---
title: "Immikkoortortami aqutsisoq Maligiamut"
description: "Immikkoortortami aqutsisoq Maligiamut"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Immikkoortortami aqutsisoq Maligiamut](https://sermersooq.gl/suliffissat/inuttaqanngitsut/immikkoortortami-aqutsisoq-maligiamut)

Qinnuteqarnissamut periarfissarititaasoq

28/8/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Pipaluk Gedionsen-Steenholdt / ks27pige@sermersooq.gl

*Ulluinnarni perorsaanikkut pitsaassutsimik siuttoorusuppit meeqqallu, angajoqqaat sulisullu qanimut suleqatigalugit erseqqissumik siunnerfiliisinnaavit?*

**Atorfik pillugu**

Maligiaq immikkoortortami aqutsisumik tunniusimasumik suliaminillu piginnaasaqarluartumik, meeqqeriviup naleqartitaanik perorsaanikkullu anguniagaanik ulluinnarnut toqqissisimanartunut, aaqqissuussaasunut ineriartorfiusunullu piviusunngortitsisinnaasumik pissarsiorpoq. Aqutsisoqatigiinnut ilaalissaatit ulluinnarnilu ataqatigiissaarinermi perorsaanikkullu suleriaatsip ineriartortinneqarnerani qitiusumik inissisimassallutit.

Atorfimmi meeqqat sulisullu qanimut suleqatigineqassapput. Sulinermi siuttuusinnaassaatit, ataatsimut isiginnissinnaassaatit isumaqatigiissutinillu malitseqartitsisinnaassallutit. Suliassat aqutsinermilu pisinnaatitaaffiit meeqqeriviup aqutsisua qanimut suleqatigalugu pisinnaatitsinermut aalajangersarneqarsimasumut naapertuuttumik isumagineqassapput.

**Suliassatit pingaarnerit**

·Immikkoortortami ulluinnarni perorsaanikkut ingerlatsineq ataqatigiissaarlugu, pingaarnersiuineq, suliassanik agguaaneq ataqatigiissumillu ingerlatsineq qulakkeerlugit

·Sulisut suliamut tunngasumik siunnersuinerit, utertitsiviginerisigut isumaqatigiissutinillu perorsaanikkullu suliniutinik malitseqartitsinikkut tapersersorlugit

·Meeqqat eqimattat pisariaqartitaat aallaavigalugit sammisassanik pilersaarusiornermut, ingerlatsinermut naliliinermullu peqataaneq

·Meeqqat atugarissaarnerat, ineriartornerat ilinniarnermilu avatangiisaat malinnaavigalugit, maluginiakkat suliniutillu attuumassuteqartut dokumenterneqarnissaat malitseqartinneqarnissaallu qulakkeerlugit

·Angajoqqaanik suliamut naleqquttumik ataqqinnittumillu suleqateqarnermut kiisalu assigiinngitsunik sulialinnik attuumassuteqartunik suleqateqarnermut peqataaneq

·Sulisut ataatsimiinnerinut, suliamut tunngasunik eqqarsaatersornernut, suliffimmi avatangiisinut ataatsimoorussamillu suleriaatsinik ineriartortitsinermut aktiivimik peqataaneq

·Aqutsinermi suliassat isumaqatigiissutigineqartut isumagalugit sulisullu eqimattat meeqqeriviullu aqutsisuata akornanni attaveqaataaneq

**Perorsaanikkut ilisarnaativut**

·Maligiaq meeraaqqerivimmi meeqqerivimmilu meeqqanut ininik arfinilinnik eqaatsumik aaqqissuunneqarsinnaasunik imaqarpoq. Pingaartippavut:

·Toqqissisimaneq attaveqatigiinnerillu pitsaasut meeqqap ineriartorneranut tunngaviunissaat

·Ullut tamaasa silamiinneq silaannarissumilu pinnguarneq

·Nerisat peqqinnartut, eqqiluisaarneq pitsaasoq perorsaanermilu ileqqut aalajangersimasut ilisarnartullu

·Meeqqat nammineersinnaassutsiminnik, alapernaassutsiminnik, nukittussutsiminnik nuannaarneranillu ineriartortitsinissaat

·Meeqqat tamarmik peqataaffigisinnaasaannik ataatsimoorfeqarneq, meeqqallu tamarmik ilaasutut misigiffigisaat

**Illit uku piginnaaneqarfigigukkit pissarsiorpatsigit**

·Perorsaasutut ilinniagaqarsimasutit

·Perorsaanikkut sulinermik attuumassuteqartumik misilittagaqartutit; ataqatigiissaarinermik aqutsinermilluunniit misilittagaqarneq iluaqutaassaaq

·Erseqqissumik akuerinnittumillu siunnerfiliisinnaasutit, aaqqissuussisinnaasutit suleqatinnillu malitsitsisinnaasutit

·Ulluinnarni ulapaarfiusumi ataatsimut isiginnissinnaasutit, pingaarnersiuisinnaasutit suliamullu tunngasumik tunngavilersukkanik aalajangiisinnaasutit

·Uppernarsaasiortarnermik, naliliinermik malitseqartitsinermillu aaqqissuussaasumik sulisartutit

·Meeqqat, angajoqqaat, sulisut suleqatigisallu suliamut naleqquttumik aaqqiissutissarsiorfiusumillu attaveqarfigisinnaagitit, suliffimmi avatangiisinut peqqinnartunut aktiivimik peqataasutit isumaqatigiinnginnerillu ataqqinnittumik pitsaasumillu aaqqiivigisinnaagitit

·Kalaallisut danskisullu piginnaasaqarluarneq iluaqutaassaaq, piumasaqaataananili

**Neqeroorutigaarput**

·Perorsaanikkut siunnerfimmut ulluinnarnilu aaqqissuussinermut sunniuteqarnissamut periarfissalimmik qitiusumik inissisimaneq

·Meeqqeriviup aqutsisuanik qanimut suleqateqarneq aqutsinermilu piginnaasavit ineriartortinnissaannut periarfissaq

·Suliamut tunngasumik eqqarsaatersornermik, sulisut atugarissaarnerannik suleqatigiitullu pitsaasumik ataatsimoornermik pingaartitsisoq suliffik

·Pikkorissarnernut attuumassuteqartunut piginnaasanillu ineriartortitsinissamut periarfissaq

**Maligiaq pillugu**

Meeraaqqeriviutigaluni meeqqerivik Maligiaq meeqqat 96-it ininut arfinilinnut agguagaallutik inissaqartippai: meeraaqqerivimmi meeqqat 0–2½-nik ukiullit 36-t meeqqerivimmilu meeqqat 2½–6-inik ukiullit 60-it. Meeqqerivik ataasinngornermiit tallimanngornermut nal. 07.00–17.00 ammasarpoq.

Aqutsisup saniatigut inini tamani sulisut pingasut sulisorineqarnissaat aalajangersagaavoq, perorsaanikkut aqutsisoq sulisut amerlassusissaannut ilaalluni, kiisalu igaffimmi eqqiaanermilu sulisoqarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisuugallartoq Pipaluk Gedionsen-Steenholdt, oqarasuaat +299 36 64 80 imaluunniit e-mail: ks27pige@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 755-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=755-26)

## Attaveqarfissaq

Pipaluk Gedionsen-Steenholdt / ks27pige@sermersooq.gl