---
title: "Akuleriissillugu Meeraateqarfik Naasut inimi ikiortinik marlunnik pissarsiorpoq"
description: "Akuleriissillugu Meeraateqarfik Naasut inimi ikiortinik marlunnik pissarsiorpoq"
date: "2026-08-28"
created: "2026-08-28"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Akuleriissillugu Meeraateqarfik Naasut inimi ikiortinik marlunnik pissarsiorpoq](https://sermersooq.gl/suliffissat/inuttaqanngitsut/akuleriissillugu-meeraateqarfik-naasut-inimi-ikiortinik-marlunnik-pissarsiorpoq)

Qinnuteqarnissamut periarfissarititaasoq

18/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Katrine Larsen Lennert / ks23kala@sermersooq.gl / 366708 / 292255

**Nuup illoqarfiata qeqqani Akuleriissillugu Meeraateqarfik Naasut inimi ikiortinik ilinniarsimanngitsunik marlunnik pissarsiorpoq**

Qanimut attaveqatigiinnerit pingaartinneqarlutik, meeqqallu ataasiakkaat ataatsimullu ineriartornerat atugarissaarnerallu ukkatarineqarfianni meeqqerivimmik ineriartortitsinermik aqutsisoq qanimut suleqatigalugu aqutseqataanissami peqataarusuppit? Taava suliffissaqartippatsigit.

Akuleriissillugu Meeraateqarfik Naasut inimi ikiortitut sulilertussanik tunniusimasunik marlunnik 01.11.2026 imaluunniit tamatuma kingorna isumaqatigiissutit naapertorlugit sulilersinnaasunik Kommuneqarfik Sermersooq pissarsiorpoq. Taamaasillusi inimi ikiortitut atorfeqarnissinni meeqqeriviup naleqartitaanut sunniuteqaqataasinnaavusi. Meeqqat alapernaatsut, tatitussusillit, peqqissut nuannaartullu pilersinnissaa Meeqqanut Atuarfeqarnermullu Ingerlatsiviup anguniagaraa. Anguniakkat anguneqarnissaannut ilissi aqutsisoq qanimut suleqatigalugu ukkatarinninnissarsi naatsorsuutigineqarpoq.

**Uagut ilinnut makku naatsorsuutigaagut:**

·Akisussaassuseqartuusutit

·Meeqqanik, sulisunik angajoqqaanillu akuersaarlutit peqateqarsinnaasutit

·Meeqqat inerikkiartornerannut tunngasunik ilisimasaqartuusutit

·Aalajaatsuusutit

·Suleqatiginnikkusussuseqartuusutit

·Allannguerusussuseqartuusutit

·Inuunermut nuannersumik isiginnittaaseqartuussaatit

**Uagut ilinnut makku neqeroorutigisinnaavagut:**

·Suleqatit eqeersimaartut 21-t

·Suliffimmi avatangiisitigut atugassat pitsaasut

·Isumassarsianut misilittaanissamut inissaqarpoq sunniuteqaqataanissamut periarfissiisumik

**Meeqqerivik nutaamut tunngasut:**

Meeqqerivik nutaami meeqqat katillugit 96-upput, ininut 6-nut agguataarlugit inissinneqassallutik, meeraaqqerivittaani init 3, meeqqerivittaanilu init aamma 3.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Katrine Larsen Lennert, oqarasuaat +299 36 67 40 / +299 23 34 67, imaluunniit e-mail: ks23kala@sermersooq.gl imaluunniit naasut@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 852-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=852-26)

## Attaveqarfissaq

Katrine Larsen Lennert / ks23kala@sermersooq.gl / 366708 / 292255