---
title: "Akuleriinnik Meeqqerivik Paarsisoq immikkoortortami aqutsisussarsiorpoq"
description: "Akuleriinnik Meeqqerivik Paarsisoq immikkoortortami aqutsisussarsiorpoq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Akuleriinnik Meeqqerivik Paarsisoq immikkoortortami aqutsisussarsiorpoq](https://sermersooq.gl/suliffissat/inuttaqanngitsut/akuleriinnik-meeqqerivik-paarsisoq-immikkoortortami-aqutsisussarsiorpoq)

Qinnuteqarnissamut periarfissarititaasoq

24/8/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Naja Amagtangneq Kilime / ks56naki@sermersooq.gl

Immikkoortortami aqutsisutut ulluinnarnilu tunniusimallutit meeqqanik sullissinermut soqutiginnippit, taava Akuleriinnik Meeqqerivik “Paarsisoq”-mi pisariaqartippatsigit.

Meeqqanut ulluunerani paaqqinnittarfimmik ineriartortitsivugut, ingerlatsinermik ataavartumillu ineriartortitsinermut sullissisuuvugut. Maani qanimut attaveqatigiinnerit pingaartippagut, meeqqallu ataasiakkaat eqimattaqatigiillu ineriartornerat atugarissaarnerallu ukkataraagut.

Meeqqat alapernaatsut, tatitussusillit, peqqissut nuannaartullu Kommuneqarfik Sermersuup anguniagarai, taakkulu toqqammavigalugit meeqqat aqqutissiuullugit iliuusissatsinnik eqqartuisarnitsinni timitalerlugit piviusunngortinnissai anguniarpagut.

**Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:**

·Meeqqat piginnaasaat aallaavigalugit meeqqanut ineriartortitsineq.

·Akuersaartumik perorsaariaaseq atorlugu meeqqat naligalugit, meeqqallu piginnaasaat aallaavigalugit ineriartortitsineq

·Tunngaviit 7 atorlugit meeqqanut oqallorissaanermik, pigiliussisinnaanermik, peqateqarsinnaanermillu aqqutissiuussineq

·Kammagiitta kuffert atorlugu meeqqanut sammisassaqartitsineq; ataqqinninnermik, qanilaarnermik, killiliisinnaanermik, sassarsinnaanermillu aqqutissiuussineq

·Perorsaaneq timersornertalik atorlugu meeqqanut timiminnik aqutsisinnaanermik, meeqqat aaliagiussisinnaanissaannik aqqutissiuussineq

**Suliffik qanoq ittoq neqeroorutigisinnaavarput:**

·Aqutsisut sulisullu imminnut ikioqatigiittut, ataqqeqatigiittut akaareqatigiittullu, suliffik meeqqanut sulisunullu orniginartoq

·Sulisut naligiimmik pikkoriffiilu aallaavigalugit suleqatigiittut

·Meeqqat sulisullu imminnut qanilaarnerat toqqissisimanerallu pingaarnertut naleqartipparput

·Sulisut angajoqqaallu attaveqatigiilluartut suleqatigiilluartullu

**Qinnuteqartumut naatsorsuutigineqartut:**

·Perorsaasutut ilinniarsimasuunissat

·Nammineq akisussaaffimmik tigusisinnaasutit namminersorlutillu sulisinnaallutit

·Aqutsisup Tullersortilluunniit peqannginnerani akusissaaffimmik tigusisinnaasutit

·Suleqatinut angajoqqaanullu suleqatiginnikkumasutit

·Allanngortitsinissamut aaqqeeriatarnissamullu piareersimasuusutit

·Meeqqanut ineriartuutaasunik sammisaqartitsinernik pilersaarusiorsinnaasutit

·Qarasaasiamik atuilluarsinnaasutit

**Meeqqerivik pillugu:**

Akuleriinnik Meeqqerivik Paarsisoq eqimattani arfinilinni meeqqat 90-nut inissaqarpoq. Sulisut 22-iupput ima agguarsimasut: Aqutsisoq, Tullersorti,, Immikkoortortami aqutsisoq, Perorsaasut sisamat, Inunnik Isumaginninnermi ikiortit arfinillit, Ikiortit arfinillit, Asaasoq, Igaffimmiullu marluk.

Meeqqerivik 6. November 1969-mi atulerpoq.

Meeraaqqerivik nal. 07:00 - 17:00 ammasarpoq Nuummilu illoqarfiup qeqqaniilluni.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Naja Amangtangneq Kilime, oqarasuaat +299 36 67 60 imaluunniit e-mail: ks56naki@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 732-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=732-26)

## Attaveqarfissaq

Naja Amagtangneq Kilime / ks56naki@sermersooq.gl