---
title: "Inuusuttut kulturikkut Illuanni Igdlo Tasiilami"
description: "Inuusuttut kulturikkut Illuanni Igdlo Tasiilami"
date: "2026-09-23"
created: "2026-09-23"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Inuusuttut kulturikkut Illuanni Igdlo Tasiilami](https://sermersooq.gl/suliffissat/inuttaqanngitsut/inuusuttut-kulturikkut-illuanni-igdlo-tasiilami)

Qinnuteqarnissamut periarfissarititaasoq

14/10/2026

Suliffik

Tasiilaq

Sumiiffik

Forvaltning for Velfærd og arbejdsmarked

Attaveqarfissaq

Hans Poul Andersen / ks37hapo@sermersooq.gl / 367773

**Tasiilami Inuusuttunut pitsaasumik allanngueqataarusuppit?**

Inuusuttunik sullissisoq (pædagogisk medhjælper) eqqarsarluatumik attaveqallaqqissumik ujartuivugut, taanna Igdlomi atuisunut inuusuttunut toqqissisimanartunik ataatsimoorfeqarnissaanit, sammisassanik isumalinnik kiisalu ineriartormissamut periarfissagissaarnissamik pilersitseqataasussaavoq

**Igdlo pillugu**

Igdlo inuusuttut kulturikkut Illuat Tasiilami, tassanilu inuusuttut naapissinnaapput sammisassaqartitsinermi peqataasinnaallutik kiisalu toqqissisimanartumi ilanngussisumillu ataatsimoorfeqarsinnaallutik. Inuusuttu illup ulluinnarni inuunerannut kiisalu sammisassanik suliniutilinnullu minnerusunik annerusunillu ineriartortitsinermut tunniusimasumik peqataatsinneqarput.

Sulisutut inuusuttut akornini attuumassuteqarnermi, ataatimoornermi, peqataanermilu tapersersuinermik suliaqarneq atorfik imaqarpoq.

Igdlomi sulineq ingerlanneqassaaq suleqatit, aqutsisut kiisalu Igdlomut attuumassuteqartut.

**Suliassatit pingaarnerit**

·Igdlomi ulluinnarni ingerlaneranut suleqataaneq inuusuttunillu tapersiineq

·Igdlomi atuisunut ataqqinnittumik attaveqarnermik pilersitsineq

·Toqqissisimanartumik, ilanngussisumik ineriartortitsisumillu ataatsimoorfeqarnissamik pilersitseqataaneq

·Inuusuttut Igdlu-llu sulisui sinner suleqatigalugit sammisassanik suliniutinullu minnerusunik pilersaarusiorneq, piviusornngortitsineq naliliinerlu

·Ataatsimiinnerni, ataqatigiissaarinermi suleqatigiinnermilu ilumiunut avammullu suleqatisanut peqataaneq

·Allaffissornermi aamma Igdlomi susassaqartitsinermi pilersaarusionermi piareersaaneq

·Igdlomi suliassanik tigussaasunik aammalu allaffissornerup, sammisassaqartitsinerni ikiuulluartussatut Igdlomi sutigut tamatigut iluaqutaasussanik

·Sammisassanik nittarsaanermik aammalu Igdlmi ineriartortsiseqataanermik peqataaneq aqutsisoq peqatigalugu

 **Uku ilinnut pingaartipparput**

·Attaveqatigiinnermi, sunngiffimmi kulturikkut imaluunniit inuusuttunik sullissinermik misilittagaqartutit imaluunniit soqutiginnittutit

·Tatiginartumik attaveqarnermik pilersitsisinnaasutit inuusuttullu ataqqinartumik ersarissumillu naapisissinnaagitit

·Akisussaassuseqartumik namminersorlutillu isumaqatigiissutit iluanni sulisinnaasutit

·Inuusuttunik, suleqatik, aqutsisut suleqatigigisartakkallu pitsaasumik suleqateqarsinnaasutit

·Inuusuttut peqatigalugit ingerlatinissamillu nuannarisaqartutit

·Suliffissat piffissallu allanngorartunut piareersimallutit

·Igdlop ingerlariaasianut pingaartitaanullu aammalu siunertaanut suleqataalluni peqataasinnaneq

**Neqeroorutigaarput**

·Sulineq isumaqarluartoq Tasiilami inuusuttunut allanngueqataanermik sunneeqataasinnaaneq

·Suliffik ulluinnarnik allanngorartoq attaveqatigiinneq, sammisassaqartitsineq, suliassat tigussaasut suleqatigiinnerlu ilaatigut

·Sammisassat neqeroorutillu ineriartortinneqarnerannut sunniuteqaqataanissamut periarfissaqarneq

·Suleqatigiiffik, suleqatit aqutsisullu akornanni qanimutsuleqatigiittoqarfiusoq

·Suliamut attuumassuteqartumik inuttullu piginnaasanik ineriartortitseqqinnissamut periarfissaqarneq

**Piginnaasanik ineriartortitsineq immikkulluy piginnaasaqarneq**

Igdlo piginnaasanik ingerlaavartumik ineriartortitsinermik pingaartitsivoq.

Piginnaasat uppernarsaatillu, ilinniagartuut allagartalluunniit atorfimmut nalinginnaasumik piumasaqaataasunit annertunerusut, aammalu suliassat immikkut isumaqatigiissutaasut akisussaaffiilluunniit, ataasiakkaanik naliliineq tunngavigalugu, piginnaasanut suliassanulluunniit tapitut isumaqatigiinniarnermi oqaloqatigiinnissamut tunngaviusinnaapput.

Tapit eqqarsaatigineqartut immikkut allanngorlugu isumaqatigiissuteqarnissamik pisariaqartitsippat isumaqatigiissut atuuttoq akissarsianullu tunngatillugu maleruagassat nunaqavissut malillugit.

**Suliffissat**

Suliffissat aaqqissuunneqassapput Igdlo aamma sammisassaqartitsineq aallaavigalugu.

Sulineq ingerlanneqarsinnaavoq ualikkut/unnukkut imaluunniit weekendtini.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Hans Poul Andersen, oqarasuaat +299 36 77 73 imaluunniit e-mail: ks37hapo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 964-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=964-26)

## Attaveqarfissaq

Hans Poul Andersen / ks37hapo@sermersooq.gl / 367773