---
title: "Ippiarsuk pedelissarsiorpoq"
description: "Ippiarsuk pedelissarsiorpoq"
date: "2026-09-11"
created: "2026-09-11"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ippiarsuk pedelissarsiorpoq](https://sermersooq.gl/suliffissat/inuttaqanngitsut/ippiarsuk-pedelissarsiorpoq)

Qinnuteqarnissamut periarfissarititaasoq

2/10/2026

Suliffik

Nuuk

Sumiiffik

Koncernservice

Attaveqarfissaq

Lona Kruse / ks46lokr@sermersooq.gl

Neriuutigaarput Ippiarsummi suleqatit peqatigalugit ineriartortitsineq suleqatigiinnerlu sunniuteqarfigerusukkitit - Suleqatit pitsaasut kajumittullu utoqqarnik taakkulu ilaqutaanut sullisserusuttoq atorfissaqartipparput.

**Ippiarsuk:**

Ippiarsuk utoqqarnik paaqqutarinniffiuvoq najugaqartunut 34-nut inissaqartoq aamma ulluunerani sammisaqartitsiffiulluni 35-nut inissaqartitsisoq. Ineqartut immikkoortortanut pingasunut agguarneqarsimapput, immikkoortortani tamaginni ineqartut 11-11-12-iullutik. Ippiarsummi sulisut makkuninnga ilinniagaqarput: Peqqissaasoq, Peqqissaanermi assistentit, Peqqissaanermi ikiortit ilinniarsimanngitsullu. Immikkoortortatta pingasuusut saniatigut illu Sammisassaqartitsiveqarpoq, Igaffik, Errorsisarfik, Allaffik, pedeli biilertorlu. Ippiarsummi sulisut 70-inik amerlanerulaarpugut. Immikkoortortatta pingasuusut saniatigut aamma immikkoortortaqarpugut Pakkutaq, taanna Inuit innarluutillit tarnimikkullu napparsimasunut suliassaqarfiup ataaniippoq.

Maani nuannersumik ataqqinnittumillu attaveqatigiinnermik kultureqarluta sulisarpugut. Ammasumik oqaloqatigiinneq, tatiginninneq suleqatigiinnerlu aqqutigalugit suliffimmi avatangiisit pitsaasut pilersinneqartartoq upperaarput – ingutsiffiunngitsoq. Sulianut ilisimaarinninneq, peqqissaartuuneq aamma atugarissaarnissamut akisussaaffeqaqatigiinneq pingaartitaraagut. Pingaarnertut naleqartitarput tassaavoq innuttaasup pingaarnerutinneqartuaannarnissaa aamma inuit ataasiakkaat tamarmik qanilaartumik ataqqinnittumillu naapinnissaat pingaartitaraarput.

Atorfik ulloq naallugu atorfiuvoq, sapaatip akunneranut 40 tiimit, ullukkut, weekendinilu pisariaqartitsiffinni sulisinnaasarlutik.

**Immikkut piumasaqaatit uku pigissagitit:**

·Assassornermik sulianut tunngasumik allatulluunniit teknikimut tunngasunik ilinniagalik

·Biilernermut allagartaq

·Ajornanngippat assassornermik sullarissoq aamma illunik aserfallatsaaliuinermik misilittagalik.

·Unneqqarissoq tatiginartorlu

·Tamatigoortoq tunniusimasorlu

·Kiffartuussiumassuseqartoq

**Atorfimmi akisussaaffinnut piginnaatitaaffinnullu tunngasut:**

·Aqutsisoq suleqatigalugu aserfallatsaaliinermi atortussanik pisinissamut nammineerluni naliliineq

·Kommuneqarfik Sermersuup naleqartitaanik anguniaagaanillu malinninnissaq

·Suliassaqarfigisamut akisussaaneq

·Eqqiluisaarnermut tunngasunik piumasaqaatinik malinninnissamik akisussaasuuneq

·Paasissutisseeqatigiilluartoqartarnissaanik akisussaasuuneq

·Nammineq susassaqarfigisap iluani ineriartortitsinissamik allannguinissamilluunniit pisariaqartitsisoqartillugu aqutsisup ilisimatittarnissaa

·Sulinermik misiliillutik sulilertunik ilitsersuussinermi ilinniartitsinermilu peqataaneq

**Suliassat pingaarnerpaat:**

·Utoqqarnik paaqqinniffiup/sammisassaqartitsiviup ulluinnarni ingerlanneqarnera aserfallatsaaliorneqarnissaalu qulakkiissallugit

·Illunik nakkutilliineq, illup ilua silataalu

·Utoqqaat illuanni amigaateqartoqarpat aaqqitassaqarpalluunniit utoqqaat illuanni aqutsisumut apuussinissaq, tamanna pereerpat aqutsisoq facility@sermersooq.gl-imut apuussissaaq, kingornalu pedelip aaqqitassat aaqqissallugit

·Illumi illumilu atortunik annikitsutigut iluarsartuussineq

·Teknikkikkut atortulersuutinik nakkutilliineq

·Najugaqartut ineqarfiinut isertertoqassatillugu qimatsisoqassatilluguluunniit aaqqissuussinermi pisataajaanermilu suleqataaneq

·Pisussanik aaqqissuussisoqartillugu iluaqusersuutinik ikkussuineq

·Biilertumik napparsimasoqartillugu biilertuuneq allatulluunniit pisariaqartitsisoqartillugu ikiuunneq

·Ikuallattoornissamut tunngasunik ilitsersuineq

·Isumannaallisaanermik isumannaatsuutitsinissamilluunniit akisussaaneq

·Errorsivinnik/eqqiaanermut atortunik aserfallatsaaliineq

·Issiavinnik kaassuartakkanik atortorissaarutinillu allanik aserfallatsaaliineq

·Aqutsisunit akuersisoqareerneratigut suliffissuaqarnikkut atortunik pissarsinermut akisussaasuuneq.

·Ataatsimiinnerni peqataasarneq, soorlu isumannaallisaaneq pillugu ataatsimiittarnermi aamma ataasinngornikkut ataatsimiittarnermi

**Neqeroorutigaavut:**

·Illu, suleqatit suliffigisassarlu pillugit paasissutissanik tuniorarluarneqassaatit

·Suliassat assigiinngitsut nammineerlutit ingerlassinnaagitit tatigineqarputit

·Piginnaasavit iluanni akisussaaffeqassasutit

·Assigiinngitsunik suliaqarneq, suliassat pissanganartut, suleqatit illumilu najugaqartut peqatigalugit nuannersunik misigisassaqartarneq

·Suliffik ataqqinninnermik, akisussaaffimmik ilinniarnermillu ukkassiffiusoq

Naleqartitat soorlu ataqqinninneq, akisussaaffeqarneq aamma suliatigut tulluusimaarneq aallaavigalugit sulisarpugut, aamma suliffimmi avatangiiseq pitsaasoq nuannersumik akuersaartumillu attaveqarfiusoq pingaartipparput. Maani ingutsineq inissaqartinneqanngilaq – ammasuuneq, suleqatigiinneq tatiginninnerlu upperisaraagut. Suleqatigiinnut ilanngutissaatit, tassani ataatsimoorluta suleqatigiittarpugut innuttaasorlu qitiutittarlugu – ullut tamaasa.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

 Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Serveceleder Lona Kruse, oqarasuaat +299 55 21 38 imaluunniit e-mail: ks46lokr@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 912-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=912-26)

## Attaveqarfissaq

Lona Kruse / ks46lokr@sermersooq.gl