---
title: "Atuarfik Inussuk Ilaqutariit klassiat-nut Ilinniartitsisoq"
description: "Atuarfik Inussuk Ilaqutariit klassiat-nut Ilinniartitsisoq"
date: "2026-09-11"
created: "2026-09-11"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atuarfik Inussuk Ilaqutariit klassiat-nut Ilinniartitsisoq](https://sermersooq.gl/suliffissat/inuttaqanngitsut/atuarfik-inussuk-ilaqutariit-klassiat-nut-ilinniartitsisoq)

Qinnuteqarnissamut periarfissarititaasoq

1/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Dorthe Bidstrup / ks86dobi@sermersooq.gl / 366201

Kalaallit Nunaanni meeqqat atuarfiannik pitsaanerpaamik pilersitseqataarusuppit? Suliffeqarfimmilu uummaarissumi, akuersaarneq, ataatsimoorneq aamma ineriartortitsineq tunngaviusumik naleqartinneqartumi sulerusuppit?

Taava atorfimmik ilinnut tulluaqqissaartumik neqeroorfigisinnaavatsigit!

**Atuarfik pillugu:**

Atuarfik peqataaffigilissavat 1.000-it missaanik atuartulik, 1 - 10. klassinut aamma specialklassinut 9-nut agguataakkat. Atuarfik nutaarluinnaq ineriartortoq, aamma ukiuni aggersuni 21. hunnorujukkunni piginnaasanik, suliniuteqarnermik aallaavilimmik ilinniartitsinermik, suleqatigiinnermik, pitsaanerulersitsinermik aamma atuartut ilinniakkamikkut qaffasissumik inissinnissaannut nukittorsaanermik pingaartitsiviusoq.

Atuarfimmi takorluugaavoq atuartut nassaassarsiorsinnaasut, suleqatiginnikkumasut, isorinnillutik eqqarsarsinnaasut, digitalikkut pissuserissut, attaveqarluarsinnaasut assigiinngitsunilu suliassaqarfinni sulisinnaasut pilersissallugit.

Atuarfimmi atuartitsivissanut takorluukkat tassaapput; suliatigut piginnaasanik qaffassaaneq, inuit ataasiakkaani ilinniarnermik atugarissaarnermillu pilersitsineq, nalinginnaasumiit allaanerusumik ilinniarsinnaanermik ikorfartuineq aamma atuartup ataasiakkaap pisariaqartitaanik aallaaveqarluni atuartitsivinnik pilersitsineq, atuartup ilinniarusulerfigisaanik.

Atuarfik immikkoortunut sisamanut agguataakkanik maannakkut 92-inik sulisoqarpoq ima tulleriinnilikkanik 1-3 klassit, 4-7 klassit, 8-10 klassit aamma specialklassit. Atuarfimmi pisortaqarpoq, pisortap tullii pingasut, immikkoortuni aqutsisut sisamat specialklassinut ataqatigiissaarisulik. Atorfiit piffissami suliffiusussaq tamaat suliffiupput.

Atuarfik Inussuk pillugu annertunerusumik uani paasisaqarit:

https://sermersooq.gl/kl/2023/08/nuummi-atuarfik-nutaamik-ateqalerpoq/

https://sermersooq.gl/kl/nuummi-atuarfissaq-nutaaq/

**Ataatsimoorneq patajaatsoq:**

Kissaatigaarput Atuarfik Inussuk suliffeqarfiussasoq eqeersimaarfiusoq, tassani pingaarnertut naleqartitat tassaallutik akuersaarneq, ataatsimoorneq ineriartornerlu. Akunnitsinni isumalluartumik akuersaartumillu pissuseqarfigeqatigiinnissaq pingaartipparput, atuarfik suliffeqarfillu pitsaasoq pilersinniarlugu tamatta akisussaaffimmik tiguseqatigiissalluta. Upperaarput qaffasissumik anguniagaqarneq ingerlalluarnerlu ilikkagaqartitsisinnaalluarnissamut ineriartortitsilluarnissamullu pisariaqartuusut, taamaattumillu kikkut tamarmik suliniuteqarnissaat isumalerujussuuvoq - eqqiaasuuppata, aqutsisuuppata, allaffimmiuuppata, isumaginninnermi siunnersortaappata aqqutissiuussisuuppataluunniit, ilinniartitsisuuppata, perorsaasuuppata pedeliuppataluunniit.

**Uagut ilinnut makku neqeroorutigisinnaavagut:**

Atorfik unammillernartulik, ilinniartitsisutut inuttullu ineriartornissamut periarfissalik. Atuarfiup nutaap ineriartortup isigineqarneranut tunniusseqataanissamut periarfissamik pitsaalluinnartumik pissarsiaqarfiusinnaasoq. Ilinniartitsisutut siunersiueqateqatigiittarneq aamma suleqatinit pisortaniillu ilitsersorneqarneq, taamaalillutit toqqissisimasumik patajaatsumillu sulisinnaaniassagavit.

**Pissarsiorpugut**

Piffissami matumani ilinniartitsisumik Ilaqutariinnut klassimiittussamik pissarsiorpugut.

Ilinniartitsisut allat qanillugit suleqatigiinnissamut piareersimaneq, aamma immikkoortortani, kiisalu angajoqqaanut qanittumik attaveqartarnissaq.

**Naatsorsuutigaarput illit:**

·Qiimasoq, kajumissuseqartoq, akisussaassuseqartoq suliassanillu aallarniisoq.

·Ammasuullutillu ilumoortuussaatit attaveqatigiissitsillaqqissuussallutillu attaveqallaqqittuussaatit

·Klassimi aqutsisuullaqqissaatit

·Suleqatinik, aqutsisunik angajoqqaanillu pitsaasumik suleqateqarusussuseqartuussaatit

·Aporfiit salliutinnagit periarfissanik takunnissinnaassaatit

·Atuarfimmi aalaakkaasumik ineriartortitsinissamut piumassuseqassaatit

·Immikkoortukkaani suleqatigiinnermi ineriartortitseqataasinnaassaatit

·Ilinniarfissuarmi ilinniartitsisutut ilinniarsimassaatit

**Pinerlussimannginnermik uppernarsaatit aammalu meeqqanik pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune pinerliisimannginnermut aamma meeqqanik innarliisimannginnermut uppernarsaatinik naammaginartutut isigineqartunik pissarsereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq isumaqatigiissutigineqassammat.

Meeqqanik pinerliisimannginnermut uppernarsaat atorfinittussap akuersineratigut kommunimit piniarneqassaaq pinerlussimannginnermullu uppernarsaat, qinnuteqartup nammineerluni politiinit piniartussaallugu.

**Akissarsianut atorfinitsitsinermilu tunngasut:**

Akissarsiat atorfeqartitaanermilu atugassarititaasut Namminersorlutik Oqartussat, IMAK-ip imaluunniit kattuffiup isumaqatigiinniarsinnaatitaasup susassaqartup akornanni isumaqatigiissut atuuttoq naapertorlugu pissapput.

Atorfinitsitsineq qaammatini pingasuni misilinneqarfiligaavoq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. Il. Akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqanermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit http://www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Atuarfiup pisortaa Dorthe Bidstrup, oqarasuaat +299 36 62 01 imaluunniit e-mail: [ks86dobi@sermersooq.gl](mailto:ks95pebr@sermersooq.gl)

**Qinnuteqaat:**

Qinnuteqaat qulequtserlugu **Atorfiup ilisarnaataa 908-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=908-26)

## Attaveqarfissaq

Dorthe Bidstrup / ks86dobi@sermersooq.gl / 366201