---
title: " AKO/FRO Neriusaaq/Inneruulat Pisortap Tullersortissaanik pissarsiorpoq"
description: " AKO/FRO Neriusaaq/Inneruulat Pisortap Tullersortissaanik pissarsiorpoq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [AKO/FRO Neriusaaq/Inneruulat Pisortap Tullersortissaanik pissarsiorpoq](https://sermersooq.gl/suliffissat/inuttaqanngitsut/akofro-neriusaaqinneruulat-pisortap-tullersortissaanik-pissarsiorpoq)

Qinnuteqarnissamut periarfissarititaasoq

14/8/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Akitsinnguaq Lulu Jensen / ks55akje@sermersooq.gl

**AKO/FRO Neriusaaq/Inneruulat Pisortap Tullersortissaanik pissarsiorpoq**

AKO-Neriusaaq  meeqqanut 1 -3 klassini atuartunut atuareernerup kingorna paaqqinnittarfiuvoq meeqqanullu 6 – 9-nik ukiulinnut 100-inut inissaqarluni.

FRO-Inneruulat meeqqanut 4-7 klassinut atuareernerup kingorna ornittagaavoq meeqqanullu 70- nut inissaqartitilluni

Sulisut Neriusaaq-mi 13 naatsorsuussaapput: Inneruulat sulisut 7 naatsorsuussaallutik,  Pisortaq, Pisortap tullia, Afd. ledereq, perorsaasut, meeqqerisutut isumaginninnermilu ikiortit, ikiortillu sulisorineqarlutik,

AKO Neriusaaq ammasarpoq nal.: 07:00 - 17:00 Nuussuarmi inissisimalluni "Atuarfik Nuussuup atuarfiata eqqaaniilluni, illu sungaartoq. FRO/Inneruulat Nuussuup Atuarfiata Naqqaniilluni.

FRO inneruulaq ammasarpoq nal. 08:00 – 17:00, feriani poorskip nalaani, juullip nalaani aasaaneranilu ammasarpoq 07:00-17:00.

AKO/FRO Neriusaaq/Inneruulat sulisut pisussaapput atuarfimmi atuartitsinermut peqataanissamut, taamatut peqataaneq sapaatip akunneranut annerpaamik marloriarluni pisarpoq meeqqallu pisariaqartitaat malillugit nalunaaquttap akunerisa sisamat missaannik sivisussuseqartarluni. Siunertaavoq meeqqap atuarnerup nalaani atugaanik pitsanngorsaanissaq tamannaavorlu AKO-mi sulisut suliassaat.

Pisortap tulliata pisortaq suleqatigalugu paaqqinnittarfimmilu sulisut peqataatillugit sulisoqarnermut politikki suliarisassavaa.

Pingaaruteqarpoq paaqqinnittarfiup atuisut tamaasa eqqarsaatigalugit ajunngitsumik ineriartuutaasumillu ingerlanneqarnissaa. Taamaammat sulinermi atukkat, taakkununnga ilanngullugu sulisut pikkorissut patajaattuullutillu annertuumik pingaartinneqarput.

Atorfimmut tunngatillugu pisariaqarpoq illit perorsaasutut suliaqarnerit tulluussimaarutigissagit – ammasumik eqeersimaartumillu perorsaanermut tunngasunik oqaluuserinneqataasarnissat aamma meeqqanik sullissinissamut kajumissuseqarluarnissat. Ilisimasalittut suliaqarsinnaavutit, inissaqartitsivutit allannguisinnaallutillu aamma sulisunut annertuumik sunniuteqarsinnaanerit ilisimassavat pissusilersuutitillu maligassiuisuunissaat ilisimassallugu.

Pisortap tulliatut ulluinnarni init ilaanni perorsaasutut suliaqassaatit tamatumunngalu peqatigitillugu pisortaq peqatigalugu inini tamani ineriartortitsinissamut akisussaaffeqassaatit, taamaammallu atuartunik paaqqinnittarfimmi sulisut sinnerinut siunnersuinermik ilitsersuinermillu suliaqartassallutit. Pisortap peqannginnerani pisortatut atuuttassaatit.

**Naatsorsuutigaarput:**

·Perorsaasutut assigisaanilluunniit ilinniagaqartutit

·Suleqatiginnilluarsinnaasutit suliatigullu piginnaasaqartutit

·Aqutsinerup iluani imaluunniit pisortap tulliatut misilittagaqartutit ilisimasaqartutillu

·Meeqqanik perorsaanermik suliaqarnermi sulisunik ilitsersuillutillu siunnersuisinnaasutit

·Meeqqanut, sulisunut angajoqqaanullu tusarnaarsinnaasutit

·Tamatigoortuusutit patajaattuusutillu aalajaatsuusutit

· Qallunaatut, kalaallisut aammalu tuluttut oqaaseqartuuguit iluaqutaassaaq, piumasaqaataanngilarli

**Neqeroorutigaavut:**

·Pisortatut suliassanik ilinniartitsinissaq

·Perorsaasutut suliaqarnermi unammilligassat ineriartortitsinerlu

·Suliffik eqeersimaartoq

·Suleqatigiit qiimasut

·Perorsaariaatsimik pingaartitsisut

·Sulisut ammasut, meeqqanullu qanilaartut

·Atuarfimmik suleqateqarluarnerput

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Tina W. Silassen, oqarasuaat +299 367175 imaluunniit e-mail: ks56tisi@sermersooq.gl

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Qinnuteqaat:**

Qinnuteqaat qulequtserlugu **Atorfiup ilisarnaataa 718-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=718-26)

## Attaveqarfissaq

Akitsinnguaq Lulu Jensen / ks55akje@sermersooq.gl