---
title: "AKO Neriusaaq Pisortassarsiorpoq"
description: "AKO Neriusaaq Pisortassarsiorpoq"
date: "2026-09-23"
created: "2026-09-23"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [AKO Neriusaaq Pisortassarsiorpoq](https://sermersooq.gl/suliffissat/inuttaqanngitsut/ako-neriusaaq-pisortassarsiorpoq)

Qinnuteqarnissamut periarfissarititaasoq

14/10/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Akitsinnguaq Lulu Jensen / ks55akje@sermersooq.gl

AKO-Neriusaaq meeqqanut 1 -3 klassini atuartunut atuareernerup kingorna paaqqinnittarfiuvoq meeqqanullu 6 – 9-nik ukiulinnut 100-inut inissaqarluni.

Sulisut Neriusaaq-mi 13 naatsorsuussaapput: Pisortaq, Pisortap tullia, perorsaasut, meeqqerisutut isumaginninnermilu ikiortit, ikiortillu sulisorineqarlutik,

AKO Neriusaaq ammasarpoq nal.: 07:00 - 17:00 Nuussuarmi inissisimalluni "Atuarfik Nuussuup atuarfiata eqqaaniilluni, illu sungaartoq.

AKO Neriusaaq sulisut pisussaapput atuarfimmi atuartitsinermut peqataanissamut, taamatut peqataaneq sapaatip akunneranut annerpaamik marloriarluni pisarpoq meeqqallu pisariaqartitaat malillugit nalunaaquttap akunerisa sisamat missaannik sivisussuseqartarluni. Siunertaavoq meeqqap atuarnerup nalaani atugaanik pitsanngorsaanissaq tamannaavorlu AKO-mi sulisut suliassaat.

Pisortaq pisortallu tullia peqatigalugu paaqqinnittarfimmilu sulisut peqataatillugit sulisoqarnermut politikki suliarisassavaa.

Pingaaruteqarpoq paaqqinnittarfiup atuisut tamaasa eqqarsaatigalugit ajunngitsumik ineriartuutaasumillu ingerlanneqarnissaa. Taamaammat sulinermi atukkat, taakkununnga ilanngullugu sulisut pikkorissut patajaattuullutillu annertuumik pingaartinneqarput.

Atorfimmut tunngatillugu pisariaqarpoq illit perorsaasutut suliaqarnerit tulluussimaarutigissagit – ammasumik eqeersimaartumillu perorsaanermut tunngasunik oqaluuserinneqataasarnissat aamma meeqqanik sullissinissamut kajumissuseqarluarnissat. Ilisimasalittut suliaqarsinnaavutit, inissaqartitsivutit allannguisinnaallutillu aamma sulisunut annertuumik sunniuteqarsinnaanerit ilisimassavat pissusilersuutitillu maligassiuisuunissaat ilisimassallugu.

Pisortatut ulluinnarni inini tamani ineriartortitsinissamut akisussaaffeqassaatit, taamaammallu atuartunik paaqqinnittarfimmi sulisut sinnerinut siunnersuinermik ilitsersuinermillu suliaqartassallutit.

**Naatsorsuutigaarput:**

Aqutsisoq aqutsisumut tullersortimut siunersiueqateqartassaaq aamma ataatsimoorlutik anguniakkat siunertallu pingaarnerit kiisalu perorsaanikkut sulinermi najoqqutassat ulluinnarni naammassineqartarnissaat qulakkeertassavaat.

Aqutsisoq inimi sulisorineqartut amerlassusiligaanerannut ilaavoq aamma angajoqqaat suleqatigineranni nalinginnaasumik perorsaanikkut suliaq suliarisarpaa, aamma iliuusissatut pilersaarutit/sammisassanut pilersaarutit, sulisut atuisullu suliffimmut takkuttarnerat nalunaarsorlugit suliarisarlugit.

·Perorsaasutut ilinniagaqarsimassaatit imaluunniit assingusumik ilinniagaqarsimallutit

·Akisussaassutsimik tigusisinnaavutit

·Tamakkiisumik paasisaqarsinnaaneq

·Pinngorartitsillutit nutaanik pilersitsisinnaassaatit

·Sungiussisinnaassuseqarputit allanngortoqarnermullu akuersaartuullutit

·Pissutsini uippallernartuni sulinissaq sapinngilat

·Sungiussiasuuvutit, suleqataarusussuseqarlutit, ilassiortuullutit aamma

·Aalajaatsuussaatit

·Periarfissat killilersuinernit tappiffiginerussavatit

**Akisussaaffittut suliassat:**

·Aqutsisutut politikikkut sinaakkutit malinnissaat

·Paaqqinnittarfiup aningaasatigut missingersuutaasa eqquutsinnissaat pisussaaffigaat

·Qulaani taaneqartut pillugit immikkoortut aningaasaliiffigineqarsimaneranut tunngasutigut tigusassatut tunniussisinnaatitaassaatit

·Atuisut, sulisut angajoqqaallu suleqatigalugit anguniagassat, iliuusissatut pilersaarutit aamma sammisassatigut pilersaarutit suliarisassavatit

**Perorsaanikkut suliassat:**

·Immikkoortortami pisortat qanimut suleqatigalugit perorsaanikkut sulinermi inatsit malittarisassallu malillugit sulinermik ingerlatsineq

·Fritidsordning perorsaanikkut ukiumoortumik pilersaarutitut anguniagaasa naleqatitaasalu ulluinnarni piviusunngortinnissaannik qulakkeerinninneq

·Sulisut angajoqqaallu akornanni suleqatigiinnermi ajornartorsiutit pillugit aaqqiiniarnernut peqataaneq imaluunniit siunnersuineq

**Aqutsinermi allaffissornikkut suliassat:**

·Fritidsordning ulluinnarni ingerlatsineq

·Sulisorineqartut amerlassusiligaanerat naapertorlugu naammattunik sulisoqarnissamik qulakkeerinninneq

·Sulisunik, atuisunik angajoqqaanillu ataatsimiisitsisarneq

·Ullut tamaasa atuisunut tamanut takkuttarnermut allattuiffiup allattuiffigineqartarnissaanik qulakkeerinninneq

**Neqeroorutigaavut:**

·Pisortatut suliassanik ilinniartitsinissaq

·Perorsaasutut suliaqarnermi unammilligassat ineriartortitsinerlu

·Suliffik eqeersimaartoq

·Suleqatigiit qiimasut

·Perorsaariaatsimik pingaartitsisut

·Sulisut ammasut, meeqqanullu qanilaartut

·Atuarfimmik suleqateqarluarnerput

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Akitsinnguaq Lulu Jensen, oqarasuaat +299 36 73 26 imaluunniit e-mail: ks55akje@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 966-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=966-26)

## Attaveqarfissaq

Akitsinnguaq Lulu Jensen / ks55akje@sermersooq.gl