---
title: "Inuussutissalerinermi assistent Akuleriinni Meeqqerivik Paarsisoq "
description: "Inuussutissalerinermi assistent Akuleriinni Meeqqerivik Paarsisoq "
date: "2026-08-26"
created: "2026-08-26"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Inuussutissalerinermi assistent Akuleriinni Meeqqerivik Paarsisoq](https://sermersooq.gl/suliffissat/inuttaqanngitsut/inuussutissalerinermi-assistent-akuleriinni-meeqqerivik-paarsisoq)

Qinnuteqarnissamut periarfissarititaasoq

16/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Naja Amagtangneq Kilime / ks56naki@sermersooq.gl

Kommuneqarfik Sermersooq pikkorissumik tunniusimasumillu nerisassiornermi assistent-mik Akuleriinni Meeqqerivik Paarsisoq –mut sulilersussamik pissarsiorpoq.

Paarsisoq nuussuarmi inissisimavoq. Meeqqanut 90-nut inissaqarpoq, sulisullu 22-ullutik. Init Arfiniliupput, ini pingasut meeraaqqanut 12-nut inissaqarluni, ini pingasut meeqqanut 18-ni inissaqarluni. Init tamarmik pingasunik sulisoqarput, sulisui tassaallutik : Perorsaasoq, isumagininnermi ikiorti kiisalu ikiorti.

Paarsisoq ammasarpoq ulluinnarni nal. 7.00-miit 17.00 tungaanut, nalliuttuni weekendtinilu matoqqasarluni.

Meeqqerivik Paarsisoq 22-nik sulisoqarpoq. Sulisuupput: Aqutsisoq, tullersorti, Afdleder perorsaasut, isumagininnermi ikiortit, ikiortit, flyveri kiisalu igaffimmioq.

**Atorfiup imarisaa:**

·Akuleriinni Meeqqerivik Paarsisoq inuussutissalerinermi ikiortitut ilinniarsimasumik igaffimmi ulluinnarni ingerlatsinermi isumaginnissinnaasumik, meeqqanullu inuussutissartaqartunik, assigiinngissitaartunik kajungernartunillu nerisassanik qulakkeerinnissinnaasumik pissarsiorpoq

·Meeqqerivik Paarsisoq-mi qitiusumik igaffimmi nerisassiortutut atorfeqassaatit, meeraaqqanut nerisassiortartussaavutit nerisalerlaaniit 0 til 6 ukiulinnut

·Igaffimmiutut eqqumaffissarissavatit inuussutissanik sapigallit aamma immikkut nerisaqartariaqarnermik uppernarsarneqarsimasunik eqqortumik isumaginninnerup qulakkeernera

·Igaffimmi eqqiluisaarnerup, eqqiaanerup, kissassutsimik nakkutilliinerup uppernarsaatitalimmillu nammineq nakkutilliinerup ingerlannissaa

·Nerisassanik maangaannartitsinerup pinaveersaartinnera akuutissanillu akisussaassuseqarluni piujuartitsisumillu atuineq

·Nerisassat, pitsaasumillu nerisaqarnermut ileqqut pillugit aqutsisunik perorsaanermillu sulisunik suleqateqarneq

·Sapaatip akunneranut nerisassanik pilersaarusiortarneq

**Qinnuteqartunut naatsorsuutigisat:**

·Ernæringsassistent-itut ilinniagaqarsimanissaq

·Akuleriinni Meeqqerivimmi sullisserusuttoq

·Inuussutissaqarluartunik allanngorartunillu meeqqat ukiuinut naleqqussakkanik nerisassiorsinnaasoq

·Namminersorsinnaasoq kiisalu suleqateqarsinnaasoq

·Attaveqarluarsinnaasoq

·Piffissami suliffiusussani takkuttuaannartoq

**Neqoroorutigaavut:**

·Meeqqeriviup igaffiani namminersorluni meeqqat ulluinnaanut isumaqarluartumik suliaqarneq

·Meeqqerivimmi suleqatit tunniusimasut suleqatigineri

·Kommuneqarfik Sermersuup meeraaqqanut nerisassanut politikkianik, nerisaqarnermullu ileqquinik ineriartortitsinissamut periarfissaqarneq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Naja Amagtangneq Kilime oqarasuaat +299 274997 imaluunniit e-mail: ks56naki@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 836-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=836-26)

## Attaveqarfissaq

Naja Amagtangneq Kilime / ks56naki@sermersooq.gl