---
title: "Ingerlatsinermut immikkoortortaqarfik suliniutinut allaffissornikkut siunnersortissarsiorpoq"
description: "Ingerlatsinermut immikkoortortaqarfik suliniutinut allaffissornikkut siunnersortissarsiorpoq"
date: "2026-09-18"
created: "2026-09-18"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ingerlatsinermut immikkoortortaqarfik suliniutinut allaffissornikkut siunnersortissarsiorpoq](https://sermersooq.gl/suliffissat/inuttaqanngitsut/ingerlatsinermut-immikkoortortaqarfik-suliniutinut-allaffissornikkut-siunnersortissarsiorpoq)

Qinnuteqarnissamut periarfissarititaasoq

10/10/2026

Suliffik

Tasiilaq

Sumiiffik

Forvaltning for Velfærd og arbejdsmarked

Attaveqarfissaq

Justus Hansen / ks92juha@sermersooq.gl

Kommuneqarfik Sermersooq Tasiilami Ingerlatsinermut immikkoortortaqarfik suliniutinut allaffissornikkut siunnersortissarsiorpoq, Tasiilami eqqaanilu inoqarfinni mikinerusuni 5-ini kommunip sanaartugassatut suliaanut tamarmiusunut ingerlatsinermik aamma aserfallatsaaliinermik suliniutinik isumaginnittussamik.

Tasiilami najukkami allaffissornermut attuumassuteqassaatit aamma illit ulluinnarni sulinerit tassannga aallaaveqassaaq. Taamaattoq Tunumi kommunip nunaqarfiini angalasarnissat naatsorsuutigissavat, nunap immikkoortuaniittut taakku atorfimmit akisussaaffigineqarnerat pissutigalugu. Ulluinnarni sulininni Tasiilami ingerlatsinermut pisortap ataani inissisimassaatit.

Suliniutinut allaffissornikkut siunnersortitut atorfik namminersorfiusoq aamma akisussaaffeqarfiusoq ingerlatissavat sulianut inuttullu ineriartornissamut periarfissaqarluartoq. Tasiilami eqqaanilu kommunip illuutaanut sanaartugaanullu tamarmiusunut assigiinngitsorpassuarnik tamatigoortuusunillu suliaqassaatit, ilaatigut sanaartukkanik allanngortiterinerit, kommunip illuutaanik nutarterinerit aserfallatsaaliinerillu kiisalu sanaartugassanik mikinerusunik pilersaarusiornerit.

**Pingaarnertut suliassatit tassaapput:**

· Ingerlatsinermik aserfallatsaaliinermillu suliniutinik aallartitsineq, pilersaarutit siuariartornerannik qulakkeerinninneq malinnaaffiginninnerlu, ilanngullugit piffissamik aqutsineq, pitsaassutsimut aningaasaqarnermullu akisussaaffiit

· Kommunip illuutaasa sanaartukkatullu suliaasa ataatsimoortut aserfallatsaalineqarnissamik pisariaqartitsinerannik nalilersuiuarneq

· Kommunip ingerlatsinermut sanaartornermullu missingersuutaanut najukkamut tunngasunik siunnersuuteqartarneq

· Isumaqatigiissutaasut malillugit suliat suliniutillu naammassineqartaqqullugit nakkutilliineq qulakkeerinninnerlu

· Suliassat pilersaarutillu pillugit Tasiilami Nuummilu suleqatinik siunersioqateqartarneq

· Erngertumik suliarisariallit, pingaartumik kommunip illuutaanut sanaartortitaanullu ingerlatsinermut aserfallatsaaliinermullu tunngasut

**Suliatigut inuttullu piginnaasat:**

· Ingerlatsinermik aserfallatsaaliinermik misilittagaqarneq

· Sanaartornermut teknikkimik tunngaviusumik aamma naatsorsuuserinermik tunngaviusumik paasinnissinnaassuseqarneq

· IT-mik atugaqarnermik ilisimasaqarneq, pingaartumik Office-pakkenimik, kiisalu journalimut toqqorterisarneq aningaasaqarnerlu

· Ataatsikkut arlalinnik suliaqarsinnaassasutit

· Allattariarsornikkut oqaatsitigullu ersarissumik attaveqarluarsinnaasutit

· Namminersullaqqittutit, nuannaartoq, soqutiginnittoq akisussaaffeqarnermillu ilisimaarinnittoq

· Suliassanut eqaassuseqartutit

∙ Marluinnik kalaallisut qallunaatullu oqaaseqartuuneq iluaqutaassaaq piumasaqaataanngilarli

Ulluinnarni siumut naatsorsuutiginngisamik pisoqartarnera aamma piareersimaffigissavat, tassungalu piumasaqaataalluni, tamakkiisumik isiginnittaaseq attatiinnarlugu ullup ingerlanerani suliassat assigiinngitsut akornanni nikittarsinnaanerit. Ataqatigiissaarineq piginnaaneqarfigissavat nuannaralugulu suliassat pilersaarutillu assigiinngitsut amerlasuut akuuffiginissaat.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ingerlatsinermi pisortaq Justus Hansen, oqa. +299 53 12 10 imaluunniit e-mail: ks92juha@sermersooq.gl imaluunniit uunga: Nunap immikkoortuani pisortaq Hjørdis Viberg, oqa. +299 36 77 10 imaluunniit e-mail: ks81hjvi@sermersooq.gl.

**Qinnuteqaat:**

Qinnuteqaat qulequtserlugu**Atorfiup ilisarnaataa 940-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=940-26)

## Attaveqarfissaq

Justus Hansen / ks92juha@sermersooq.gl