---
title: "Atuarfik Inussuk teknikkeqarnermut aqutsisussarsiorpoq"
description: "Atuarfik Inussuk teknikkeqarnermut aqutsisussarsiorpoq"
date: "2026-09-29"
created: "2026-09-29"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atuarfik Inussuk teknikkeqarnermut aqutsisussarsiorpoq](https://sermersooq.gl/suliffissat/inuttaqanngitsut/atuarfik-inussuk-teknikkeqarnermut-aqutsisussarsiorpoq)

Qinnuteqarnissamut periarfissarititaasoq

20/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Arnajarak' Nielsen Lyberth / ks93arni@sermersooq.gl

Kalaallit Nunaanni atuarfiit ilaasa nutaaliaanersaanni ingerlatsinermik, isumannaallisaanermik atuulluarsinnaaneranullu qulakkeerinneqataarusuppit?

Atuarfimmut nutaamut soqutiginnittumik teknikkinullu piginnaaneqarluartumik teknikkeqarnermut aqutsisussarsiorpugut. Ulluinnarni illumik ingerlatsineq, teknikkikkut atortulersuutit aamma atuarfimmi ikuallattoortoqarsinnaaneranut isumannaallisaanermut akisussaaffeqarlutit pingaarutilimmik atuuffeqassaatit. Atorfik immikkut pingaaruteqarpoq ikuallattoortoqarsinnaaneranut atortulersuutit aamma illut immikkut ittut ingerlanneqarnerannut inatsisitigut piumasaqaatit tunngavigalugit illit illup ingerlanneqarneranut akisussaasutut toqqarneqassagavit.

**Atorfik pillugu:**

Atuarfiup illutaata, teknikkikkut atortulersuutaasa aamma isumannaallisaanermut aaqqissuussaata pitsaanerpaamik atuuffeqarnerat Teknikkeqarnermut Aqutsisutut akisussaaffigissavat. Atuarfimmi aqutsisut, sulisut, oqartussaaffeqarfiit, sullissinermik pisiniartarfiit aamma sanasut akornanni attaveqaataassaatit. Atorfik Allaffissornermik aqutsisup ataani inissisimavoq.

Atuartunut, sulisunut pulaartunullu sinaakkutissanik toqqissisimanartunik pitsaasumillu atuuttunik pilersitseqataassaatit.

**Pingaarnertut akisussaaffeqarfigissavatit:**

**Ingerlatsineq aserfallatsaaliuinerlu:**

∙Atuarfiup illutaanik teknikkikkullu atortulersuutaanik ulluinnarni ingerlatsineq aserfallatsaaliuinerlu

∙Atortulersuutit sullissisunit nakkutilliiffigineqarnerat aamma aserfallatsaaliuinermik suliassat pilersaarusiorneqarnerat ataqatigiissaarneqarnerallu

∙Avataaniit sanaartornermik suliallit aamma sullissinermik pisiniartarfiit suliaannik nakkutilliinerit

∙Ingerlatsinermik aserfallatsaaliuinermillu suliat uppernarsaasiorneqarnerannik nalunaarsorneqarnerannillu qulakkeerineq

∙Kukkunerit nalunaarutigineqartut suliarineqarnerat pitsanngorsaatinillu pisariaqartunik aallartitsinerit

**Ikuallattoortoqarsinnaaneranut isumannaallisaaneq upalungaarsimanerlu:**

Illup ingerlanneqarneranik akisussaasutut ilaatigut tulliuttut suliarissavatit:

∙Atuarfimmi ikuallattoortoqarsinnaaneranut teknikkikkut atortulersuutit, ikuallattoqartillugu ilitsersuutit aamma ABA-mik atortut DKV-mik pilersaarut tunngavigalugu qulakkeerneqarnerat

∙Nakkutilliinermut, misissuinermut aamma aserfallatsaaliuinermut allattuivinnik uppernarsaasiornermillu ingerlatsinerit

∙Qimaaffissiat tamatigut assersorsimannginnerannik atorneqarsinnaanerannillu qulakkeerineq

∙Ikuallattoqartillugu matusartut, qimaaffissat aamma uippallertoqannginnissaanut qaammaqqutit, qatserutit aamma isumannaallisaanermut atortulersuutit allat nakkutilliiffigineqarnerat

∙Kukkusoqartillugu, qamittoortoqartillugu imaluunniit ikuallattoqartillugu isumannaallisaatinut ileqqussanik malittarinninneq

∙Ikuallattoqartillugu aamma qimarngussuisoqassatillugu malitassanik kiisalu allagartalersuinissamut inatsisitigut pisussaaffiit allat eqqortumik nivinganerannik nutarsarsimanerannillu qulakkeerinerit

∙ABA-mik atortut ikuallattoornermullu tunngasut allat pillugit oqartussaaffeqartunik attaveqarnermik suliaqarneq

**Ilitsersuineq aamma ilinniagaqarneq:**

∙Sulisut, eqqiaasut, nerisarfimmi sulisut allallu illumik aalajangersimasumik atuisut ikuallattoortoqarsinnaaneranut isumannaallisaaneq aamma qimarngussuineq pillugit ilitsersuinermik pisariaqartumik pissarsinerannik qulakkeerineq

∙Sulisut nutaat illumi isumannaallisaanermut tunngasunik ilitsersuunneqarnerat

∙Avataanit sanaartornermik suliallit aamma sullissinermik pisiniartarfiit ikuallattoortoqarsinnaaneranut isumannaallisaanermut tunngasunik ilitsersuunneqarnerat

∙Qimarngussuinermut sungiusarnernik pilersaarusiornermi ingerlatsinermilu peqataanerit

**Aqutsineq ataqatigiissaarinerlu:**

∙Sulisoqarnissaanik aamma sinniisoqartitsinermik suliat, inummik akisussaaffilimmik tamatigut piareersimasoqartuartassammat

∙Ingerlatsineq akornuteqartillugit kalerrisaarutillu ingerlatillugit inunnik piginnaaneqartunik aggersaasoqartarneranik qulakkeerineq

∙Atuarfimmik ingerlatsinermut- aamma aserfallatsaaliuinermut pilersaarutip ineriartortinneqarneranut peqataaneq

∙Atuarfiup illutaanik ingerlatsineq aamma ineriartorneq pillugu atuarfiup pisortaanik qanimut suleqateqarneq

**Naatsorsuutigaarput illit**

∙Sanaartornermi teknikkinik, sanaartornermik imaluunniit teknikkimik ilinniagaqarsimasuusutit

∙Illuni anginerni ingerlatsinermik aserfallatsaaliuinermillu aamma teknikkikkut atortulersuutinik misilittagaqartutit

∙ABA-atortunik ikuallattoornermullu atortulersuutinik, CTS-atortunik, silaannarissaanermik teknikkimillu pilersuinernik allanik ilisimasaqartutit imaluunniit misilittagaqartutit

∙Uppernarsaasiornermik oqartussaaffeqartullu piumasaqaataannik aaqqissuussaasumik sulisinnaasutit

∙Sulisunik, pisiniartarfinnik oqartussaaffeqartunillu suleqatiginnillaqqissuusutit aamma attaveqaqateqarsinnaasutit

∙Akisussaaffimmik ilisimaarinnittutit, sullissiumatuujusutit aaqqiinissamillu siunertaqartutit

**Iluaqutaassaaq:**

∙Pikkorissarnermik: DBI Najoqqutassaq 005 - ikuallattuulernermi isumannaallisaatit nammineq aallartittartut, ingerlatsineq aserfallatsaaliuinermilu, ingerlatsisimasutit imaluunniit ingerlatsinissamut piumassuseqartutit.

∙Atuarfittut sanaartukkamit, pisortaqarfiit illuutaanit imaluunniit katitigaasumik sanaartukkamit assingusumit misilittagaqartutit.

∙Digitaliusumik ingerlatsinermut aamma aserfallatsaaliuinermik aaqqissuussamit misilittagaqartutit.

**Neqeroorutigaagut:**

∙Atuarfimmi nutaami nutaaliaasumilu pingaarutilimmik atuuffeqarneq

∙Atorfik soqutiginartoq tamatigoortorlu assut namminersorfiusoq

∙Sulianut tunngatillugu ineriartornissamut pikkorissartarnernullu attuumassutilinnut peqataanissamut periarfissaqarneq

∙Atuarfimmi aqutsisut sulisullu allat qanimut suleqatiginerat

∙Atuarfimmik ingerlatsinermik aaqqissuussap aallartinneqarneranit ineriartortinneqarneranut sunniuteqarsinnaanermut periarfissaqarneq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Administrationschef Arnajarak Nielsen Lyberth, oqarasuaat +299 36 62 17 imaluunniit e-mail: ks93arni@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 988-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=988-26)

## Attaveqarfissaq

Arnajarak' Nielsen Lyberth / ks93arni@sermersooq.gl