---
title: "Atuarfik Tuiisaq-mi  pisortamut tullersortimik pissarsiorpoq"
description: "Atuarfik Tuiisaq-mi  pisortamut tullersortimik pissarsiorpoq"
date: "2026-08-19"
created: "2026-08-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atuarfik Tuiisaq-mi  pisortamut tullersortimik pissarsiorpoq](https://sermersooq.gl/suliffissat/inuttaqanngitsut/atuarfik-tuiisaq-mi-pisortamut-tullersortimik-pissarsiorpoq)

Qinnuteqarnissamut periarfissarititaasoq

4/9/2026

Suliffik

Paamiut

Sumiiffik

Forvaltning for Børn og Skoler

Attaveqarfissaq

Johanne Rosing Dahl / ks51joda@sermersooq.gl / 367681

**Atuarfik Tuiisaq-mi  pisortamut tullersortimik pissarsiorpoq**

Kommuneqarfik Sermersooq Atuarfik Tuiisami pisortamut tullersortissarsiorpoq 1. oktober 2026 atorfinittussamik imaluunniit isumaqatigiissuteqarnikkut.

Atuarfik Tuiisaq Kalaallit Nunaata kujasinnerusuaniippoq, pingasunik immikoortortaqarluni,  atuartullu 170-it missaaniillutik, 20-inik ilinniartitsisoqartussatut naatsorsuussaalluni.

Atuarfitsinni atuartuutigivagut 1. – 10. kl., alloriarfinni pingasuni immikkoortinneqarnikuusuni: Mikinerit 1 – 3. kl., akulliit 4.- 7. kl., angajulliillu 8. –10. kl., immikkut atuartitat klassi ataasiulluni.

Neqeroorutigisinnaavagut, atuarfik ineriartortoq, suleqatillatsialaat, meeratsialaat, suliffik ulapaarfiusoq, suleqatigiillu tapersersoqatigiilluartut.

Siorna aallarnersumik Atuarfik Tuiisaq-mi atuartitseriuseq PBL pimoorullugu aallartisarneqarpoq siunissamilu suli ineriartortinneqartussaalluni.

Aqutsisoqatigiinni sulilissaatit, ima inuttaqartunit: Atuarfiup pisortaa, atuarfiup pisortaata tullersortaa, immikkoortortani aqutsitut pingasut, Immikkut atuartitsinermi siunnersorti, atuartunullu siunnersorti.

**Naatsorsuutigarput piginnaasatit ukuussasut:**

∙ Ilinniartitsisutut naammassisimanissaq

∙ Aqutsineq namminersorfigalugu akisussaaffeqarfigerusussavat

∙ Atuarfiup immikkoortortaani, ilinniartitsisutut sulinermi, suliffiullu ingerlariaasianut ineriartortitseqataanermut peqataassaatit

∙ Ammasuussaatit, attaveqarluarsinnaassallutillu

∙ Qarasaasiamik atuinermut misilittagaqassaatit

∙ Suliamut tunngatillugu, tamakkiisumik isiginnissinnaaneq, aalajangiisinnaaneq, pilersaarusiorneq, piareersaaneq, sulianillu ingerlatitseqqiineq

∙ Anguniagaqarlutit suliaqarsinnaaneq

∙ Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigisinnaasagut:**

∙ Aqutsisutut ineriartornissaq

∙ Ilinniartinneqarneq

∙ Sulianut tunngatillugu avitseqatigiinneq

∙ Suleqatit pikkorissut

∙ Aqutsisoqatigiit pikkorissut

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Johanne Rosing Dahl, oqarasuaat +299 367681 imaluunniit e-mail: ks51joda@sermersooq.gl

**Meeqqanik pinerliisimannginnermut aammalu pineqaatissinneqarsimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

**Akissaatinut atorfinitsitaanermullu tunngatillugit atugassarititaasut:**

Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni misiliisoqarnissaa aalajangersimavoq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfinitsitaanermi atorfinittup taassumalu ilaqutaasa angalanerat atorfinitsitsisumit akilerneqassaaq aammattaaq siusinnerpaamik ukiut pingasut qaangiunnerini suliunnaarnermi angalaneq atorfinitsitsisumit akilerneqassaaq, soorluttaaq malittarisassat malillugit nuunnermut ajunngitsorsiassaqartitsisoqarumaartoq.

Ukiuni marlunni atorfeqarsimanerpit kingorna ilaquttatillu akiliunneqarlusi feeriarsinnaatitaavusi,kapitali II, Akiliunneqarluni feeriarneq, 26. aggusti 2014-imeersoq Naalakkersuisut IMAK-illu akiliutitilluni angalaneq pillugu isumaqatigiissutaanni aalajangersagaq malillugu.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Qinnuteqaat:**

Qinnuteqaat qulequtserlugu **Atorfiup ilisarnaataa 775-26-mik**, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk

                            [Søg stillingen](https://mkjobsermersooq.azurewebsites.net/kl-gl/Details.aspx?VID=775-26)

## Attaveqarfissaq

Johanne Rosing Dahl / ks51joda@sermersooq.gl / 367681