---
title: "Aqutsisoq Meeqqerivik Meeqqat"
description: "Aqutsisoq Meeqqerivik Meeqqat"
date: "2026-08-19"
created: "2026-08-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Aqutsisoq Meeqqerivik Meeqqat](https://sermersooq.gl/suliffissat/inuttaqanngitsut/aqutsisoq-meeqqerivik-meeqqat)

Qinnuteqarnissamut periarfissarititaasoq

4/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Arnatsiaq Jeremiassen / ks02arje@sermersooq.gl

**Meeqqat ineriartornerannut pitsaasumut aqutsinissamullu soqutiginnippit?**

Meeqqerivik Meeqqat akuleriinnik meeqqerivittut ingerlatsiviuvoq, meeqqanut 25-inut 0–6-inik ukiulinnut inissaqarluni. Meeqqat immikkoortunut marlunnut agguataarneqarput. Ingerlatsivik Nuummi inissisimavoq, sulisullu 9-iusut, aqutsisoq ilanngullugu, sulisortaallutik.

Uagutsinnut pingaaruteqarpoq meeqqat toqqissisimanartumik ataqatigiissumillu ulluinnarsiortarnissaat, kiisalu pitsaasunik attaveqaqatigiinnermik misigisaqarnissaat. Taamaattumik naatsorsuutigaarput illit aqutsisutut ingerlatsiviup anguniagaanut sinaakkutissanik pilersitseqataanissat tapersersuisarnissallu.

Qinnuteqaateqarninni apeqqutit uku akissuteqarfigeqquarput:

∙ Perorsaanermi suleriaatsit suut illit pingaartippigit?

∙ Perorsaanermi suleriaatsit taakku qanoq ingerlateqqissavatit:

∙ Sulisunut – ilinniarsimasunut ilinniarsimanngitsunullu

∙ Angajoqqaanut

**Aqutsisussamut naatsorsuutigaarput:**

∙ Perorsaasutut ilinniagaqarsimanissaq

∙ Paasiuminartuullunilu ersarissoq, peqatigisaanillu perorsaanermi aqutsinermut, suleqatigiinnermut sulisullu piginnaasaannik ineriartortitsinermut soqutiginnilluinnartoq

∙ Suleqatikkuminartoq aamma ataatsimut isiginnilluni aaqqissuussisinnaasoq

∙ Perorsaanilerinermi siunnersueqatigiinnermut aammalu meeqqerivinni aqutsisut allat peqatigalugit suleqatigiinnermut peqataasinnaasoq

∙ IT-mut/qarasaasiamut atuisinnaanermik ilisimasaqartoq

∙ Aqutsinermi allaffissornermut aningaasaqarnermullu tunngasunik suliassanik peqataaffigisinnaasaasoq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Meeqqeriveqarnermi immikkoortortaqarfimmi aqutsisoq Arnatsiaq Jeremiassen, oqarasuaat +299 36 72 05 imaluunniit e-mail: ks02arje@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 778-26-mik**, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=778-26)

## Attaveqarfissaq

Arnatsiaq Jeremiassen / ks02arje@sermersooq.gl