---
title: "Atuarfik Inussuk ikorfartortissarsiorpoq"
description: "Atuarfik Inussuk ikorfartortissarsiorpoq"
date: "2026-09-21"
created: "2026-09-21"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atuarfik Inussuk ikorfartortissarsiorpoq](https://sermersooq.gl/suliffissat/inuttaqanngitsut/atuarfik-inussuk-ikorfartortissarsiorpoq-2)

Qinnuteqarnissamut periarfissarititaasoq

12/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Lydia Mathiassen / ks28lyma@sermersooq.gl

Atuarfik Inussummi, ikorfartortinik tunniusimasumik isumassuisunillu pissarsiorpoq.

Atorfiit piffissap ilaani atorfiupput sapaatip akunneranut akunnerit 24-t suliffiullutik.

**Atuarfik Inussuk:**

Atuarfik peqataaffigilissavat 1.000-it missaanik atuartulik, 1. - 10. klassinut aamma specialklassinut 9-nut agguataakkat. Atuarfik nutaarluinnaq ineriartortoq, aamma ukiuni aggersuni 21. hunnorujukkunni piginnaasanik, suliniuteqarnermik aallaavilimmik ilinniartitsinermik, suleqatigiinnermik, pitsaanerulersitsinermik aamma atuartut ilinniakkamikkut qaffasissumik inissinnissaannut nukittorsaanermik pingaartitsiviusoq.

Atuarfimmi atuartitsivissanut takorluukkat tassaapput; suliatigut piginnaasanik qaffassaaneq, inuit ataasiakkaani ilinniarnermik atugarissaarnermillu pilersitsineq, nalinginnaasumiit allaanerusumik ilinniarsinnaanermik ikorfartuineq aamma atuartup ataasiakkaap pisariaqartitaanik aallaaveqarluni atuartitsivinnik pilersitsineq, atuartup ilinniarusulerfigisaanik.

Kissaatigaarput Atuarfik Inussuk suliffeqarfiussasoq eqeersimaarfiusoq, tassani pingaarnertut naleqartitat tassaallutik akuersaarneq, ataatsimoorneq ineriartornerlu. Akunnitsinni isumalluartumik akuersaartumillu pissuseqarfigeqatigiinnissaq pingaartipparput, atuarfik suliffeqarfillu pitsaasoq pilersinniarlugu tamatta akisussaaffimmik tiguseqatigiissalluta. Upperaarput qaffasissumik anguniagaqarneq ingerlalluarnerlu ilikkagaqartitsisinnaalluarnissamut ineriartortitsilluarnissamullu pisariaqartuusut, taamaattumillu kikkut tamarmik suliniuteqarnissaat isumalerujussuuvoq - eqqiaasuuppata, aqutsisuuppata, allaffimmiuuppata, isumaginninnermi siunnersortaappata aqqutissiuussisuuppataluunniit, ilinniartitsisuuppata, perorsaasuuppata, ikorfartortaappata pedeliuppataluunniit.

**Naatsorsuutigaarput illit:**

∙Ikorfartortitut imaluunniit perorsaasutut ilinniagaqarsimasutit ajornanngippat innarluutit suussusersisat aamma innarluutit pillugit tapiliussatut ilisimasaqartutit. Imaluunniit suliamik ilinniagaqarsimanngitsutit kisianni meeqqanik inuusuttunik sullissinermik misilittagaqartutit ikiorsiinermik suliassanik ingerlatsisinnaallutit

∙Tatitusutit, naammagittartoq, inussiarnersoq, suleqatigiuminartoq, aalajaatsoq, akisussaaffimmik ilisimaarinnittoq aamma ataqqinnittoq

∙Nammineq akisussaaffimmik tigusisinnaasutit namminersorlutillu sulisinnaallutit

∙Suleqatinut angajoqqaanullu suleqateqarumasutit, aamma uagut suliarput pillugu perorsaaneq pillugu oqallinnerni peqataarusussuseqartutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Pingaarnertut suliassat:**

∙Meeraq innarluutilik nalinginnaasumik tapersersornera aamma sungiusarnera tarnikkut, timikkut aamma inooqatigiinnermi ineriartornera eqqarsaatigalugit

∙Meeraq pillugu iliuusissatut pilersaarummi anguniagassatut inississukkat tunaartaralugit perorsaanikkut tapersersuinermik ingerlatsissasutit

∙Ulluinnarni suliassanik ikiuunneq, meeqqerivimmi meeqqap sumiiffiani

∙Meeqqap annermik nammineersinnaalernissaanut sungiusarnera

∙Suleqatigiit ataatsimiittarnerannut peqataaneq

∙Siunnersorneqarnermi peqataaneq

∙Killiffik pillugu ingerlatsivimmik angajoqqaanillu ataatsimeeqateqarnerni peqataaneq

∙Meeqqap sumiiffiani sulisut sinnerinik suleqateqarneq

∙Killiffimmik nalunaarusiamik suliaqarneq

**Uagut ilinnut makku neqeroorutigisinnaavagut:**

Atorfik unammillernartulik, ikorfartortitut inuttullu ineriartornissamut periarfissalik. Meeqqap ineriartorneranut tunniusseqataanissamut periarfissamik pitsaalluinnartumik pissarsiaqarfiusinnaasoq. Ikorfartortitut siunersiueqateqatigiittarneq aamma suleqatinit pisortaniillu ilitsersorneqarneq, taamaalillutit toqqissisimasumik patajaatsumillu sulisinnaaniassagavit.

**Annertunerusumik paasisaqarusukkuit.**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Lydia Mathiassen, oqarasuaat +299 36 73 86, imaluunniit e-mail: ks28lyma@sermersooq.gl

**Pinerlussimannginnermut uppernarsaatit aammalu meeqqanik pinerliisimannginnermut uppernarsaat:**

Atorfik una pinerlussimannginnermik inatsit malillugu uppernarsaammik tunniussaqarnissamik pisussaatitaaffeqarpoq. Inatsit naapertorlugu Kommune pinerliisimannginnermut aamma meeqqanik innarliisimannginnermut uppernarsaatinik naammaginartutut isigineqartunik pissarsereerpat atorfininneq aallartinneqarsinnaavoq. Taamaattumik maluginiaqqussavarput meeqqanik pinerliisimannginnermut uppernarsaammik Naalagaaffiup Politiivinit kiisalu pineqaatissinneqarsimannginnermut uppernarsaammik kommune politiinit tigusaqareerpat piffissaq atorfiniffiusussaq aatsaat isumaqatigiissutigineqarsinnaammat.

Meeqqanik pinerliisimannginnermut uppernarsaat kommunimit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

**Akissarsianut atorfinitsitsinermilu tunngasut:**

Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misilinneqarfiligaavoq.

**Inissaq:**

Atorfimmut atatillugu inigisassamik innersuussisoqarsinnaanngilaq.

**Qinnuteqaat.**

Qinnuteqaat qulequtserlugu **Atorfiup ilisarnaataa 953-26-mik,** ilinniagaqarsimanermut uppernarsaat, siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

**Imatut qinnuteqassaatit:**

Atorfik qinnuteqarfigerusukkukku nittartagarput aqqutigalugu qinnuteqarfigissavat link-i ataaniittoq atorlugu.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik piumaffigissavatsigit qinnuteqaatit nittartagaq aqqutigalugu nassiutissagit.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=953-26)

## Attaveqarfissaq

Lydia Mathiassen / ks28lyma@sermersooq.gl