---
title: "Angallannermut Nakkutilliinermullu aqqusinniornermut ingeniøri imaluunniit pilersaarusiortoq"
description: "Angallannermut Nakkutilliinermullu aqqusinniornermut ingeniøri imaluunniit pilersaarusiortoq"
date: "2026-09-21"
created: "2026-09-21"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Angallannermut Nakkutilliinermullu aqqusinniornermut ingeniøri imaluunniit pilersaarusiortoq](https://sermersooq.gl/suliffissat/inuttaqanngitsut/angallannermut-nakkutilliinermullu-aqqusinniornermut-ingenioeri-imaluunniit-pilersaarusiortoq)

Qinnuteqarnissamut periarfissarititaasoq

12/10/2026

Suliffik

Nuuk

Sumiiffik

Forvaltning for Anlæg og Miljø

Attaveqarfissaq

Lars Borris Pedersen / ks62lape@sermersooq.gl

Kalaallit Nunaanni illoqarfiit pingaarnersaanni kommunimi ineriartortitsinermut sunniuteqaqataarusuppit?
Angallannermut Nakkutilliinermullu immikkoortortaq kommunimi attaveqaasersuutinut suliassaqarfimmi nutaatut suliniutissat ingerlatsinerullu qulakkeernissaannut suleqatissarsiorpo**q.**

Kommuneqarfik Sermersuumi teknikkimut pikkorissumik aamma attaveqaasersuutinut aaqqiissutinullu torrallatanik soqutiginnittumik suleqatissarsiorput. Atorfik piaarnerpaamik imaluunniit isumaqatigiissuteqarnikkut inuttalerneqarumavoq.

**Atorfik pillugu:**

Angallannermut Nakkutilliinermullu immikkoortortaqarfimmi Aqqusinniornermut Ingeniøritut kommunimi aqquserngit angallannerlu pillugit pilersaarusiornermi, ataqatigiissaarinermi aamma ineriartortitsinermi qitiusumik atuuffeqassaatit. Avataani oqartussaaffeqarfinnik, pilersuinermik ingerlatsisunik, sanaartortunik, siunnersuisunik aamma pisortat angallassinerannut ataqatigiissaarinermik ingerlatsissaatit, kiisalu suliniutinut aamma ingerlatsinermik suliassanut tunngasutigut kommunip nammineq immikkoortortaqarfiinik qanimut suleqateqarneq qulakkiissavat.

Illit suliassatit tassaapput pilersaarusiorneq, pisortat ingerlatsinerannut- aamma ineriartortitsinermik suliaannik inniminniineq nakkutilliinerlu, taakkununnga ilanngullugit aputaajaaneq, asfaltilersuineq, assaaneq, aqqusinerni suliaqarneq kiisalu aqqusinerni atortut aserfallatsaalineqarnerat, soorlu allagartarsuit, aqquserngit sinaakkutaat, qaammaqqutit aamma illoqarfimmi pequsersuutit. Ilanngullugit akisussaaffigissavatit, innuttaasut saaffiginnissutaannik sullissineq, aqqusinermi angallannermut tunngasut, aqquserngit, biilinik qimatsisarfiit, imaajaaneq aamma aqquserngit sinaat taamatullu oqartussaaffeqartutut suliani nunaminertanut- aamma attaveqaasersuutinut tunngasunik ilanngussaqartarneq.

Atorfimmut aamma ilaapput GIS aamma paasissutissanut sakkut allat atorlugit misissueqqissaarnernik- aamma pilersaarusiornernik suliat, kommunip attaveqaasersuutit pillugit paasissutissaataannik nutarsaaneq kiisalu aqqusinerni kisitsinernik, innuttaasunik peqataatitsinermik aamma nalunaarsuinernik sulianik naammassinninnerit. Ingerlatsivimmi AC-it suleqatigalugit politikkikkut sulianik saqqummiussinernik, ineriartortitsinermut pilersaarutinik, tusarniaanernit akissutinik aamma innuttaasunut, politikerinut kiisalu aqutsisunut paasissutissanik suliaqartassaatit.

Pigaartoqartitsinermik aaqqissuussaq atorfimmut ilaavoq, taamaattumik piffissap nalinginnaasumik suliffiup avataani pinartunik pisoqartillugu soorlu aqqusinermi ajunaartoqartillugu, attaveqaasersuutit aarlerinaatilimmik ajoquserneqartillugit aamma ukiuunerani kiffartuussinernik ingerlatsisassaatit kiisalu kommunip isumaqatigiissutitigut sullissinissamik suliniutaasa eqquutsinneqarnerannik suliaqassaatit.

**Immikkoortoqarfiup suliassaasa iluini makkua suliassarissavatit:**

∙Kommunip aqqusinernik aamma attaveqaasersuutinik ingerlatsinera aamma ineriartortitsinera.

∙Pilersaarusiorneq, inniminniineq aamma ingerlatsinermik suliassanik sanaartukkanillu nakkutilliineq.

∙Oqartussaaffeqartutut sulianik ingerlatsineq, sullissineq aamma teknikkinik siunnersuineq.

∙Oqartussaaffeqartunik, sanaartortunik, siunnersuisunik aamma suliffeqarfimmi suleqatigisanik ataqatigiissaarineq.

∙Paasissutissanik katersineq, GIS-imik misissueqqissaarneq aamma attaveqaasersuutit paasissutissartaannik aserfallatsaaliuineq.

∙Aalajangiinernut tunngavissanik suliaqarneq, tusarniaanermi akissusiorneq aamma innuttaasunut politikerinullu ilisimatitsissutinik suliaqarnerit.

∙Pigaartoqartitsinermik aaqqissuussaq pisunik pinartunik ukiukkullu kiffartuussinernik sulianik imalik.

**Pigisaraatit:**

Takorloorparput illit suleqatitut attaveqaasersuutit immikkut soqutigisarissagitit

∙Ingeniøriuvutit imaluunniit teknikkimut tunngasumik allamik ilinniarsimallutit suliatigullu aqquserngit ilisimasaqarfigalugit. Namminersortut suliffeqarfiutaanit, sanaartornermik suliffeqarfimmit imaluunniit pisortat suliffeqarfiutaanit allamit atorfimmit misilittagaqarneq iluaqutaasinnaavoq. Ilinniarnerminnik naammassinneqqammersut aamma isiginiarneqarput

∙Pitsaaqutaassaaq aqqusinniornerup iluani suliaqarnermik misilittagaqaruit, namminerlu pilersaarusiorsinnaaguit

∙GIS aamma suleriaatsit digitaliusut misilittagaqarfigaatit

∙Suleqatigiinnermut piginnaasaqarluarputit aamma aaqqiissuteqarnissamik pingaartitsivutit

∙Ajornanngippat danskisut, kalaallisut tuluttullu oqaatsitigut piginnaasaqarputit

∙Kalaallit Nunaanni pissutsinik ilisimasaqarputit

**Ilinnut neqeroorutigisinnaasavut:**

Nuummi naapittarfiup eqqaani suliffeqassaatit, Ingerlatsivik taassuma eqqaaniippoq. Suliffitsinni avatangiisit ammasuupput, suliassaqarfiit suleqatigiinnerat salliutinneqarpoq. Suliassaqarfimmi annertuumik kiffaanngissuseqarlutillu akisussaaffeqassaatit, kommunimi avatangiisit isikkuat sunniuteqarfigisinnaavat.

Makku pissavatit:

∙Suliffik soqutiginartoq assigiinngisitaartorlu namminersorluni piginnaasanik akisussaaffimmillu ingerlatsiffiusoq

∙Ingerlatsivimmi immikkoortortanik allanik, avataanilu siunnersortinik, sanaartortunik il.il. suleqateqarneq

∙Sulivimmi suleqatit pikkorissut soqutiginnittullu suleqatigiilluartut

∙Suliatigut inuttullu ineriartornissamut periarfissat pitsaasut

∙Illoqarfiit pingaarnersaanni annertuumik ineriartortinneqartumi atorfik unamminiarnartulik

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pisortaq Lars Borris Pedersen, oqarasuaat +299 53 75 00 imaluunniit e-mail: ks61lape@sermersooq.gl imaluunniit uunga:

 Angallannermut pilersaarusiortoq Emil Skat Vejleskov, oqarasuaat +299 53 87 81, e-mail: ks81emsk@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 949-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=948-26)

## Attaveqarfissaq

Lars Borris Pedersen / ks62lape@sermersooq.gl