---
title: "Innuttaasut illuat Illorput sanaluttarfillu Ajagaq aqutsisussarsiorneqarput"
description: "Innuttaasut illuat Illorput sanaluttarfillu Ajagaq aqutsisussarsiorneqarput"
date: "2026-08-11"
created: "2026-08-11"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Innuttaasut illuat Illorput sanaluttarfillu Ajagaq aqutsisussarsiorneqarput](https://sermersooq.gl/suliffissat/inuttaqanngitsut/innuttaasut-illuat-illorput-sanaluttarfillu-ajagaq-aqutsisussarsiorneqarput)

Qinnuteqarnissamut periarfissarititaasoq

1/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Pipaluk Lynge Berthelsen / ks56pily@sermersooq.gl

**Innuttaasut illuat Illorput sanaluttarfillu Ajagaq Kommuneqarfik Sermersuumit tunniusimasumik aqutsisussarsiorneqarput**

Aqutsinermut, pinngorartitsinermut ataatsimoornermullu tunngasunik nuannarisaqarpit? Innuttaasut illuannik uummaarissumik kiisalu sanaluttarfimmik asseqanngitsumik suliffimmi, innuttaasut, eqqumiitsuliortut peqatigiiffiillu pinngorartitsinermik, kulturikkut kalaallillu sanaluttariaasiannik suliaqarlutik naapittarfianni siuttoorusuppit? Taava immaqa illit aqutsisortaarissavatsigit.

**Illorput aamma Ajagaq pillugit**

Innuttaasut illuat Illorput sanaluttarfillu Ajagaq Kommuneqarfik Sermersuumi Meeqqanut Atuarfinnullu Ingerlatsiviup ataani Sammisassaqartitsivik & Kulturimut Immikkoortortamiipput.

**Illorput** innuttaasut illoraat, taannalu kulturikkut, pinngorartitsinermik innuttaasullu qassinilluunniit ukiullit naapeqatigiillutik sammisassaqarfiat. Illu tamanut ammasumik pinngorartitsinermik, ataatsimoornermik ilinniarnermillu suliaqarnermi naapittarfiuvoq. Illorput ilaatigut mersortarfeqarpoq, marriorfik qalipaasarfillu, tassani innuttaasut pinngorartitsisinnaanitik ineriartortittarpaat sammisassaqartitsivinnilu assigiinngitsuni peqataasarlutik. Taakku saniatigut Illorput aamma inersuaqarpoq iggaveqarlunilu kiisalu ini minneq, taakku ataatsimiinnernut, pikkorissarnernut, caféqartitsinernut, kulturikkut sammisassaqartitsinernut allatullu ataatsimuualaarnernut atorneqartarput. Init aamma innuttaasunit, peqatigiiffinnut kattuffinnullu attartortinneqarsinnaapput atukkiunneqarsinnaallutilluunniit. Aqutsisup saniatigut kulturikkut suleqataasoq ataaseq eqqiaasorlu ataaseq tassani aamma sulipput.

**Ajagaq** kommunip sanaluttarfiutigaa najukkami eqqumiitsuliortut kalaallit sanalugaannik suliaqarlutillu saqqummersitsisarput. Sannavik ujaqqanik, saanernik, nassunnik qisunnillu suliaqarnermik immikkut sanaluttarfiuvoq, inuussutissarsiutigalugu eqqumiitsuliortut innuttaasullu kalaallit sanariaasiannik suliaqarnissaannut periarfissaqartillugit. Ajagaq aamma sunngiffimmi ilinniartitsinermik neqerooruteqartarpoq, peqataasut kalaallit sanariaasiannik periaatsinik ilinniarsinnaasarlutik. Ajagami ulluinnarni aqutsisumik sulisoqarpoq, taassumalu ingerlatsinerup ilaa suliarisarpaa.

Illorpumi Ajagamilu ulluinnarni aqutsinermut ineriartortitsinermullu aqutsisutut akisussaaffeqassaatit. Illut taakku marluk kajuminnarlutillu isumassarsiortitsisinnaassasut qulakkeerniassavat, pinngorartitsineq, eqqumiitsuliorneq, kulturi ataatsimooqatigiinnerlu innuttaasunik, eqqumiitsuliortunik, peqatigiiffinnik allanillu suleqatinit qanimut suleqateqarluni ineriartortinneqassallutik.

Atorfiup annersaani Illorput, Ajagap kiisalu Sunngiffimmi Kulturikkullu immikkoortortami taakku akornanni nukittunermik ataqatigiinnerulernermik pilersitsineq ilaassaaq. Illit suliniuteqarnernit illut atortui, sulisut piginnaasai atuisullu isumassarsiaat kommunip kulturikkut sunngiffimmilu ataatsimut suliaqarneranut suliniuteqassaatit. Tamanna ilaatigut suliarineqarsinnaavoq ataatsimut sammisassaqartitsinikkut, suliniutit susassaqarfiit akimorlugit ingerlannerisigut, sunngiffimmi ilinniartitsinikkut, kulturikkut sammisassaqartitsinikkut, eqqumiitsuliortut suleqatigiinnerisigut kiisalu meeqqanut, inuusuttunut, inersimasunut peqatigiiffinnullu neqerooruteqarnikkut.

Atorfik ullormut suliffiusussaq tamaat suliffiuvoq, Sammisassaqartitsinermut Kulturimullu Immikkoortortaqarfimmi Fagchefimut atassuteqarluni.

Paasissutissat tunngasut amerlanerusut uani pissarsiarisinnaavatit: www.sermersooq.gl

**Atorfiup imarisai**

·Innuttaasut illuannik Illorpumik sanaluttarfimmillu Ajagamik ataatsimut aqutsineq

·Sulisunik aqutsineq, matumanilu sulianut tunngasunik isumasioqatigiilluni oqaloqatigiinneq, suleqatit ineriartortinnerat atugarissaartitsinerlu

·Illut taakku marluk ulluinnarni ingerlalluarnissaasa qulakkeernissaat

·Pinngorartitsinernut, kulturikkut tunngasunik innuttaasunullu sammisinneqartunut ineriartortitsinerit ataqatigiissaarinerillu

·Workshoppinik, pikkorissarnernik, sunngiffimmi ilinniartitsinernik, saqqummersitsinernik aaqqissukkanillu allanik pilersaarusiornerit ataqatigiissaarinerillu

·Illorput initaasa inniminnerneqarnerannut, attartortinnerannut atukkiunnerannullu akisussaasuuneq

·Ajagap sanaluttartunut innuttaasunullu sannavittut kajuminnartutut ineriartornerup ikorfartueqataaffiginera

·Eqqumiitsuliortunik, peqatigiiffinnik, kajumissutsimik suliaqartunik, ilinniartitsisussanik allanillu suleqatigisartakkanik suleqateqarneq

·Missingersuutinik akisussaaneq, aningaasaqarnikkut malitseqartitsineq allaffissornernillu ataqatigiissaarineq

·Ulluinnarni ingerlatsinermik, illuutinik, sannavinnik inillu sinnerinik aserfallatsaaliinernik ineriartortitsinernillu akisussaasuuneq

·Sannaviit isumannaallisaanermut sulinermilu avatangiisinut piumasaqaatinut atuuttunut naammassinninnissaasa qulakkeernissaat

·Kommunip kulturikkut sunngiffimmilu neqeroorutinik akimut suleqatigiinnikkut ineriartortinneranut suleqataaneq

·Illorput aamma Ajagap ataatsimoorfittut nutaaliatut, ammasutut isumassarsiorfissaqqissutullu naapittarfittut ineriartortinneqarnerannut suleqataassaatit pinngorartitsineq, eqqumiitsuliorneq, kulturikkut ataatsimoornikkullu ilinniarnermik, inuulluarnermik innuttaasunillu qassinilluunniit ukioqartunut peqataatitsinermik tunngaviussallutik

·Allaffissornikkut suliassat suliallu takkussuunneri malillugit suliarinninnerit allat

Suliassat isumagineri Sammisassaqartitsinermut Kulturimullu Immikkoortortami, Kommuneqarfik Sermersuumi immikkoortut allat sinneri avataaniillu suleqatit suleqatigilluinnarlugit suliat suliarineqassapput.

**Illit makku piginnaaneqarfigissagitit naatsorsuutigaarput**

·Attuumassutilimmik ilinniagaqarsimanissat aamma/imaluunniit naleqquttumik misilittagaqarnissat

·Aqutsinermik imaluunniit aqutsinermut tunngasunik atuuffinnik misilittagalik ilinniagalilluunniit

·Kulturimut, pinngorartitsinermut, eqqumiitsuliornermut kalaallillu sanaluttarnerannut soqutigisalik

·Sammisassaqartitsinernik, aaqqissuussinernik suliniutinillu aaqqissuussinernillu pilersaarusiornermi ataqatigiissaarinermilu misilittagaqartutit

·Allaffissornikkut piginnaasaqarluartoq aningaasaqarnermullu tunngasunik paasisimasaqarluartoq

·Sulisunik aqutsinermik misilittagalik sulisunillu kajumilersitsilluartartoq inerisaasinnaasorlu

·Innuttaasunik, eqqumiitsuliortunik, peqatigiiffinnik suleqatinillu allanik attaveqaqatigiilluarsinnaasoq suleqatigiilluarsinnaasorlu

·Aaqqissuussami politikkikkut aqunneqartumi sulisinnaasutit

·Pilersaarusiukkamik sulineq peqataanillu ulluinnarni ingerlatsineq ukkataralugu

**Ilanngullugit pingaartippavut**

·Aqutsisutut ersarittuuneq, qanilaartuuneq aamma kajumilersitsisoq

·Suliniuteqarluartartoq, pinngorartitsisoq ineriartortitsinermillu soqutigisalik

·Suleqatinut, eqqumiitsuliortunut atuisunullu peqataalluarnermik sinaakkutinillu pitsaasunik pilersitsisinnaasoq

·Illorput aamma Ajagap pinngorartitsivittut, kulturikkut ataatsimoorfinnillu uummaarissutut pilersinnissaannut ineriartortitserusuttoq

·Aaqqissuussaasumik sulisinnaasoq ulluinnarnilu ulapaarfiusumi malinnaasinnaasoq - aamma ulluinnarni ulapaarfinni

·Akisussaassuseqartoq pitsaassutsinillu pingaartitsisoq

·Oqalunnikkut allattariarsornikkullu paasinartumik paatsuugassaanngitsumillu attaveqarsinnaasoq

·Namminersorluni sulisinnaasoq kiisalu suliassaqarfinni assigiinngitsuni qanimut suleqateqarnermik aamma pingaartitsisoq

·Sullissilluarusuttoq innuttaasunik suleqatinillu ataqqinnillu ammallunilu naapitsisartoq

·Kalaallisut qallunaatullu oqalussinnaaneq iluaqutaassaaq, kisianni piumasaqaataanngilaq

**Neqeroorutigaavut**

·Aqutsisutut atorfik pissanganartoq tamatigoortorlu, illit Innuttaasut Illuannik Illorpumi sanaluttarfimmillu Ajagamik ineriartornermut sunniuteqarluarsinnaassaatit

·Sunngiffimmut Kulturimullu Immikkoortortami ilaalissaatit, suleqatigiinneq, sulianut tunngasunik oqaloqatigiilluni isumassarsiorneq ineriartortitsinerlu ulluinnani ilaallutik. Suliffiup avatangiisai pitsaasut, suliat kusanartumik naammassisat kiisalu kulturi pingaartillugit sulivugut, isumassarsianut nutaanut suliniutinullu inissaqartitsilluta

·Aqutsisutut Illorput Ajagallu ineriartorteqqinnissaannut qitiusumik inissisimassaatit taakku naapittarfittut isumassarsiorfittut peqataatitsisutullu ineriartortitseqataaffigissavatit, kommunemi innuttaasunut pinngorartitsinikkut, eqqumiitsuliornikkut, kulturikkut ataatsimoornikkullu naleqalersitsinermik pingaartitsinermillu pinngorartitsiviusumi

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Pipaluk Lynge Berthelsen, oqarasuaat +299 36 81 66 imaluunniit -email: ks56pily@sermersooq.gl.

**Qinnuteqaat:**

Qinnuteqaat qulequtserlugu**Atorfiup ilisarnaataa 753-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=753-26)

## Attaveqarfissaq

Pipaluk Lynge Berthelsen / ks56pily@sermersooq.gl