---
title: "AC-fuldmægtig imaluunniit Immikkut Siunnersortimik "
description: "AC-fuldmægtig imaluunniit Immikkut Siunnersortimik "
date: "2026-09-08"
created: "2026-09-08"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [AC-fuldmægtig imaluunniit Immikkut Siunnersortimik](https://sermersooq.gl/suliffissat/inuttaqanngitsut/ac-fuldmaegtig-imaluunniit-immikkut-siunnersortimik)

Qinnuteqarnissamut periarfissarititaasoq

28/9/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Bruno Heilmann / ks40brhe@sermersooq.gl

**Meeqqanut Ilaqutariinnullu Ingerlatsivik AC-fuldmægtigimik imaluunniit Immikkut Siunnersortimik pissarsiorpoq**

Meeqqanut, inuusuttunut ilaqutariinnullu atugarliortunut isumaginninnikkut suliniutigineqartumik nukittorsaaqataarusuppit? Assigiinngitsunik suliaqartut immikkoortortallu qanimut suleqatigalugit kiisalu suliniutaasunik assigiinngitsunik siuarsaaqataaffiusumi ulluinnarni nikerarfiungaatsiartartumi nalerisimallutit sulisinnaavit? Aaqqissuussaanikkut allannguiffiusartut paasisimasaqarfigilluarlugillu periusissiatut suliniutit piviusunngortittarnissaannik suliaqarnissaq ilinnut kajumilersitsisarpat? Taamaassappat illit AC-fuldmægtig-issarput imaluunniit Immikkut Siunnersortitut suleqatissarput nutaaq.

**Atorfik pillugu:**

AC-Fuldmægtig-itut imaluunniit Immikkut Siunnersortitut isumaginninnikkut suliniutit nukittorsaaviginerini qitiusumik suliaqalissaatit taavalu pisortaqatigiit aamma politikkikkut ataatsimiititat aalajangiisarnissaannut annertuumik tunngavisseeqataasassallutit.

Stabi Meeqqanut Ilaqutariinnullu Ingerlatsivimmi immikkoortortaavoq qitiusoq aamma isumaginninnermut suliassaqarfiup ineriartortinnissaanut pingaarutilittut atuuffeqartoq. Kommunimi ilaqutariinnut ingerlatsiviit tapersersugaralugillu kiffartuussaraavut suliffeqarfimmilu assigiinngitsunik suliallit qanimut suleqatigisarpavut. Stabimi suleqatitut suleqatigiinni peqataalissaatit, tassanilu qaffasissumik pitsaassusilimmik tunniussaqarnissatsinnut suleqatigisartakkatsinnillu kiffartuussilluarnissatsinnut ataatsimut akisussaaffimmik tigusisarpugut.

**Illit suliassatit**

Makku ilaatigut akisussaaffigissavatit:

·Misissueqqissaarnernik suliaqarneq, misissuinerit aamma aqutsinikkut politikkikkullu aalajangiinissamut iluaqutaasunik paasissutissanik tunngaviit.

·Suliniutinik aqutsineq aamma assigiinngitsutigut ineriartortitsilluni suliniutinik ataqatigiissaarineq suliffiullu iluani pitsanngorsaanerit.

·Nassuiaasiorneq, oqaluuserisassaliorneq, politikerinut sulianik saqqummiussassaliorneq allanillu aalajangiinissamut atortussaliorneq.

·Periusissiat, suliniutit ineriartortitassatullu suliniutit atuutilersinnissaannut tapersersuineq.

·Workshopinik, ataatsimiinnernik assigiinngitsunillu suleqatigiiaanik ingerlatsisuuneq.

·Suleriaatsinik suliallu ingerlarnginik ineriartortitseqataaneq pitsanngorsaanerlu.

**Illit ilisarnaatitit:**

Naatsorsuutigaarput illit:

·Suleqatikkuminartuusutit aamma suliassaqarfinni assigiinngitsuni suleqatigiiffiusumi ingerlalluarsinnaasutit.

·Misissueqqissaarnerit pikkoriffigigitit ajornartorsiutillu imaannaanngitsut aaqqiissutinngortissinnaagitit.

·Tamakkiisumik iliuuseqarneq anguniarlugu aaqqissuussaasumik pitsaassutsimillu eqqummaarittutut suleriaaseqartoq.

·Oqalunnikkut allattariarsornikkullu erseqqissumik eqqortumillu attaveqarsinnaasoq.

·Nammineersinnaassuseqarputit, akisussaaffeqarlutit sullisserusussuseqarlutillu sulisinnaavutit.

·Nikerartunik suliaqarfiusumi nikerartunillu pingaarnersiorfiusartumi nalerisimallutit sulisinnaasoq.

·Ulluinnarni ulapaarfiusumi malinnaalluarsinnaasoq aallussillunilu sulisinnaasoq.

·Suliffitsinni suliassat suliarineqartarnerisa siuarsaaqataaffigineri pitsanngorsaaqataaffiginerilu.

·Aaqqissuussaanermi suliat ingerlarnginik paasisimasaqartoq ajornanngippallu ineriartortitsinermik imaluunniit suliniutinik misilittagaqartoq.

**Immikkoortoq pillugu.**

Meeqqanut Ilaqutariinnullu Ingerlatsivimmi Stabimi atorfinitsinneqassaatit. Stabimiipput suleqatigiiaat arlallit, matumani aningaasaqarnikkut controllerit, allatseqarfimmiut, saaffiginnittarfimmiittut aamma ineriartortitsinermik/periusissiornermik suliaqartut. Kulturi initutillugu suleqatigiippugut, paasisanik avitseqatigiittarpugut piffissanilu suliaqarfiungaatsiartuni ikioqatigiittarluta.

Ineriartortitsinermut pisortaq qanimut suleqatigisassavat aamma suliffik tamakkerlugu aqutsisut sulisullu qanimut suleqatigisassavatit. Kommunimi meeqqanut ilaqutariinnullu suliassaqarfik tamakkerlugu suliaqarfigissavat, ilaatigut suliniutit meeqqanut, inuusuttunut ilaqutariinnullu allannguisuusut ineriartortitseqataaffiginissaannut periarfissaqassallutit.

**Naatsorsuutigaarput, illit:**

·Ingerlariaqqiffiusumik ilinniagaqassaatit, ass. cand.scient.pol., cand.soc., imaluunniit inuiaqatigiilerinermi ilinniagaq attuumassuteqartumik ilinniagaqarsimassaatit.

·Suliniutinik aqutsinermik, misissueqqissaarnermik imaluunniit ineriartortitsilluni sulianik misilittagaqartoq.

·Suliffeqarfimmik politikkikkut aqunneqartumik misilittagaqarneq iluaqutaassaaq.

**Neqeroorutigaavut:**

·Atorfik suliatigut pissanganartoq meeqqanut ilaqutariinnullu suliassaqarfimmi ineriartortitsinissamut annertuumik sunniuteqarfiusinnaasoq.

·Ullut nikerartut assigiinngitsorpassuarnik suleqateqarfiusut.

·Suliatigut ineriartorneq suliassallu pingaarutilimmik ineriartortitassanik sunniuteqarnissannut periarfissaqassallutit.

·Suliffik tunniusimaffiusoq aamma sulianut ikiuukkumatuunik pikkorissunik sulisulik.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabimi pisortamut Bruno Heilmannimut saaffiginnissinnaavutit, oqarasuaat +299 36 72 91 imaluunniit e-mail: ks40brhe@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 889-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=889-26)

## Attaveqarfissaq

Bruno Heilmann / ks40brhe@sermersooq.gl