---
title: "Dudo Qimarnguik psykoterapeutimik sulisussarsiorpoq"
description: "Dudo Qimarnguik psykoterapeutimik sulisussarsiorpoq"
date: "2026-11-16"
created: "2026-11-16"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Dudo Qimarnguik psykoterapeutimik sulisussarsiorpoq](https://sermersooq.gl/suliffissat/inuttaqanngitsut/dudo-qimarnguik-psykoterapeutimik-sulisussarsiorpoq)

Qinnuteqarnissamut periarfissarititaasoq

22/11/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Karen D. Jensen / ks59kadj@sermersooq.gl

**Dudo Qimarnguik psykoterapeutimik soqutiginnittumik allagartalimmillu inuunerissaanermut katsorsaanermullu sulisussarsiorpoq**

Kommuneqarfik Sermersuumi ulloq naallugu aalajangersimasumik atorfik pineqarpoq.

**Dudo Qimarnguik pillugu:**

Dudo Qimarnguik Meeqqanut Ilaqutariinnullu Ingerlatsiviup ataani kommunimit neqeroorutaavoq.

Dudo Qimarnguik arnanut taakkualu meeraannut, tarnikkut imaluunniit timikkut persuttarneqarsimasut imaluunniit sioorasaarneqarsimasut aamma/imaluunniit persuttarneqarnissamik sioorasaarneqarsimasut utaqqiisaasumik illusimmavigigallarsinnaasaattut neqeroorutaavoq.

Taassuma saniatigut qimarnguiup siunertaraa arnanik illusimasunik ulluinnarni suliassat pillugit siunnersuinermik ilitsersuinermillu kiisalu inuunerissaanermik tapersersuinermillu oqaloqatigiinnernik ingerlatsissalluni. Oqaloqatigiinnerit inuit ataasiakkaarlugit imaluunniit eqimattani ingerlanneqarsinnaapput. Qimarnguik kiffaanngissuseqarnermik periuseqarpoq, taakkua ilisimatuussutsikkut ileqqorissaarnikkullu eqqarsaatigilluakkamik tunngaveqarsimatillugit.

Aammattaaq qimarnguimmi sulissutigineqarpoq, persuttaaneq taakkualu kingunerisaannik ilisimasat siammarterineqarnissaat.

Arnat persuttaanermik eqqorneqarsimasut namminneerlutik qimarnguimmut saaffiginnissinnaapput. Qimarnguik inuttaqarpoq pigaartup oqarasuaataanik tigummialimmik, taanna qimarnguiup nalinginnaasumik ammasarfiata avataani arnanit saaffigineqarsinnaavoq. Pigaartoqartitsinermik atuuffimmut tassunga ilannguttoqarsinnaavoq.

Dudo Qimarnguik assigiinngitsunik piginnaasalinnik sulisoqarpoq, taakkua qanimut suleqatigiipput arnanut taakkualu meeraqarsimappata meerarisaannut illusimasunut aaqqiissutinik pitsaanerpaanik pilersitsiumalluni.

Qimarnguimmi sulisut ima amerlassuseqarput; immikkoortumi aqutsisoq, ilaqutariinnut siunnersorti, piffissap ilaani tarnip pissusiinik immikkut ilisimasalik, inunnik isumaginnittoq (inuttaqanngilaq), psykoterapeutit marluk, taakkunannga atorfik ataaseq tassaalluni matumani sulisussarsiuunneqartoq.

Sulisut tamarmik immikkoortumi aqutsisup ataaniipput.

**Atorfik pillugu:**

Psykoterapeutimik allagartalimmik sulisussarsiorpugut, taanna arnanut meeqqanullu persuttagaasimasunut allanngueqataarusussuseqassaaq, kiisalu sullivimmi avatangiisit ineriartortinnerannut ilanngussaqaqataarusulluni.

**Suliassatit ilaatigut makkuusinnaapput:**

∙ Inunnik ataasiakkaanik aamma eqimattakkuutaanik tunngaveqartunik inuunerissaanermik ingerlatsinerit kiisalu arnanik tapersersuinermik oqaloqatiginninnerit.

∙ Suliassaqarfiit assigiinngitsut qimarnguiup iluani taamatullu avataani suleqatigisanik suleqateqarnerit

∙ Suleqatigiinni suliatigut inerikkiartornermut ilisimasanillu avitseqataanermut peqataaneq

Suliassat immikkoortumi aqutsisoq sulisullu allat qanimut suleqatigiillutik ingerlattarpaat.

**Qinnuteqartumut naatsorsuutigineqartut:**

Naatsorsuutigaarput, illit:

∙ Psykoterapeutitut allagartaqartutit

∙ Inersimasunik meeqqanillu inuunerissaanermik suliamit misilittagaqartutit

∙ Aaqqissuussamik sulisinnaasutit sulianilu ajornakusoortuni tamakkiisumik isiginnissinnaasutit

∙ Suleqatigiinnermut piginnaasaqarluartutit atassuteqarnermilu tatigeqatigiinnermik pilersitsisinnaasutit

∙ Namminersorlutit sulisinnaasutit suliassaqarfimmullu akisussaaffimmik erseqqissumik tigusisinnaasutit

∙ Eqaatsumik periuseqartutit aamma ajornartorsiutit ajornakusoortut aqqutissarsiorfigisinnaagitit

∙ Inunnik naapitsininni misiginneqatiginnissinnaasutit, ataqqinnittuusutit aamma suliamik aallaavilimmik inunnik isiginnittaaseqartutit

∙ IT-mik aamma toqqorterinermik misilittagaqartutit

∙ Marluinnik oqaaseqarneq kalaallisut qallunaatullu iluaqutaassaaq, (piumasaqaataanngilarli).

**Pingaartipparput illit:**

∙ Aalajaatsuusutit, pitsaassutsimik ilisimasaqarluartoq immikkuualuttunillu malussarissuseqartutit

∙ Ulluinnarnik siumut naatsorsuutigineqarsinnaanngitsunik suliarinnissinnaasutit, eqaatsumik periuseqarnermut iluaqutaammat

∙ Allattariarsornermi oqaluttariarsornermilu ersarissumik paatsuugassaanngitsumillu attaveqarsinnaasutit

∙ Nammineerlutit sulisinnaasutit, akisussaassuseqarlutit sullissiumatullutillu

∙ Ulloq ulapaarfiugaluarpalluunniit ukkatarinnilluarsinnaasutit ataqatigiissitsillaqqillutillu

∙ Tatituujusutit, eqqissisimanermik ersersitsisinnaasoq, nukissaqarluartutit piumassuseqartutillu

∙ Uagut suliassatta naammassineqarnissaannut ineriartortitseqataanermut pitsanngorsaanermullu ilanngusseqataasinnaasutit

∙ Siammasissumik suleqateqarluarsinnaasutit

**Neqeroorutigaavut:**

Uagutsinni suleqatigiinni soqutiginnittuni akuulissaatit maani nalerisimaneq, tamatigoortuuneq aamma suliassaqarfimmut piginnaasaqarluarneq ingiaqatigiipput.

**Pingaartipparput illit atorfinni inerikkiartussasutit taamaattumillu neqeroorutigaavut:**

∙ Atorfik isumaqarluartoq tamatigoortorlu annertuumik namminersorfiusoq sunniuteqaqataanermik imalik

∙ Suleqatigiit ataatsimooqatigiissut suleqatigiinnermik aamma ilisimasanik avitseqatigiinnermik pingaartitsisut

∙ Ulluinnarni sulinermi aqutsisunik qanimut siunersioqateqarneq

∙ Supervision suliamut ilaalluinnartoq ingerlanneqartuartoq

∙ Piginnaanngorsaqqinnerit aqqutigalugit suliatigut inuttullu inerikkiartornissamut periarfissat pitsaasut

**Pineqaatissinneqarsimannginnermik aamma meeqqanik innarliisimannginnermik uppernarsaatit:**

Atorfik una meeqqanik innarliisimannginnermik aamma pineqaatissinneqarsimannginnermik uppernarsaatinik pissarsinissamik piumasaqaateqarfiuvoq. Inatsit naapertorlugu kommune meeqqanik pinerliisimannginnermik aamma pineqaatissinneqarsimannginnermik uppernarsaatinik naammaginartutut isigineqartunik pissarsereerpat atorfinitsitsiniarneq aallartinneqarsinnaavoq. Taamaattumik maluginiaqquarput, atorfinitsitsineq aatsaat isumaqatigiissutigineqarsinnaammat kommune rigspolitiinit pineqaatissinneqarsimannginnermik aamma Politiinit meeqqanik innarliisimannginnermik uppernarsaatinik tigusaqarpat.

Meeqqanik innarliisimannginnermik uppernarsaat kommunimit pissarsiarineqassaaq qinnuteqartup akuersissuteqarneratigut, pineqaatissinneqarsimannginnermillu uppernarsaat nammineerluni Politiinit pissarsiarineqassaaq.

**Akissarsiatigut atorfinitsitsinermilu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatiginninniarsinnaatitaasup akornanni isumaqatigiissutit atuuttut naapertorlugit.

Qaammatini pingasuni misiligummik atorfinitsitsisoqassaaq.

**Ineqarneq:**

Atorfimmut inissaqartitsisoqanngilaq.

**Paasissutissat allat uannga pissarsiarineqarsinnaapput:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Karen D. Jensen, oqarasuaat +299 36 63 74 imaluunniit mailimut uunga allaffigalugu: ks59kadj@sermersooq.gl.

**Qinnuteqaat:**

Qinnuteqaatit qulequtserlugu **Atorfiup normua 1211-26-mik, ilinniagaqarsimanermut** siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.

**Imatut qinnuteqassaatit:**

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

**Malugiuk:**

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1211-26)

## Attaveqarfissaq

Karen D. Jensen / ks59kadj@sermersooq.gl
