---
title: "Atorfik inuttassarsiuussaq: Kapisilinni atuarfimmi ilinniartitsisoq"
description: "Atorfik inuttassarsiuussaq: Kapisilinni atuarfimmi ilinniartitsisoq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Atorfik inuttassarsiuussaq: Kapisilinni atuarfimmi ilinniartitsisoq](https://sermersooq.gl/suliffissat/inuttaqanngitsut/atorfik-inuttassarsiuussaq-kapisilinni-atuarfimmi-ilinniartitsisoq)

Qinnuteqarnissamut periarfissarititaasoq

20/8/2026

Suliffik

Kapisillit

Sumiiffik

Forvaltning for Børn og Skoler

Attaveqarfissaq

*Kommuneqarfik Sermersooq Kapisilinni atuarfimmut atuartitsissutini tamani ilinniartitsisumik pissarsiorpoq. Ilinniartitsisumik pitsaasumik, tunniusimasumik seminariami ilinniarsimasumillu pissarsiorpugut, atuarfiup ineriartortitsinermik pingaartitsiviusup iluani suleqatinut, aqutsisunut angajoqqaanullu suleqataasinnaasumik.*

Kommuneqarfik Sermersooq Kapisilinni kommunip atuarfianut atuartitsissutini tamani ilinniartitsisumik pisariaqartitsivoq.

Atuartitsineq meeqqallu pitsaasumik inuuneqarnissaat uummateqarfigaagit? Takunnissinnaassuseqarpit namminerlu isumassarsiatit kiisalu allat isumassarsiaat ataatsikkut isumagisinnaallugit suli qungujullutit – taava immaqa illit Kapisilinni nunaqarfimmi atuarfitsinni ilinniartitsisussatut ujartorpatsigit.

Atuarfimmi atuartut marluk atuarput, nukarlerni akullernilu atuartut. Atuartitsissutit ilaanni iPad atorlugu illoqarfimmi atuarfinnit ungasianiit ilinniartitsineq ingerlanneqartarpoq.

**Ilinnit naatsorsuutigaarput:**

∙Ilinniartitsisutut seminariami ilinniarsimasuussasutit

∙Pitsaasuussasutit, tunniusimasuussasutit suliniuteqarsinnaasuullutillu

∙Suleqatinik, aqutsisunik angajoqqaanillu pitsaasumik suleqateqarnissannik

∙Killilersuutit pinnagit periarfissat takusinnaassagitit aammalu atuarfiup eqaatsumik ineriartortitsiviusup iluani suleqataarusussasutit

∙Immikkoortortakkaartumik aaqqissuussaasumi suleqatigiinnik suleqateqarsinnaassasutit aammalu ineriartortitseqataasinnaassasutit

**Neqeroorutigisinnaavagut:**

∙Atuarfimmi ineriartortitsinermik pingaartitsiviusumi inuttut suliamullu tunngatillugu ineriartornissamut periarfissat

∙Atorfik pissanganartoq atuarfeqarfimmi, nutaamik atuarfeqarneq pillugu peqqussutip ataani perorsaanikkut ineriartortitsineq pingaartinneqartorujussuulluni kiisalu kommunimi atuarfeqarfik politikkikkut pingaarnerpaatinneqarluni

∙Ilinniartitsisutut nutaatut pitsaasumik tapersersorneqarneq aammalu suliassat sunniuteqarfiginissaannut aaqqissuussinissaannullu periarfissat pitsaasut

∙Kalaallisut danskisullu marluinnik oqaaseqartuuneq iluaqutaassaaq, piumasaqaataananili

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef-i Akitsinnguaq Lulu Jensen, oqarasuaat +299 36 73 26 imaluunniit e-mail: ks55akje@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 719-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=719-26)