---
title: "Aningaasanik aqutsinermut periusissiaqarlunilu ineriartortitsinermi Siunnersortaaneq"
description: "Aningaasanik aqutsinermut periusissiaqarlunilu ineriartortitsinermi Siunnersortaaneq"
date: "2026-10-23"
created: "2026-10-23"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Aningaasanik aqutsinermut periusissiaqarlunilu ineriartortitsinermi Siunnersortaaneq](https://sermersooq.gl/suliffissat/inuttaqanngitsut/aningaasanik-aqutsinermut-periusissiaqarlunilu-ineriartortitsinermi-siunnersortaaneq)

Qinnuteqarnissamut periarfissarititaasoq

2/11/2026

Suliffik

Nuuk

Sumiiffik

Koncernservice

Attaveqarfissaq

Hans Severin Berg / ks87hase@sermersooq.gl / 367356 / 298280

**Kalaallit Nunaanni kommunit annersaanni aningaasaqarnikkut aqunneqarneranik nukittorsaataarusuppit, aqutsisunut kiisalu politikkikkut aalajangiisartut aalajangiinissaannut pitsaasumik tunngavissillugit?**

Kommuneqarfik Sermersooq misilittagalimmik aningaasaqarnermut siunnersortaanissarsiorpoq, pisortat aningaasaqarnikkut aqutsineranni periusissianik, misissueqqissaarnermik ineriartortitsinermillu paasinnillaqqissumik piginnaasaqartumik. Aningaasaqarnermut immikkoortortami qitiusumik inissisimassaatit aamma aningaasaqarnermut pisortamik, aqutsisunik aaqqissuussamilu suliatigut isumasiornermi qanimut suleqateqassallutik. Atorfik ilinnuuvoq periusissianik imminnut atasunik ataatsimut takunnissinnaasumut kiisalu aningaasaqarnermi periusissianik, missingersuusiornermik misissuilluaqqissaarnermillu pisariaqartitsisoqarnerani itisuumik paasinnissinnaasoq. Taanna kommunimi atuuffik nutaajuvoq, taamaalillutit nammineerlutit atorfik sunniuteqaqataaffiginissaanut ilusileeqataaffiginissaanullu immikkut ittumik periarfissaqassaatit.

###

### **Atorfik pillugu:**

Siunnersortaanertut kommunip aningaasaqarnikkut aqutsineranik ineriartorteqqinnissaanut pingaarutilimmik inissisimassaatit. Missingersuusiornermi pitsaassutsinik ataqatigiissaarnerannillu, missingersuutinik malinnaatitsinermik aningaasaqarnikkullu misissueqqissaarnermik suliaqarnermi pitsaassutsinik qulakkeerinneqataasassaatit kiisalu kommunip aningaasaqarnikkut aalajangernissaanut tunngavissiisunik aqutseriaatsinik periaatsinillu ineriartortitseqataallutit. Suliassavit annerit siulliit ilaat tassaassaaq missingersuusioriaatsimik nutaamik ineriartortitsineq, nunap immikkoortuani innuttat inissisimanerannut ineriartortumut kommunillu suliaanut atasunik missingersuusiornermut atasumik.

Aningaasaqarnermut immikkoortortamut ilaassaatit, tassaniipput akiligassallit, akiligassaqarfiit, controllerit pillugit sullissisut kiisalu missingersuusiortartut sulisut 28-t missaannik sulisoqarpoq. Aningaasaqarnermut pisortaq, pisortaqatigiit, aqutsisut ingerlatsiviillu qanimut suleqatigissavatit kiisalu politikkikkut aalajangiisartut avataaniillu suleqatit, matumanilu Namminersorlutik Oqartussat attavigisassallugit.

###

### **Pingaarnertut suliassatit:**

∙Kommunimi missingersuutit ataqatigiissarlugit pitsaassusaallu qularnaarlugit kiisalu missingersuutinik malinnaatitsineq

∙Aningaasaqarnikkut kisitsisinillu misissueqqissaarnernik suliaqarneq kiisalu aqutsisunut politikerinullu aalajangernissaannut tunngavissiuineq

∙Kommunip aningaasaqarnikkut aqutsineranik, aqutseriaasianik missingersuusioriaasianillu suliaqarneq

∙Aqutsisunut paasissutissiinermik, missiliuutinik aqutsissutinillu suliaqarneq

∙Inatsisit, aaqqissuusseqqinnerit politikkikkullu aalajangiinerit aningaasaqarnikkut kingunerisassaannik misissueqqissaarneq

∙Aningaasaqarnermut pisortamik, aqutsisoqatigiinnik kiisalu politikkikkut aalajangiisartunik aningaasaqarnermut tunngasunik siunnersuinermut ikiuunneq

∙Suliniutit assigiinngiiaat periusissiorluni kiisalu inerisagassanik suliassanik annertuunik suleqataanermut peqataaneq

Atorfik sulisunut akisussaaffeqanngilaq, naatsorsuutigineqarputilli suliatigut annertuumik akisussaassuseqassasutit aningaasaqarnermullu tunngasuni isumasiornermi sulianillu ingerlatsinermi atuutissallutit.

### **Ilinnut tunngasut:**

Pisortat aningaasaqarnerannik annertuumik ilisimasalimmik misilittagalimmik pissarsiorpugut. Aningaasaqarnermik aqutsinermik, misissueqqissaarnermik inerisaanermillu sivikinnerpaamik ukiuni tallimani misilittagaqartutit - ajornanngippat kommuninit, Namminersorlutik Oqartussanit politikkikkulluunniit aqunneqartumik suliffeqarfimmit. Aqutsisut politikkikkullu sulinermi aalajangiisartut qanimut suleqatigalugit sungiusimavat kiisalu aningaasaqarnerup, suliatigut mianerinninnerup politikkikkullu pingaarnersiukkanik suliaqarnermik paasisimasaqarlutit.

Naatsorsuutigaarput illit:

∙Aningaasaqarnermik, pisortat allaffeqarfiini, inuiaqatigiinnik ilisimatusarnermik assigisaannilluunniit ingerlariaqqiffiusumik ilinniagaqartutit

∙Pisortani missingersuusiornermik, missingersuutinik malinnaatitsinermik naatsorsuuserinermillu misilittagaqarluartutit

∙Aningaasaqarnermik aqutsissutinik suliaqarnermik taakkualu suleriaatsinut nuutsillugit misilittagaqartoq

∙Misissueqqissaarinermut piginnaasaqarluartoq aamma paasissutissanik ajornakusoortunik aalajangersimasunik innersuussuteqarsinnaasoq

∙Suliniutinik suliallu ingerlarnganik ingerlatsinermik aqutsinermik misilittagalik

∙Aningaasaqarnermut tunngasunik ersarissunik eqqoqqissaartunillu ingerlatitsillaqqissoq - aamma aningaasaqarnermik tunuliaqutaqanngikkaluartunut

∙Excelimik piginnaasaqarluartoq aamma aningaasaqarnermik aqutsissutinik nalunaarusiornermilu sakkussanik misilittagaqartoq

∙Politikkikkut paasisimasaqarluartoq suliamullu tunngasunik pitsaasumik siunnersuillaqqissoq, aamma oqaatiginiagaq artornaraluaraangalluunniit

∙Tamakkiisumik isiginnittartoq kiisalu piffissamik killilimmik suliaqarnermi pitsaassutsimik tunniussisinnaalluartoq, ass. missingersuusiornermi

∙Akisussaaffimmik tigusisassasutit suliassatillu naammassinissaata tungaanut suliarisassagitit

Makkuninnga piginnaasaqaruit qujanassaqaaq:

∙Kalaallit inuiaqatigiivinik aamma Kalaallit Nunaanni pisortat allaffeqarfiannik ilisimasaqartoq

∙Kalaallit Nunaanni kommunit akornanni aningaasaqarnikkut ataqatigiissusaannik ilisimasaqartoq, matumanilu ataatsimut tapiissutit naligiissaarinerlu

∙Suliniutinik ingerlatsinermik ineriartortitsinermillu naatsorsuinermik misilittagalik

∙Paasissutissanik takutitsinissamik kiisalu Power BI-mi aqutsisunut ilisimatitsinermik misilittagalik

∙Amerlasuunik attaveqarnermik nuannarisalik kiisalu aaqqissuussami tamarmi tamanik suleqateqarsinnaasoq

∙Auliassat pisariusut nammineq misissoqqissaariarlugit atuutsitsinermut suliaqarsinnaasoq

∙Aaqqissuussaasumik, namminersorluni aaqqeeriarsinnaasumik sulisinnaasoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

### **Neqeroorutigaavut:**

Immikkut ilisimasalittut qitiusumik atorfeqassaatit kommunip aningaasaqarnikkut aqutsineranik ineriartortitsinermut annertuumik sunniuteqarsinnaallutit. Aaqqissuussamut ilaalissaatit aningaasaqarnermut tunngasunik sullissinermi pingaarutilimmik inissisimallutit politikkikkut anguniakkat, sulianik pingaarnersiuinernik kommunillu aningaasaqarnikkut sinaakkutaanik ataqatigiissaarinermik suliaqarlutit.

Taamaaliornikkuttaaq Kalaallit Nunaanni kommunit annersaanni aningaasaqarnikkut aqutsinissamullu tunngasunik isummerfigisassani pisariunerpaat ilaanni aamma sulisinnaassaatit. Ilinniaqqinnissamut tunngasunik suliniuteqartuuvugut, illillu suliannut tunngasuni ineriartornissannut periarfissaqarluassaatit.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aningaasaqarnermut pisortaq Hans Severin Berg, oqarasuaat +299 36 76 46 imaluunniit e-mail: ks87hase@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1100-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1100-26)

## Attaveqarfissaq

Hans Severin Berg / ks87hase@sermersooq.gl / 367356 / 298280