---
title: "Atuarfik Hans Lynge pedelimik sulisussarsiorpoq"
description: "Atuarfik Hans Lynge pedelimik sulisussarsiorpoq"
date: "2026-10-01"
created: "2026-10-01"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atuarfik Hans Lynge pedelimik sulisussarsiorpoq](https://sermersooq.gl/suliffissat/inuttaqanngitsut/atuarfik-hans-lynge-pedelimik-sulisussarsiorpoq)

Qinnuteqarnissamut periarfissarititaasoq

22/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Ane Marie Lynge Møller / ks26anmo@sermersooq.gl

Atuarfik Hans Lynge Nuummi Qinngorpumi inissisimavoq. Atuarfik pinngortitami kusanartumiippoq, qaqqanik, kuunnik kuuttunik tatsinillu avatangiiseqarluni. Atuarfik Hans Lynge atuarfiuvoq nutaaliaasoq, 2011-imi ukiup atuarfiup aallartinnerani atorneqalerluni. Atuarfik 1.-10. klassinik atuartitsiviulluni, klassit marlunnik parallelleqarput. Maannakkut atuartut 487-it ilinniartitsisullu 41-it.

Atuarfimmi sulisut pitsaasumik suleqatigiipput, atuarfiup angerlarsimaffiullu akornanni oqaloqatigiinneq tunngavigalugu suleqatigiinneq ingerlalluarpoq, kiisalu aqutsineq ersarissoq takuneqarsinnaasorlu atuarluni, ulluinnarnilu angajoqqaanik pitsaasumik suleqateqarluni.

**Atorfik pillugu siunertaq:**

Atorfiup pingaarnertut siunertaraa Atuarfik Hans Lyngemi illuutit, silami avatangiisit kiisalu atuarfiup atortui atuartunut sulisunullu pitsaasumik, isumannaatsumik tikikkuminartumillu ataqatigiissumik ingerlanissaat.

Tamanna ilaatigut suliassaraa pedelimut ikiortinik ulluinnarni aqutsineq kiisalu atuarfiup illuutaanik silamilu areal-inik nalinginnaasumik aserfallatsaaliuineq iluarsartuussinerluunniit pilersaarusiorlugit naammassillugit suliarineqarnissaat.

**Akisussaaffiit pingaarnerit:**

Atorfik Atuarfik Hans Lyngemut atasuuvoq, toqqaannartumillu atuarfiup inspektørianut nalunaaruteqartarluni.

Pedeli atuarfiup ulluinnarni ingerlanneqarneranut aserfallatsaaliuineranullu akisussaavoq, illup iluani aamma silataani.

**Suliassat akisussaaffiillu pingaarnerit:**

Pedelip suliassat pingaarnerit uku isumagisarpai:

**Aqutsineq ataqatigiissaarinerlu:**

∙Pedelimut ikiortit sulinerannut fagligimik aqutsineq, suliassanik agguaaneq, tulleriiaarineq aamma suliassanik tunniussineq

∙Pedelimut ikiortit suliassaannik nassuiaatit malinneqarnissaat qulakkiissallugu

**Illuutit aserfallatsaaliuunnerat – illup iluani silataanilu:**

∙Illup iluani iluarsartuussinerit nalinginnaasumillu aserfallatsaaliuinerit

∙Nalinginnaasumik qalipaasarnermi suliassat

∙Atuarfiup silataani areal-inik ingerlatsineq aserfallatsaaliuinerlu, ilanngullugu eqqiluitsuutitsineq

∙Ukiukkut apummik piiaaneq

**Isumannaallisaaneq atortullu nakkutigineqarnerat:**

∙Isumannaallisaarnermut iliuusissat qatserisartunut oqartussaasunullu atuuttunut piumasaqaatinut naapertuunnersut qulakkiissallugu

∙Atortunik toqqorsivinnik nakkutilliineq, aaqqissuussaanerat isumannaatsumillu parnaarsimanissaat qulakkiissallugu

**Piginnaasat ilinniakkallu:**

Pedelimi uku piginnaasaqarfigineqarnissaat naatsorsuutigaarput:

∙Atortulersuutinik assigiinngitsunik, soorlu innaallagissamik, imermut aqqutinik, VVS-imik assigisaannillu ilisimasaqarnissaq.

∙IT-mik atuisutut tunngaviusumik ilisimasaqarnissaq.

**Inuttut piginnaasat:**

∙Torersuunissamik pingaartitsisoq aammalu sulinermi ataatsimut isiginnittumik suliaqarsinnaasoq

∙Kisimiilluni sulisinnaasoq aammalu suleqatit aqutsisullu pitsaasumik suleqatiginnissinnaasoq

∙Suliffeqarfimmut aalajangiunneqartunullu aalajangiussanut ataqqinnittuusoq

∙Pissuserissaartoq pitsaasumillu oqaloqatigiittartoq, aamma tatineqarluni inissisimanerni

∙Ineriartortitsinermut ammasoq atuarfiullu ingerlaavartumik ineriartortinneqarneranut peqataarusuttoq

∙Biilernermut allagartaqartoq

∙Nalinginnaasumik eqqiaasinnaasoq aammalu aaqqissuussisinnaasoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Atuarfiup pisortaa Ane Marie Lynge Møller, **** Oqarasuaat: +299 36 64 51, e-mail: anmm@sermersooq.gl imaluunniit uunga:

Pisortap tullersortaa Mette Frederiksen, **** Oqarasuaat: +299 36 64 53, e-mail: mfre@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1002-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1002-26)

## Attaveqarfissaq

Ane Marie Lynge Møller / ks26anmo@sermersooq.gl