---
title: "Ammasumik Siunnersuisartut katsorsaasussarsiorput"
description: "Ammasumik Siunnersuisartut katsorsaasussarsiorput"
date: "2026-09-17"
created: "2026-09-17"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ammasumik Siunnersuisartut katsorsaasussarsiorput](https://sermersooq.gl/suliffissat/inuttaqanngitsut/ammasumik-siunnersuisartut-katsorsaasussarsiorput)

Qinnuteqarnissamut periarfissarititaasoq

8/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Ingelise Brandt / ks86inbr@sermersooq.gl

**Kommuneqarfik Sermersuumi Pitsaaliuinermut Suliniutinut Siunnersortinullu Immikkoortortaq kajumissuseqarluartumik suliatigullu nukittuumik katsorsaasussarsiorpoq.**

Ammasumik Siunnersuisarfimmiit meeqqanut, inuusuttunut ilaqutariinnullu ikorfartorneqarnissamik, aqqutissiuunneqarnissamik ajornartoornermiluunniit oqaloqateqarnissamik pisariaqartitsisunut siusissukkut, pitsaaliuisumik kinaassutsimillu isertuussiffiusumik siunnersuisarnissamik neqeroorfigineqarputit. Ajornartorsiutip annertusinnginnerani siusissukkut ilaqutariit ikiorneqarlutik toqqissisimanartumik angujuminartumillu neqeroorfiginissaat siunertaavoq.

Isumaginninnikkut piginnaasalinnik, ilaqutariinnut innuttaasunullu attaveqaateqarnermik tapersersuinermillu suliaqartut immikkoortortaq kajumissuseqarluartunik sulisoqarpoq. Ammasumik Siunnersuisarfimmi kinaassutsimik taasinani siunnersuisarneq tunngavigineqarpoq, tassanilu innuttaasut ilaqutariillu tallimat tikillugit amerlassusilinnik kinaassutsiminnik taasinatik oqaloqatiginnittarnissamut saaffiginnissinnaapput. Pisariaqartitsinikkut sulisumillu naliliisoqarneratigut neqeroorummut suliniummulluunniit naleqquttumut innersuussisoqarsinnaavoq.

Atorfik ulloq naallugu atorfiuvoq Pitsaaliuinermut Suliniutinut Siunnersortinullu Immikkoortortami aqutsisoq qaninnertut qullersarineqarluni.

Paasissutissat amerlanerusut uani takusinnaavatit: Kommuneqarfik Sermersooq

**Atorfiup imarisai:**

Katsorsaasumik misilittagalimmik Ammasumik Siunnersuisartuni suliaqartussamik suliassanillu makkuninnga suliaqartussamik pissarsiorpugut

∙Meeqqanik, inuusuttunik ilaqutariinnillu siunnersuilluni ikorfartuillunilu oqaloqateqarneq
∙Ilaqutariinnik pinartoqartillugu ilungersunartorsiortoqartilluguluunniit oqaloqateqarnerit
∙Siusissukkut pitsaaliuisumillu oqaloqateqarnerit
∙Attaveqalersitsisumik kajumissaarisumillu sulineq
∙Angajoqqaanut ilaqutariinnullu aqqutissiuussineq ikorfartuinerlu
∙Neqeroorutinut suliniutinulluunniit naleqquttunut innersuussinissamik nalilersuineq
∙Pinasuartumik suliassat takkussuuttut

**Qinnuteqaateqartunut naatsorsuutigisat:**

∙Isumaginninnikkut ilinniagaqarneq soorlu isumaginninnermi siunnersorti, perorsaasoq, katsorsaasoq imaluunniit ilinniagaq naleqquttoq
∙Siunnersuisarnermik, ajornartoqartillugu oqaloqatiginninnermik ilaqutariinnilluunniit katsorsaanermik misilittagaqarneq pitsaaqutaassaaq
∙Meeqqat, inuusuttut ilaqutariillu atugaannik ineriartornerannillu sulisutut paasisimasaqarfigineri
∙Toqqissisimanartumik attaveqarnermik piginnaasaqarneq aamma ataqqinnittumik tamaallu isigalugu sulisinnaaneq

**Ilanngullugit pingaartippagut:**

∙Aalajaatsoq, akisussaaffimmik pitsaassutsimillu ilisimaarinnittoq
∙Namminersorlutit aaqqissuussaasumillu sulisinnaasoq
∙Suleqatiginnillaqqissoq
∙Erseqqissumik attaveqarsinnaasoq, oqaatsitigut allattariarsornikkullu
∙Ulapaarfiusuni eqqissisimalluni malinnaasinnaallunilu sulisinnaasoq
∙Nikerartumik aaqqiissuseqartumillu sulisinnaasoq
∙Pitsaaliuinermik suliaqarnermi ineriartornermut pitsaasumik tunniussaqarsinnaasoq
∙Kalaallisut qallunaatullu oqaaseqarneq pitsaaqutaassaaq, piumasaqaataanngilarli

**Neqeroorutigaavut:**

Suliffik pissanganartoq isumaqarluartorlu meeqqanut, inuusuttunut ilaqutariinnullu allannguinissamik periarfissalik. Immikkoortortami ineriartortumi suleqatit kajumissuseqarluartut, suliatigut siunersiueqateqarnissamut periarfissalimmi suliatigullu sunniuteqaqataanissamut periarfissalimmi suleqataalissaatit.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Ingelise Brandt, oqarasuaat +299 36 72 69 imaluunniit e-mail: ks86inbr@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 939-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=939-26)

## Attaveqarfissaq

Ingelise Brandt / ks86inbr@sermersooq.gl