---
title: "Ingerlatsinermut Aserfallatsaaliuinermullu Suliniummut aqutsisoq"
description: "Ingerlatsinermut Aserfallatsaaliuinermullu Suliniummut aqutsisoq"
date: "2026-11-12"
created: "2026-11-12"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ingerlatsinermut Aserfallatsaaliuinermullu Suliniummut aqutsisoq](https://sermersooq.gl/suliffissat/inuttaqanngitsut/ingerlatsinermut-aserfallatsaaliuinermullu-suliniummut-aqutsisoq)

Qinnuteqarnissamut periarfissarititaasoq

3/12/2026

Suliffik

Nuuk

Sumiiffik

Koncernservice

Attaveqarfissaq

Angerla Egede-Enoksen / ks82anen@sermersooq.gl

Kommunip illuutaasa aserfallatsaalineqarnerannik aamma suliniutit pisariaqartitsinermit isumannaatsumik naammassineqarnerannut akisussaaffimmik tiguserusuppit?

Kommuneqarfik Sermersooq Nuummi aserfallatsaaliuinermik immikkoortortami suliniummut aqutsisumik suliatigut pikkorissumik iliuuseqarusussuseqartumillu pissarsiorpoq. Kommunimi tamarmi illuuterpassuaqarpugut aamma illit teknikkimik ilisimasanit aaqqiissutinut aalajangersimasunut allanngortitsisinnaasoq atorfissaqartippatsigit, siunissamilu suliniutit pilersaarutaasut aamma ulluinnarni suliassat siuariartornerannik qulakkeerinnissinnaasoq.

Aserfallatsaaliuinermik iluarsartuussinermillu suliniutit pilersaarusiornerat, ataqatigiissaanerat akisussaaffigissavatit pitsaassuseq, aningaasaqarneq aamma piffissamut pilersaarutit pingaartillugit. Illit akisussaaffivit iluani, aalajangiunneqartunik malittarinnissaatit qulakkeerlugulu, suliassat naammassineqassasut uppernarsaasiorneqarlutillu.

Illit pingaarnertut suliffissat tassaavoq Nuuk, maani kommunip illuutaasa ajunngitsumik atorneqarsinnaanerat aamma qanoq issusiat, atuisut pisariaqartitaat aningaasatigullu sinaakkutissat aallaavigalugit aserfallatsaalineqartarnerannut sunniuteqaqataassaatit. Illuutinik atuisut, kommunimi suliassaqarfiit aamma avataani suleqatigisat qanimut suleqatigissavatit.

Atorfimmi namminerisamik suliniutinut akisussaaffeqarneq aamma ingerlaavartumik suliassaagallartunik isumaginninneq akuleriissumik suliassaapput. Pinartoqartillugu pingaarnersiukkatit allanngortissinnaassavatit saniatigullu suliniutinik pilersaarutaasunik tamakkiisumik taakkualu siuariartornissaannut isiginnissinnaassuseqarlutit.

**Suliassatit pingaarnerit:**

Suliassatit siuariartortissavatit qulakkeerlugulu teknikkikkut aaqqiissutit, aningaasaqarneq aamma ingerlatsinerup akornanni ataqatigiissoqarnera. Pingaarnertut suliassatit makkuupput:

∙Pilersaarutaasumik aamma piffissakkuutaartumik aserfallatsaaliuinernik (PPV) pilersaarusiorluni suliat, pingaarnersiuinerit aamma ingerlatsinerit.

∙Pisariaqartitsinernik qulaarsinerit aallaavigalugit aserfallatsaaliuinermik iluarsartuussinermillu suliniutit aqunnerat aamma sulianik ingerlatsinermut, tunniussinermut malittarinninnernullu pilersaarusiornerit.

∙Siunnersortinik, entreprenørinik sanaartortunillu ataqatigiissaarineq taamatullu isumaqatigiissutit, pitsaassuseq piffissaliussallu eqquutsinneqarnerannik malittarinninneq.

·Sillimmasiinermut sulianik isumaginninneq ataqatigiissaarinerlu kiisalu pitsanngorsaatit uppernarsaasiornerillu malittarinerat.

·Kiffartuussinissamut isumaqatigiissutinik allaffissorneq malittarinninnerlu sullissinerit isumaqatigiissutaasut tunniunneqartaqqullugit.

·Missingersuutinik aamma pilersaarutinik aningaasaqarnerannik malittarinninneq nikingasoorutillu pillugit qisuariartarneq.

·Kommunimi ingerlatsivinnik tamanik suleqateqarneq aamma illuutinik atuisut erseqqissumik oqaloqatigineqarnerannik qulakkeerineq.

·Pilersaarutit aamma aserfallatsaaliuinermik suliat ingerlasut siuariartornerannik, uppernarsaasiorneqarnerannik naammassineqarnerannillu qulakkeerineq.

·Dalux FM-imi aserfallatsaaliuineq, ineriartortitsineq paasissutissallu pitsaassusiannik aamma suleriaatsinik qulakkeerineq.

·Uppernarsaasiornermik qulakkeerineq aamma ikuallattoortoqarsinnaaneranut atortulersuutinik malittarinninneq kiisalu suliniutinik pisariaqartunik ataqatigiissaarineq.

·Illuutinik misissuinermik ingerlatsinerit, aserfallatsaaliinissamut pisariaqartitsinermik naliliinerit taakkualu suliniutinut pingaarnersiukkanut ilanngunneqarnerat.

·Suliassat ingerlaavartumik takkussuuttut isumagineqarnerat ataqatigiissaarneqarnerallu, ilanngullugit tassanngaannartumik aserfallatsaaliuinermut pisariaqartitsinerit kiisalu pingaarnersiuineq, malittarinninneq aamma naammassineq.

**Naatsorsuutigaarput illit:**

∙Illussanik ilusilersuisartutut, ingeniøritut assingusumilluunniit qaffasissumik ilinniagaqarputit.

∙Sanaartornermi teknikkimik siammasissumik paasinnittaaseqarputit aamma aaqqiissutit pitsaassuseq, ingerlatsineq aserfallatsaaliuinerlu aallaavigalugit nalilersinnaavatit.

∙Sanaartornermik, iluarsartuussinermik- imaluunniit aserfallatsaaliuinermik pilersaarutinik misilittagaqarputit taakkualu naammassinissaat tikillugu malittarisinnaallugit.

∙Missingersuutinik aamma aningaasaqarnermik malittarinninnermik suliaqarsinnaavutit suliniutillu aningaasaqarnerannik isiginnittaatsimik tamakkiisumik pilersitsillutit.

∙IT-mik atortunik atuillaqqissuuvutit, ilaatigut Microsoft Office-pakken atorluartarlugu.

∙Ajornanngippat Facility Management-systemit, assersuutigalugu Dalux FM misilittagaqarfigaat.

**Inuttut piginnaasat:**

Suleqatissarsiorpugut:

·Suliassat arlallit ilinnit nakkutigineqarnissaat piumasaqaataatillugu aaqqissuussaasumik sulisinnaavutit, ilisimaaralugu pingaarnersiuisarputit tamakkiisumillu isiginnissinnaallutit.

·Pilersaarutit piffissami sivisunerusumi ingerlasut aamma suliassat ingerlaavartumik takkussuuttuartut nalerisimanaraatit, pingaarnersiugassallu allanngortillugit sulinerit allanngortissinnaavatit.

·Suliassaqarfinnik assigiinngitsunik suleqatigiinnermik angusaqarfiusumik pilersitsisinnaavutit ataatsimoortumillu isumaqatigiissutinik malittarinnissinnaallutit.

·Erseqqissumik suliamullu tunniusimallutit attaveqarsinnaavutit aamma teknikkikkut ajornartorsiutit atuisunut suleqatigisanullu paasinarsarsinnaavatit.

·Suliassatit nammineq isumagisassatut tigusarpatit, namminersorlutit iliuuseqarsinnaavutit aamma suleqatit aqutsisullu attuumassuteqartut pisariaqartillugu peqataatittarpatit.

·Aaqqiissutissarsiortuuvutit iliuuseqarsinnaalluarlutit aamma unammilligassat nikingasoorutillu pillugit piffissaalluartillugu qisuariartarputit.

·Suleriaatsit, uppernarsaasiornerit aamma immikkoortortami malittarinninnerit pitsaanerusut pillugit siunnersuutinik aalajangersimasunik ilanngussisinnaavutit.

∙Marluinnik kalaallisut qallunaatullu oqaaseqartuuneq iluaqutaassaaq piumasaqaataanngilarli.

**Neqeroorutigaarput**

∙Atorfik nammineerluni suliniutinut akisussaaffeqartoq aamma illit aaqqiissutivit piviusunngortinneqarnerannik takunniffiusinnaasoq.

∙Kommunip illuutaanik aserfallatsaaliuinermi sunniuteqarnissamut periarfissat.

∙Ulluinnaat assigiinngisitaartut suliniutitut pilersaarutinik, aalajangersimasumik ingerlatsinissamut pisariaqartitsinermik aamma suliassanik takkussuuttuartunik imallit.

∙Sullivimmi suliassaqarfimmut avatangiisit pitsaasut aamma tunniusimasunik ikiuukkusuttunillu suleqateqarneq

∙Suliatigut inuttullu ineriartornermut periarfissat.

∙Suliffeqarfik suleqatigiinnermik pitsaassutsimillu pingaartitsilluni ingerlaavartumik ineriartortuuvoq.

Atorfimmi Ingerlatsinermut aqutsisoq qaninnertut aqutsisuuvoq. Inuussutissarsiornermut, Ingerlatsinermut Pisinartarnermullu immikkoortoq Suliffeqarfiup iluani Kiffartuussivimmut ilaavoq, tassanilu suliaqarfiit arlaliupput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ingerlatsinermut immikkoortortami aqutsisoq Angerla Egede-Enoksen, oqarasuaat +299 36 71 44 imaluunniit e-mail: ks82anen@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1189-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1189-26)

## Attaveqarfissaq

Angerla Egede-Enoksen / ks82anen@sermersooq.gl