---
title: "Inuussutissalerinermi assistent Meeraaqqerivik Uiloq"
description: "Inuussutissalerinermi assistent Meeraaqqerivik Uiloq"
date: "2026-08-25"
created: "2026-08-25"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Inuussutissalerinermi assistent Meeraaqqerivik Uiloq](https://sermersooq.gl/suliffissat/inuttaqanngitsut/inuussutissalerinermi-assistent-meeraaqqerivik-uiloq)

Qinnuteqarnissamut periarfissarititaasoq

15/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Ane Kuitse / ks76anku@sermersooq.gl

Kommuneqarfik Sermersooq pikkorissumik tunniusimasumillu nerisassiornermi assistent-mik Meeraaqqerivik Uiloq –mut sulilersussamik pissarsiorpoq.

Meeraaqqerivik Uiloq nuussuarmi inissisimavoq. Meeqqanut 35-nut inissaqarpoq, sulisullu 12-ullutik. Init pingasuupput, inini marlunni meeqqanut 12-nut inissaqarluni, inilu ataaseq 11-nut inissaqarluni. Init tamarmik pingasunik sulisoqarput, sulisui tassaallutik : Perorsaasoq, isumagininnermi ikiorti kiisalu ikiorti.

Uiloq ammasarpoq ulluinnarni nal. 7.00-miit 17.00 tungaanut, nalliuttuni weekendtinilu matoqqasarluni.

Meeraaqqerivik Uiloq 12-nik sulisoqarpoq. Sulisuupput: Aqutsisoq, tullersorti, perorsaasut, isumagininnermi ikiortit, ikiortit, flyveri kiisalu igaffimmioq.

**Atorfiup imarisaa:**

·Meeraaqqerivik Uiloq inuussutissalerinermi ikiortitut ilinniarsimasumik igaffimmi ulluinnarni ingerlatsinermi isumaginnissinnaasumik, meeqqanullu inuussutissartaqartunik, assigiinngissitaartunik kajungernartunillu nerisassanik qulakkeerinnissinnaasumik pissarsiorpoq

·Meeraaqqerivimmi Uiloq-mi qitiusumik igaffimmi nerisassiortutut atorfeqassaatit, meeraaqqanut nerisassiortartussaavutit nerisalerlaaniit pingasunik ukiulinnut.

·Igaffimmiutut eqqumaffissarissavatit inuussutissanik sapigallit aamma immikkut nerisaqartariaqarnermik uppernarsarneqarsimasunik eqqortumik isumaginninnerup qulakkeernera

·Igaffimmi eqquiluisaarnerup, eqqiaanerup, kissassutsimik nakkutilliinerup uppernarsaatitalimmillu nammineq nakkutilliinerup ingerlannissaa

·Nerisassanik maangaannartitsinerup pinaveersaartinnera akuutissanillu akisussaassuseqarluni piujuartitsisumillu atuineq

·Nerisassat, pitsaasumillu nerisaqarnermut ileqqut pillugit aqutsisunik perorsaanermillu sulisunik suleqateqarneq

·Sapaatip akunneranut nerisassanik pilersaarusiortarneq

**Qinnuteqartunut naatsorsuutigisat:**

·Ernæringsassistent-itut ilinniagaqarsimanissaq

·Meeraaqqerivimmi meeraaqqanik sullisserusuttoq

·Inuussutissaqarluartunik allanngorartunillu meeqqat ukiuinut naleqqussakkanik nerisassiorsinnaasoq

·Namminersorsinnaasoq kiisalu suleqateqarsinnaasoq

·Attaveqarluarsinnaasoq

·Piffissami suliffiusussani takkuttuaannartoq

**Neqoroorutigaavut:**

·Meeraaqqeriviup igaffiani namminersorluni meeqqat ulluinnaanut isumaqarluartumik suliaqarneq

·Meeraaqqerivimmi suleqatit tunniusimasut suleqatigineri

·Kommuneqarfik Sermersuup meeraaqqanut nerisassanut politikkianik, nerisaqarnermullu ileqquinik ineriartortitsinissamut periarfissaqarneq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Ane Kuitse oqarasuaat +299 234741 imaluunniit e-mail: ks76anku@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 830-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=830-26)

## Attaveqarfissaq

Ane Kuitse / ks76anku@sermersooq.gl