---
title: "Attaveqaqatigiinnermut pisortaq"
description: "Attaveqaqatigiinnermut pisortaq"
date: "2026-11-20"
created: "2026-11-20"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Attaveqaqatigiinnermut pisortaq](https://sermersooq.gl/suliffissat/inuttaqanngitsut/attaveqaqatigiinnermut-pisortaq)

Qinnuteqarnissamut periarfissarititaasoq

11/12/2026

Suliffik

Nuuk

Sumiiffik

Koncernservice

Attaveqarfissaq

Marie Kathrine Fleischer / ks79mafl@sermersooq.gl / 299367002

**Kommuneqarfik Sermersooq pillugu oqaluttuamut ilusileeqataarusuppit aamma kommunip innuttaasullu akornanni atassuteqaammut nukittorsaaqataarusuppit?**

2.500-at missaannik sulisoqarluni Kommuneqarfik Sermersooq innuttaasut ulluinnaannut annertuumik ilaavoq. Suleqatigut ullut tamaasa pilersitsiniarlutik, suliniuteqarniarlutik aamma iliuuseqartarlutik sulisarput, illoqarfitsinni aamma nunaqarfitsinni allannguisunik. Aalajangiisarput, angusanik pilersitsisarput aamma paasissutissanik pingaarutilinnik innuttaasunut apuunneqartussanik avitseqatiginnittarput.

Attaveqatigiinnermut pisortamik attaveqaatinik paasinnilluarsinnaasumik, aqutsilluarsinnaasumik aamma nutaanik eqqarsaatersorumasumik pissarsiorpugut. Aqutsisoq, ulluinnarni sulianut tunngasumik attaveqatigiinnermik qulakkeerinnissinnaasoq aamma kommunimi tamarmi ersarissuunissatsinnik, avitseqatigiinnissatsinnik aamma ilutigalugu suleqatigiinnissatsinnik ineriartortitseqqissinnaasoq.

**Atorfik pillugu:**

Attaveqatigiinnermut immikkoortortaqarfimmi pisortatut sulisunut 20-nut Attaveqatigiinnermi immikkoortortaqarfimmi (10) aamma Nutserisoqarfimmi (10) agguarsimasunut aqutsisutut akisussaalissaatit, tassunga ilanngullugu attaveqatigiinnermi, paasissutissiinermi kiisalu oqaluttaanermi nutserinermilu akisussaaffilinnut immikkoortortami aqutsisunut.

Immikkoortortaq nutaarsiassanut, innuttaasunut paasissutissanut, digitalikkut attaveqarnermut, ilisarnaatinut, ilusilersuinermut kiisalu oqaluttaanermut nutserinermullu tunngasunik sulianik assigiinngitsunik imaqarpoq. Ataatsimut siunnerfiliineq, immikkoortortami aqutsisunut aamma sulisunut ikorfartuineq pilersissavat aamma pitsaasumik suleqatigiinnermik qulakkeerinnissaatit immikkoortortamilu suliassanik ersarissumik pingaarnersiuissallutit.

**Suliassatit pingaarnerit tassaajumaarput:**

- Pitsaassusilimmik nutaarsiassanik isumaginninnermik aamma ajornartoornermi attaveqatigiinnermik qulakkeerinninneq kiisalu kommunimi suliniutinik, angusanik aamma attaveqaatit aqqutigalugit ineriartortitsinermik ersarissaallutik suliaqassaatit.
- Innuttaasunik siunnerfilimmik attaveqatigiinnermut nukittorsaassaatit, taamaalilluni paasissutissat attuumassuteqassammata, pissarsiariuminarlutik aamma kalaallisut danskisullu paasinarlutik.
- Kommunip nittartagaanik, inuit attaveqatigiittarfiinik, digitalikkut attaveqatigiinnernik aamma ilisarnaatinik ineriartortitseqqissaatit.
- Kommunip takussaasumik kinaassusaanut, paasissutissiinernut aamma ilusilersuilluni pilersitat ataqatigiinnissaannik qulakkeerinnissaatit.
- Oqalutsitut aamma nutserisutut atuuffiup pitsaassuseq, pissarsiariuminarneq aamma ataqatigiissaarineq pingaartillugit qulakkeerinnissaatit.
- Nutaarsiassanik avitseqatiginninneq aamma namminerisamik attaveqatigiinnermi piginnaanerit pillugit ingerlatsivinnik suleqateqarnermik ineriartortitseqqissaatit.
- Immikkoortortami aqutsisunik pingasuusunik aamma sulisunik aqutsineq ineriartortitseqqiinerlu kiisalu nukissanik pitsaasumik pingaarnersiuineq atuinerlu.

**Attaveqatigiinneq allannguisoq**

Kommuneqarfik Sermersooq illoqarfiit, nunaqarfiit aamma najukkami inuiaqatigiit assigiinngitsut akimorlugit atuuppoq, taakkunani tamani pisoqartarpoq oqaluttuarineqartariaqartunik. Attaveqatigiinneq kommunimi sulinermik paasinnitsitsisoq aamma suleqatitta angusaannik ersarinnerulersitsisoq kissaatigaarput.

Kommunip attaveqatigiiffinni ersarinnerunissaata nukittorsarnissaa aamma iliuuseqarnerit, suliniuteqarnerit angusallu innuttaasunut naleqalersitsisut pillugit oqaluttuanngortitseqataanissaq anguniarparput. Kommunimi sulianik tatiginartunik tunniusimasunillu avitseqatiginnissinnaanissamut attaveqaatit assigiinngiiaarnerannik paasinnissinnaaneq oqaluttuamik pitsaasumik pilersitsinissamut pisariaqarpoq.

Ineriartortitsivissaq alla tassaavoq ingerlatsivinnik suleqateqarnissaq ulluinnarnit oqaluttuat pitsaasut suussusersiniarlugit aamma avitseqatiginnissutiginiarlugit. Ilutigalugu ingerlatsiviit siunnersuineq, ataatsimut sakkussat aamma ilaatigut InDesignimik ilinniartinneqarneq aqqutigalugit namminneq attaveqarsinnaanerannut ikorfartuissaagut taamaalillutik amerlanerusut nammineerlutik kommunimi attaveqarnermut ilapittuissammata.

Inuit attaveqatigiittarfiannik, assinik, videonik aamma digitalikkut aqqutit atorlugit atuinermik ineriartortitseqqinnissamut periarfissat aamma takusinnaavagut, taamaalilluta attaveqarnerput siammasinnerussaaq peqataatitsinerunermillu pilersitsissalluni.

Pisortatut immikkoortortami sulisut peqatigalugit suliniutit pioreersut ingerlateqqinnissaannut periarfissaqassaatit aamma attaveqatigiinneq aaqqissuussamilu suliassaqarfinni assigiinngitsuni suleqatigiinneq nukittorsassallugu.

**Kinaavit:**

Attaveqatigiinnermut, tusagassiornermut imaluunniit suliassaqarfimmut assingusumut tulluartumik ilinniagaqartutit aamma attaveqatigiinnermik aqutsinermillu misilittagaqartutit takorloorparput.

Pingaartipparput illit:

∙Attaveqaqatigiinnermut tunngasunik suliatigut piginnaasaqarluartutit, attaveqaatinik paasinnilluarsinnaasutit aamma oqaluttuanik kommunimik tusaamaneqaataanillu ersarinnerulersitsisunik suussusersisinnaasutit ingerlatitseqqissinnaallutillu.

∙Patajaatsumik aqutsinermik misilittagaqartutit aamma siunnerfimmik, tunniusimanermik aqutsisullu allat aqqutigalugit angusanik pilersitsisinnaasutit.

∙Aaqqissuussami politikkikkut aqunneqartumi attaveqatigiinnermut paasinnissinnaasutit aamma sulianik tamanit soqutigineqarluartunik ingerlatsisinnaasutit.

∙Sullitanut, digitalikkut attavinnut aamma avitseqatiginnittariaatsinut nutaanut takunnissinnaasutit.

∙Ulluinnarni pilersaarutinik nukinginnartumilluunniit suliassanik malinnaasinnaasutit.

∙Alapernaattuusutit, ineriartortitserusuttutit aamma piginnaanerit assigiinngitsut akimorlugit suleqatigiinnermik pitsaasumik pilersitsisinnaasutit.

Aaqqissuussamik politikkikkut aqunneqartumit misilittagaqartutit aamma nunatsinni inuiaqatigiinnut pissutsinik ilisimasaqaruit iluaqutaassaaq. Iluaqutaassaaq, kalaallisut oqalussinnaallutillu allassinnaaguit.

Immikkoortortami suliassaqarfinnut tunngasunik immikkut ilisimasaqartariaqanngilatit. Ataatsimut siunnerfiliisinnaanissat, sulisut piginnaanerinik ineriartortitsisinnaanissat aamma kommunimi attaveqatigiinnermut periarfissanik takunnissinnaanissaq pingaarnerpaavoq.

**Neqeroorutigaavut:**

Kalaallit Nunaanni kommunit annersaanni pingaarutilimmik pisortatut atorfinissaatit kommunip ersarinnerulernissaanut, tusaamaneqaataanut aamma attaveqarnermut sunniuteqarnissamut periarfissaqarlutit aamma innuttaasunut, sulisunut aaqqissuussamullu sunniuteqarsinnaallutit.

Suliffeqarfiup Iluani Kiffartuussivimmi pisortaaqatigiinnut tunniusimasunut ilanngutissaatit, tassani ajornannginnerulersitsinissaq, alapernaatsuunissaq, sapiitsuunissaq aamma ataatsimoorluni aaqqiissutinik pilersitsinissaq pillugu ataatsimut anguniagaqarluta sulivugut.

**Aaqqissuussaanermi inissisimaneq:**

Vicekommunaldirektøri qullersarissavat aamma Suliffeqarfiup Iluani Kiffartuussivimmut ilaalissaatit, tassani suleqatit 80-it missaanniittut kommunimi ingerlatsivinnut ikorfartuillutik sulipput, taamaalillutik innuttaasunut aamma suliffeqarfinnut pitsaanerpaamik kiffartuisinnaallutik.

Suliffeqarfiup Iluani Kiffartuussivimmi suliassaqarfiit arfiniliupput: IT-mut digitaliseringimullu, Naatsorsuuserivik, Akissarsialerivik aamma Pisiortornermut, Sulisoqarnermut aamma Sulisunik ineriartortitsinermut, Attaveqatigiinnermut, Inuussutissarsiornermut Ingerlatsinermullu immikkoortortanut aamma Innuttaasunik kiffartuussivimmut.

**Akissarsiat atorfinitsitaanermullu tunngasut:**

Atorfik fagchefitut inissisimaffimmi 1-mi inissisimavoq. Ulloq 1. apriili 2026-mit tamanna qaammammut 74.387,13 kr.-nik akissarsiaqarfiussaaq 10 % soraarnerussutisiassat sulisitsisumit akilerneqartartut ilanngullugit. Akissarsiat soraarnerussutisiaataasussat qaammammut 67.624,66 kr.-iupput.

Tamatuma saniatigut Namminersorlutik Oqartussani kommuninilu ukiuni aalajangersimasuni atorfeqarnermi akissarsiat atorfimmilu atukkat pillugit Naalakkersuisut ASG-illu isumaqatigiissut 1. september, 2015-imeersoq malillugu ukiunut aalajangersimasunut isumaqatigiissuteqarnermut tapit ilaapput. Assersuutigalugu ukiunut aalajangersimasunut isumaqatigiissuteqarnermut tapit ukiunut pingasunut utersaarnissamut periarfissaqanngitsumik 12.835,44 kr.-it qaammammut tunniunneqartassallutik.

Tak. pisortanut isumaqatigiissummi atorfimmi ulluni 30-ini sulinngiffeqarsinnaatitaaneq. Ukioq ataaseq atorfeqareernerup kingornatigut ukioq allortarlugu akiliunneqarluni sulinngiffeqarluni angalanissamut sulinngiffeqarluni angalanermut aningaasaateqarfik aqqutigalugu imaluunniit ukiut tamaasa 16.500 kr.-nik tunineqarnissamut periarfissaqarpoq.

Inatsisit atuuttut malillugit angerlarsimaffimmi internetimut akiliunneqarnissamut aamma suliffimmut atatillugu mobileqarnissamut aamma periarfissaqarpoq.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Inissaq:**

Atorfimmut atatillugu sulisunut inissiamik innersuussisoqarsinnaassaaq. Inissiamut qularnaveeqqusiisoqassaaq kiisalu Kalaallit Nunaanni Namminersorlutik Oqartussat kommunillu illuutaanni ineqarnermut akiliuteqartarnermut malittarisassat sukkulluunniit atuuttut naapertorlugit ineqarnermut akiliutit, atuinermut aningaasartuutit il.il. akilerneqartassapput.

Atorfininnermi aalajangersimasumik sulisunut inissiamik ingerlaannaq atugassiisoqarsinnaanngippat, vakantboligimut pisinnaatitaaffeqartunut utaqqiisaasumik vakantboligimik neqeroortoqassaaq. Tassani ineqarnermut akiliutit, atuinermut aningaasartuutit il.il. malittarisassat qulaani pineqartut naapertorlugit akilerneqassapput.

Ineqarnermut akiliutit, atuinermut aningaasartuutit il.il. pillugit paasissutissat annertunerusut uani takuneqarsinnaapput: https://www.iserit.gl.

Atorfiniffissaq sulisunut inissiap qaqugu atugassanngortinneqarsinnaaneranik afhænger. Malittarisassat atuuttut naapertorlugit atorfininnermut atatillugu angalanermut aammalu pequtinik nuussinermut akiliussisoqassaaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Vicekommunaldirektør Marie Fleischer, E-mail: ks79mafl@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1229-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqassavit:**

Qinnuteqaatit quppernerup matuma ataani linki aqqutigalugu elektroniskimik nassiunneqassapput. Tassani qinnuteqaatit CV-llu ilanngussinnaavatit.

**Malugiuk:**

Qinnuteqaatit pappiaqqatigut imaluunniit e-mailikkut tiguneq ajorpavut. Qinnuteqaatit suliffissamik nalunaarutip elektroniskiusup aqqutigalugu nassiutissavat.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1229-26)

## Attaveqarfissaq

Marie Kathrine Fleischer / ks79mafl@sermersooq.gl / 299367002
