---
title: "Digitalinngortitsinermut immikkoortortami pisortaq"
description: "Digitalinngortitsinermut immikkoortortami pisortaq"
date: "2026-10-21"
created: "2026-10-21"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Digitalinngortitsinermut immikkoortortami pisortaq](https://sermersooq.gl/suliffissat/inuttaqanngitsut/digitalinngortitsinermut-immikkoortortami-pisortaq)

Qinnuteqarnissamut periarfissarititaasoq

11/11/2026

Suliffik

Nuuk

Sumiiffik

Koncernservice

Attaveqarfissaq

Christine Lynge Heilmann / ks96chhe@sermersooq.gl

**Kommuneqarfik Sermersooq Digitalinngortitsinermut soqutiginnittumik ineriartortitseqataarusuttumillu immikkoortortami aqutsisussarsiorpoq**

Immikkoortortami aqutsisutut, IT & Digitalinngortitsinermut pisortaq qanimut suleqatigalugu digitalinngortitsinermik suliassaqarfiup sanaartorneqarneranut ilusilersorneqarneranullu immikkuullarilluinnartumik suliaqarnissannut periarfissaqarputit. Suliassaqarfik ineriartortinneqarpoq, illillu aaqqissuussanik, suleriaatsinik suleqatigiinnernillu pilersitsinermi qitiusumik atuuffeqassaatit, taakkua kommunip siunissami digitalinngortitsinermik suliniutaannut tunngavittut atuutissapput.

Suliffeqarfimmi digitaliusunik ineriartortitsinermik qaffasissunik anguniagaqarfiusumik siunnerfimmik inissiinissamut aamma isumassarsiat angusanut aalajangikkanut ineritinnissaannut atorfik periarfissiivoq.

**Atorfik pillugu**

Immikkoortortami pisortatut kommunip digitalinngortitsinermik suliniutaannik ineriartortitsinermi pingaarutilimmik atuuffeqassaatit. Suliassat akisussaaffillu suliassaqarfiup inerikkiartornera ilutigalugu ineriartussapput, ilaatigullu tulliuttunut tunngasuullutik:

·Kommunip digitalinngortitsinermik suliaanik ineriartortitsineq inerisaanerlu

·Suliassaqarfiit assigiinngitsut digitalinngortitsinermik suliniutaannik pilersaarusiorneq, ataqatigiissaarineq aamma naammassinninneq

·Digitalinngortitsinerup aamma paasissutissat isumannaatsuunerannut aqutsinermik pilersitsineq ineriartortitseqqinnerlu

·Suliffeqarfimmi aaqqiissutinik digitaliusunik atulersitsinermik aamma pigiliussinermik sulianut tapersiineq

·Paasissutissat isumannaatsuunissaannut, eqqortumik ingerlanneqarnerannut aamma paasissutissanik aqutsinermut Kommunip suliaasa ineriartortinnerannut tapersiineq

·Digitalinngortitsinermik suliniutinik ataatsimoortunik takunnissinnaaneq aamma pingaarnersiukkanik malittarinninnermilu tapersersuineq

·Aqutsisunik, sulisunik aamma avataani suleqatigisanik suleqatigiinnernik pitsaasunik pilersitsiortornerit

·Digitalinngortitsinermik immikkoortortami suliassatigut sulisoqarnermullu tunngasunik aqutsineq

IT & Digitalinngortitsinermi aqutsisunut ilanngullutit akuliutissaatit aamma suliassaqarfiup ukiuni aggersuni qanoq ineriartornissaanut annertuumik sunniuteqaqataassaatit.

**Takorloorparput**

·Digitalinngortitsinermik, suliniummik aqutsinermik, aaqqissuussaanikkut ineriartortitsinermik imaluunniit suliassaqarfimmik assingusumik misilittagaqartutit

·Aqutsinermik soqutigisaqarlutit aamma inunnit aaqqissuussaasunillu ineriartortitsinissamut kajumissuseqarputit

·Sinaakkutissanik nutaanik imaluunniit allanngoriartortuni aaqqissuussamik aamma siunnerfissamik pilersitsineq nalerisimaffigivatit

·Attaveqarfissanik pissarsiullaqqipputit suliassaqarfinnillu assigiinngitsunik suleqateqallaqqillutit

·Anguniagassatut periusissiat sulianut inerititanullu aalajangersimasunut allanngortissinnaavatit

·Aaqqissuussaasumik suleriaaseqarputit, suliassat suliniutillu siuariartornerannik qulakkeerinnissinnaallutit

·Oqalunnikkut allattariarsornikkullu erseqqissumik paatsuugassaanngitsumillu attaveqarsinnaavutit

Ukiuni arlalippassuarni sulisunut aqutsisuusimanermit misilittagaqarneq aalajangiisuunngilaq. Pingaarnerpaaq tassaavoq suleqatigiinneq, ineriartorneq aqutsinerlu aqqutigalugit angusaqarnissamut kajumissuseqarnerit piginnaaneqarnerillu.

**Neqeroorutigaavut**

·Suliassaqarfimmik nutaamik pingaarutilimmillu sanarfinissaq sunniuteqarnissamullu periarfissat

·Kommunip digitalinngortitsinermik ineriartortitsinerani annertuumik sunniuteqarsinnaaneq

·IT & Digitalinngortitsinermik pisortamik qanimut suleqateqarneq siunersioqateqartarnerlu

·Aqutsisutut suliatigullu ineriartornissamut periarfissat pitsaasut

·Suliffeqarfik qaffasissunik anguniagalik, suleqatit soqutiginnittut aamma ineriartornermut ukkatarinninneq

·Ulluinnaat angusanik takuneqarsinnaasunik pilersitsinissamut periarfissallit aamma innuttaasunut suleqatinullu naleqartuinnik pilersitsinerit

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Chef-i Christine Lynge Heilmann, oqarasuaat +299 52 91 02 imaluunniit e-mail: ks96chhe@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1080-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1080-26)

## Attaveqarfissaq

Christine Lynge Heilmann / ks96chhe@sermersooq.gl