallutit.

∙Sulianut assigiinngitsunut tunngasunik suleqatigiilluarsinnaassaatit, allannguinissamut ineriartortitsinissamullu piumassuseqassallutit.

∙Eqqarsartaaseq nutaaliorsinnaaneq, sanalunnermut assassornermullu piginnaaneq soqutigisaqarnerlu.

∙Utoqqarnik innarluutilinnillu sullissinissamut soqutigisaqassaatit.

∙Ammasuussaatit, akisussaassuseqassaatit, ataqqinnittuussaatit, allanngorartunut naleqqussarsinnaassaatit, suleqatiginnikkumatuujussaatit, inissaqartitsisuussaatit nuannaartuullutillu.

∙Atuisut pisariaqartitaat aallaavigalugit sammisaqartitsinernik assigiinngitsunik aaqqissuussillaqqissuussaatit pilersaarusiullaqqissuullutillu.

∙Atuisunut pitsaasumik avatangiiseqarnissaanut kiisalu suleqatit akornanni pitsaasumik suleqatigiinnissamut peqataassaatit.

∙Kalaallisut qallunaatullu marluinnik oqaaseqartuunissat iluaqutaassaaq, piumasaqaataanngilarli.

**Aamma immikkut pingaartipparput**

Inuttut piginnaasat suut naatsorsuutiginerlugit erseqqissaatigissavatit. Atorfimmut pisariaqartitsineq naapertorlugu makku toqqarneqarsinnaapput:

∙Aalajaatsuussaatit, pitsaassutsimik pingaartitsisuussaatit aammalu mikisualunnut maluginnissinnaassuseqassaatit.

∙Suliassat amerlasuut ataatsikkut ingerlattarsinnaassavatit, ataatsimulli isiginnissinnaassuseq attatiinnarlugu.

∙Allakkatigut oqaluttariarsornikkullu ersarissumik paasiuminartumillu attaveqaqateqarsinnaassaatit.

∙Nammineerlutit sulisinnaassaatit, akisussaassuseqassaatit sullissiumatuujullutillu.

∙Suliassat allanngorarnerinut suliassanillu agguaasseqqittarnermut naleqqussarsinnaassaatit.

∙Ulloq ulapaarfiusoq aaqqissuulluakkamik aaqqissuussaasumillu sulisinnaassaatit.

∙Nukittuujussaatit, nammineq iliuuseqarsinnaassaatit, nukissaqarluarlutit aalajangiisinnaassuseqarlutillu.

∙Suliassat pitsaanerusumik ingerlanneqarnissaat anguniarlugu ineriartortitsinermut pitsanngorsaanermullu peqataalluassaatit.

∙Kisitsisinik suliaqarsinnaanermut piginnaasaqassaatit.

∙Suleqatit assigiinngitsut akimorlugit suleqatiginnillaqqissuussaatit.

**Neqeroorutigaavut:**

Suliffik unammillernartoq, nammineq atorfimmi imarisaanik sunniuteqarnissamut periarfissalik aammalu namminersorluni akisussaaffimmik annertuumillu ingerlatsiviup ineriartortup iluani.

**Inuttut piginnaasat**

Aamma pingaartipparput illit:

∙Aalajaatsuussasutit, suliap pitsaassusaanik pingaartitsisuullutillu annikitsualunnut malussarissuussasutit.

∙Suliassat arlallit ataatsikkut isumagisinnaassagitit, tamatigullu ataatsimut isiginninneq annaanagu.

∙Allakkatigut oqaluinnarlutillu ersarissumik paatsuugassaanngitsumillu attaveqarsinnaassasutit.

∙Namminersorlutit sulisinnaassasutit, akisussaassuseqarlutit sullissinermillu pingaartitsisuullutit.

∙Suliassat assigiinngitsut akornanni allannguisoqartillugu suliffiullu agguataarneqarnerani allannguisoqartillugu naleqqussarsinnaassasutit.

∙Ulapaarfiusumi ulapaarfiunngitsumilu aaqqissuussaasumik, aallussilluarlutit sunniuteqarluartumillu sulisinnaassasutit.

∙Pissutsinut assigiinngitsunut piginnaasaqarluartuusutit, nammineerlutit aallartitsisinnaallutit, nukissaqarlutit iliuuseqarsinnaassuseqarlutillu.

∙Suliassat suliarineqartarnerisa ineriartortinneqartuarnissaat pitsanngorsarneqartuarnissaallu peqataaffigerusussagit.

∙Kisitsisinut paasisimasaqarluartuusutit kisitsisitigullu suliassanik soqutiginnittuullutit.

∙Suleqatiginnillaqqissuusutit aammalu suliffeqarfiup iluani immikkoortut assigiinngitsut akornanni pitsaasumik suleqatigiinnermik pilersitsisinnaassasutit.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

 Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ippiarsummi aqutsisoq Peter Lund Eriksen, oqarasuaat +299 56 45 79 imaluunniit e-mail ks14pelu@sermersooq.gl imaluunniit uunga:

Tullersorti killingaanngitsumik Nivi Clasen, oqarasuaat +299 27 75 28 imaluunniit e-mail ks73nicl@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1195-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1195-26)

## Attaveqarfissaq

Peter Lund Eriksen / ks14pelu@sermersooq.gl