---
title: "Digitalinngortitsinermut siunnersorti"
description: "Digitalinngortitsinermut siunnersorti"
date: "2026-10-21"
created: "2026-10-21"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Digitalinngortitsinermut siunnersorti](https://sermersooq.gl/suliffissat/inuttaqanngitsut/digitalinngortitsinermut-siunnersorti)

Qinnuteqarnissamut periarfissarititaasoq

11/11/2026

Suliffik

Nuuk

Sumiiffik

Koncernservice

Attaveqarfissaq

Christine Lynge Heilmann / ks96chhe@sermersooq.gl

**Kommuneqarfik Sermersuumi digitalimik inerisaanermut suliamik ineriartortitseqataarusuppit?**

Kommuneqarfik Sermersooq IT-mut aamma digitalinngortitsinermut soqutiginnittumik ineriartortitseqataarusuttumillu siunnersortissarsiorpoq.

Pissanganartumik ineriartorfimmiippugut, tassanilu digitalinngortitsineq kiffartuussinermik iluaqutaasussamik suleriaatsinillu pitsaanernik ikorfartuutaassalluni. Taamaammat digitalimik sullissinitsinni piorsaaqataarusuttumik inerisaaqataarusuttumillu suleqatissarsiorpugut.

Atorfik assigiinngitsorpassuarnik suliassaqarfiuvoq, suliassallu immikkoortumi aaqqissuussaanermilu pisariaqartitat naapertorlugit ineriartortinneqassallutik. Immikkoortumut ilaalissaatit aaqqissuussamik suleriaatsit piorsaqqissallugit, kommunimilu tamarmi digitalimik sullissinermi ataatsimut inissitsiteraluta piorsaassalluta.

Atorfik qarasaasialerisunngorlaamut imaluunniit IT-mik suliaqarnermik tunuliaqutaqartumut digitalinngortitsinermik, pilersaarutinik suliaqarnermik isumannaatsumillu paasissutissiisarnermik inerisaaqataarusuttumut sammitinneqarluni.

**Atorfik pillugu**

Digitalinngortitsinermi siunnersortitut teknikkikkut atortorissaarutinik, ingerlatsinermik inerisaanermillu suliassaqarfinni suliaqassaatit. Periusissiorluni suliassanillu ingerlatsinermi peqataasinnaassaatit, periarfissat suussusersillugit suleqataallutit, aaqqiissutissanik inerisaaqataallutit kiisalu kommunimi digitalikut inerisaanermut suleqqinnermi inerisaaqataallutit.

Piffissami siullermi ilaatigut qitiutinneqassapput ataatsimut paasinninniarneq, aaqqiissutit pioreersut uppernarsarlugit, suleriaatsinik pitsanngorsaaqataaneq siunissamilu digitalikkut suliniutinik patajaatsumik tunngavissiiniarnermi suleqataaneq.

**Suliassatit ilaatigut makkuussapput**

·Kommunip digitalikkut suliniutinik peqataaneq

·Digitalikkut aaqqiissutissanik inerisaaneq atuutsitsilernerlu

·Suleriaatsinik periusissianillu misissueqqissaarneq pitsanngorsaanerlu

·Atortunik misissuineq uppernarsaasersuinerlu kiisalu digitalikkut suleriaatsit ilanngullugit eqqarsaatigalugit

·Kommunip digitalikkut atortuinik torersaanermi aaqqissuussinermilu suleqataaneq

·Pisortat digitalinngortitsinermik suliniutaanni suleqatigiinneranilu peqataaneq

·Digitalikkut periarfissat pillugit suliassaqarfiit suleqatigalugit suussusersiniarneq piviusunngortitsinerlu

·Aaqqiissutinik nutaanik misileraaneq, atuutsitsilerneq uppernarsaasersuinerlu

·Paasissutissat ilisimatitsissutillu isumannaatsuunissaanik suliaqarnermi suleqataaneq

·Isersinnaanernut atuisinnaanernullu aqutsissutinik suliaqarneq

·Atortunik nalilersuinermik, digitalikkut aqutsinermi piumasaqaatinik eqquutsitsinissamik, isumannaallisaanermik aqutsinissamillu suleqataaneq

·Immikkoortumi pisariaqartitat naapertorlugit IT-mik, digitalinngortitsinermik inerisaanermillu suliat allat

**Takorloorparput illit tassaasutit**

·Datalogisut imaluunniit IT-mik attuumassuteqartunik ilinniagaqartumik ilinniagalik

·Digitalinngortitsinermik, teknologiinik atortunillu inerisaanermik soqutigisalik

·Alapernaatsut nutaanillu ilikkagaqarnissamut kajumissusilik

·Namminersorlutit aaqqissuulluakkamik sulisinnaassasutit

·Suleqatigiillaqqissoq kiisalu sulisunut atortunik paasinnilluarsimasunik ilisimasaqarpianngitsunillu attaveqaqatigiillaqqissoq

·Ulluinnarni allanngorartuni sulillaqqissoq, suliassani siumungaaq aalajangiiffigineqarsimanngitsuni aamma

·Digitalinngortitsinermik suliassaqarfimmi piorsaaqataarusullunilu inerisaaqataarusuttoq

IT-mik inerisaanermik, ingerlariaatsinik piorsaanermik, paasissutissanik isumannaallisaanermik ingerlatsinermilluunniit ilisimasaqaruit iluaqutaassaaq, piumasaqaataananili.

**Neqeroorutigaavut**

·Atorfik pissanganartoq sunniuteqaqataaffiulluarsinnaasoq

·Kommunip digitalinngorsaanermi suliassaqarfiani piorsaaqataanissamut sunniuteqarfiginissaanullu periarfissaqarluartoq

·Suliassat assigiinngitsunut inissisimasut assigiinngiiaartullu

·Suliatigut inuttullu ineriartornissamut periarfissat pitsaasut

·Pisortat suliniutaannik assigiinngitsunik ataatsimoorussanillu peqataaneq

·Suliffik persuarsiunngitsumik sulinermi atugassaqarfiusoq, pikkorissunik suleqateqarfiusoq

·Digitalinngortitsinermik suliassaqarfimmi, pilersaarusiornermik sulinermi paasissutissanillu isumannaatsuutitsinissamik piginnaasanik ineriartorfiusinnaasoq

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Chef-i Christine Lynge Heilmann, oqarasuaat +299 52 91 02 imaluunniit e-mail: ks96chhe@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1081-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1081-26)

## Attaveqarfissaq

Christine Lynge Heilmann / ks96chhe@sermersooq.gl