---
title: "Atuarfik Hans Lynge angajullernut ilinniartitsisumik pissarsiorpoq"
description: "Atuarfik Hans Lynge angajullernut ilinniartitsisumik pissarsiorpoq"
date: "2026-10-01"
created: "2026-10-01"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atuarfik Hans Lynge angajullernut ilinniartitsisumik pissarsiorpoq](https://sermersooq.gl/suliffissat/inuttaqanngitsut/atuarfik-hans-lynge-angajullernut-ilinniartitsisumik-pissarsiorpoq)

Qinnuteqarnissamut periarfissarititaasoq

22/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Ane Marie Lynge Møller / ks26anmo@sermersooq.gl

**Faginut ukununnga:**

Qallunaatut

Tuluttut

Upperisarsiorneq isumalioqqissaarsinnaanerlu

Atuarfik Hans Lynge Nuup illoqarfiata qinnguani, Qinngutsinni inissisimavoq. Atuarfik pinngortitami kusanartumi qaqqalimmi, kuulimmi tasilimmilu inissisimavoq. Atuarfik Hans Lynge atuarfiuvoq nutaaliaq, 2011-mi atualerfimmi atorneqalersoq. Atuarfimmi atuartitsiviusut kiisalu IT-imillu atortut nutaaliaasut soorlu iPadsit Apple tv-illu tamarmik inissaqartinneqarput.

Atuarfimmi 1-10 klassit, klassini marlunni pingasunilu agguataarsimallutik atuartarput. Massakkut atuartut 497 missaani atuartuupput ilinniartitsisullu 41-rut missaaniillutik.

Sulisut ingerlalluartuupput, atuarfik angerlarsimaffimmillu suleqatigiinneq nuannersoq oqaloqatigiiffiusoq, ersarissumik aqutsisulik ulluinnarni angajoqqaanik suleqateqarfiulluartoq.

**Naatsorsuutigaarput illit:**

∙Ilinniarfissuarmi ilinniartitsisutut ilinniarsimasutit

∙Klassimi aqutsisuulluartuusutit tatitullutit

∙Qiimasuusutit, kajumissuseqartutit, akisussaassuseqartutit suliassanillu aallarniisuusutit

∙Ammasuusutit ilumoorlutillu aamma attaveqarnernik pitsaasunik pilersitsillaqqittutit atuartut suliassatigut aamma inooqataanikkut piginnaasaannik pitsanngorsaaqataasinnaasumik

∙Suleqatinik, aqutsisunik angajoqqaanillu naliginnillutit immissinnullu ataqqeqatigiiffiusumik pitsaasumik suleqateqarsinnaasutit

∙Periarfissanut tappissuusutit killilersuutit pinnagit

∙Atuarfimmi aalaakkaasumik ineriartortitsinissamut piumassuseqassaatit

∙Immikkoortukkaani suleqatigiinnermi ineriartortitseqataasinnaasutit

∙iPad atorlugu atuartitsinermi misilittagaqartutit ilisimasaqartutillu

∙Marlunnik oqaaseqartuusutit, kalaallisut qallunaatullu, tamannali piumasaqataanngilaq

**Neqeroorutigaavut:**

∙Atuarfik ineriartornissamik avatangiiseqartoq inuttut suliatigullu ineriartornissamut periarfissalik

∙Atuarfeqarfimmi atorfik pissanganartoq, matumanilu meeqqat atuarfiat pillugu inatsit atuuttoq aallaavigalugu perorsaanikkut ineriartortitsinissaq pingaartinneqartoq kommunimilu atuarfeqarneq politikkikkut pingaartinneqartoq

∙Atuarfimmi ilinniartitsisutut nutaatut tapersersorneqarluarneq

∙Susassareqatigiilluni suleqatigiinnermi suleqatit pitsaasut akornanni isummersuineq

∙Suliassanut sunniuteqarnissamut aaqqissuussinissamullu periarfissaqarluartoq

**Pineqaatissinneqarsimannginnermut aammalu meeqqanik pinerliisimannginnermut uppernarsaat:**

Atorfik una meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune pinerliisimannginnermut aamma meeqqanik pinerliisimannginnermut uppernarsaatinik naammaginartutut isigineqartunik pissarsereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunimit pissarsiarineqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut pissarsiarineqassalluni.

**Akissarsiatigut atorfinitsitsinermilu atugassarititaasut:**

Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.

Qaammatini pingasuni misiliummik atorfinitsitsisoqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il. il. akiliuteqartoqartassaaq. Ineqarnermut akiliummut tassunga ilanngullugu atuinermut assigisaanullu tunngasut annertunerusumik paasisaqarfigineqarsinnaapput, uani: www.iserit.gl

Sulisumut inissaqartitsilersinnaaneq apeqqutaatillugu atorfininnissamut piffissaliussisoqassaaq. Atorfininnermi angalanermut aamma pequtit assartorneqarnerannut malittarisassat atuuttut naapertorlugit akiliussisoqassaaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Atuarfimmi pisortaq Ane Marie Lynge Møller, oqa. +299 36 64 51 imaluunniit e-mail: ks26anmo@sermersooq.gl imaluunniit  uunga:

Atuarfimmi pisortap tullersortaa Mette Frederiksen oqa. + +299 36 64 53 imaluunniit e-mail: ks85mefr@sermersooq.gl

**Qinnuteqaat:**

Qinnuteqaat **Atorfiup normuanik 1004-mik** nalunaaqutserlugu aamma ilinniagaqarsimanermut siornatigullu suliffigisimasanit uppernarsaatit ilanngullugit, ulloq tunniussivissaq kingulleq nallertinnagu nassiunneqarsimassaaq.

**Imatut qinnuteqassaatit:**

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

**Malugiuk:**

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1004-26)

## Attaveqarfissaq

Ane Marie Lynge Møller / ks26anmo@sermersooq.gl