--- title: "Qinersinerit 2025 - Inatsisartunut aamma Kommuninut" date: "2026-06-17" created: "2026-06-17" --- [Saqqaa](https://sermersooq.gl/) [Politikki](https://sermersooq.gl/politikki) [Qinersinerit](https://sermersooq.gl/politikki/qinersinerit) [Qinersinerit 2025 - Inatsisartunut aamma Kommuninut](https://sermersooq.gl/politikki/qinersinerit/qinersinerit-2025-inatsisartunut-aamma-kommuninut) # Qinersinerit 2025 - Inatsisartunut aamma Kommuninut 2025-mi Inatsisartunut aammalu kommuninut qinersisoqartussaavoq. Qinersisinnaatitaaneq, qinigassanngortitsinerit ullullu killiliussat pillugit uani atuarsinnaavatit. ## Kommunimut qinersineq 2025 Kommuneqarfik Sermersuumi kommunimut qinersisoqassaaq ulloq 1. apriili 2025. Qinersiviit nal. 9 ammarneqassapput nal. 20 matuneqarlutik. Kommunalbestyrelsimi ilaasortat 19-it qinerneqassapput. ## Inatsisartunut qinersineq 2025 ### Qinersisinnaatitaaneq Kommunimut qinersisinnaassaguit qinersinissamut pisinnaatitaallutillu qinersinermut allattorsimaffimmi allassimassaatit. Qinersisinnaatitaavutit taamaalillutillu taasinissamut pisinnaatitaassaatit: - - ullormi qinersiviusumi 18-inik ukioqalereersimaguit aamma Kommuneqarfik Sermersuumi qinersineq sioqqullugu sapaatip akunnerini 6-ini aalajangersimasumik najugaqarsimaguit aamma imaluunniit: - - danskisut innuttaassuseqarlutit aammalu qinersinissaq sioqqullugu sivikinnerpaamik qaammatini arfinilinni ataqatigiissumik Kalaallit Nunaanni aalajangersimasumik najugaqarsimaguit, imaluunniit - - sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq. Kalaallit Nunaanni aalajangersimasumik najugaqanngikkuit kommunimut qinersisinnaavutit nuunnginninni inuit allattorsimaffianni sivikinnerpaamik ukiuni 2-ni nalunaarsorneqarsimaguit aamma: - - ilinniagaqarnerit pissutigalugu Kalaallit Nunaata avataaniikkuit, - - peqqinnissamut tunngasunik pissuteqarlutit Kalaallit Nunaata avataaniikkuit, - - Kalaallit Nunaanni qinigaallutit folketingimi ilaasortatut suliaqarninnut atatillugu Danmarkimiissimaguit, - - imaluunniit Namminersorlutik Oqartussanut sinniisuullutit Kalaallit Nunaata avataaniikkuit. Kalaallit nunaanni aalajangersimasumik najugaqartuusimanngikkuit, kisiannili qulaani piumasaqaatit naammassisimallugit, taava taasisinnaatitaanerit attatiinnarniarlugu taasisinnaasut allattorsimaffiannut ilanngunneqarnissat qinnutigissavat. Taamatut iliorsinnaavutit [immersugassap uuma](https://sermersooq.fra1.digitaloceanspaces.com/wp-content/uploads/2025/01/Ansoegning-om-optagelse-paa-valglisten.pdf) immersorneratigut, taannalu uunga nassiunneratigut kommuneqarfik@sermersooq.gl Qinersisinnaatitaasut allattorsimaffiannut ilanngunneqarnissamut qinnuteqarfissaq kingulleq tassaavoq **martsip sisamaat 2025 nal. 12.00.** ### Kommunimut qinigassanngortittut nalunaarutigineqarnerat Kommunimut qinigassanngortittut nalunaarutigineqarnerat qinersinermut siulersuisunut tunniunneqassapput kingusinnerpaamik februaarip ulluisa 18-anni 2025 nal.12.00. Qinersinermut inatsimmi § 14-17 naapertorlugit inuit qinersisinnaatitaasut kommunalbestyrelsimut qinigassanngortissinnaapput partii sinnerlugu, ataasiakkaatut imaluunniit kattusseqatigiinni ataasiakkaatut. Partiip avataani qinigassanngortinniaraanni qinigassanngortitsillutik atsiortut ikinnerpaamik 10-t pissarsiarineqassapput. [Kommunimut qinersinermut qinigassanngortittunik nalunaaruteqarfik](https://sermersooq.fra1.digitaloceanspaces.com/wp-content/uploads/2025/01/Bilag-2B-Qinersinermi-qinigassanngortinniakkamik-Kandidatanmeldelse.pdf) [Kommunimut qinersinermut partiinik nalunaaruteqarfik](https://sermersooq.fra1.digitaloceanspaces.com/wp-content/uploads/2025/01/Bilag-2A-Partiip-qinigassanngortinniakkanik-%E2%80%93-Partilisteanmeldelse.pdf) [Partianmeldelse](https://sermersooq.gl/p/2025/01/Bilag-2A-Partiip-qinigassanngortinniakkanik---Partilisteanmeldelse.pdf "Partianmeldelse") [kandidatmeddelelse](https://sermersooq.gl/p/MOLIRIMEDIA/69c10090-7520-4734-7833-08de7b199fc1) ### Kommunemut apriilip aallaqqaataani qinigassanngortittut aqqi Apriilip aallaqqaataani kommunemut qinigassanngortittut aqqi saqqummiunneqarput ataani takukkit. [Kommunalvalg 2025: Opstillede kandidater](https://sermersooq.gl/MOLIRIPAGE/bfe05227-d22a-4db7-a60a-66301eba351d) ### Qinersiviit Kommuneqarfik Sermersuumi qinersiviit aamma qinersinermi aqutsisunik nalunaarsuiffik ### Allakkatigut qinersineq Martsip 31-ani nal. 15.00-ip tungaanut allakkatigut qinersisinnaavutit, Innuttaasunik Kiffartuussivimmi. (Eqqaamallugu qinersiartorninni kinaassutsimut uppernarsaammik nassassagavit) ### Qinersinermi allagartarsuarnik ikkussuineq [Opsætning af valgplakater](https://sermersooq.gl/MOLIRIPAGE/dfdd2a1a-9d4c-441a-ba4f-315f0973e5d0) ## Nunaqarfinnut aqutsisunut aammalu Ilagiit sinniisaannut qinersineq Kommunimut qinersinermut atatillugu Nunaqarfinnut aqutsisunut aammalu Ilagiit sinniisaannut ulloq 1. apriili 2025 aamma qinersisoqarumaarpoq. **Nunaqarfinnut aqutsisunut qinigassanngortittut:** - [Kulusuk, Tiilerilaaq aamma Isertoq](https://sermersooq.fra1.digitaloceanspaces.com/wp-content/uploads/2025/03/Kandidater-til-bygdebestyrelserne-2025-Kulusuk-Tiilerilaaq-og-Isertoqv2.pdf) - [Arsuk](https://sermersooq.fra1.digitaloceanspaces.com/wp-content/uploads/2025/03/Kandidater-til-bygdebestyrelserne-2025-Arsuk.pdf) - [Kuummiit aamma Sermiligaaq](https://sermersooq.fra1.digitaloceanspaces.com/wp-content/uploads/2025/03/Kandidater-til-bygdebestyrelserne-2025-Kuummiit-og-Sermiligaaq.pdf) - [Qeqertarsuatsiaat aamma Kapisillit](https://sermersooq.fra1.digitaloceanspaces.com/wp-content/uploads/2025/03/Kandidater-til-bygdebestyrelserne-2025-Qeqertarsuatsiaat-og-Kapisillit.pdf) **[Kommuneqarfik Sermersuumi ilagiit sinniisaannut taasinertaqanngitsumik qinersineq](https://sermersooq.gl/kl/2025/03/17/kommuneqarfik-sermersuumi-ilagiit-sinniisaannut-taasinertaqanngitsumik-qinersineq/)** [Nunaqarfinnut aqutsisunut qinigassanngortittunik nalunaaruteqarfik](https://sermersooq.fra1.digitaloceanspaces.com/wp-content/uploads/2025/01/Bilag-2D-Qinersinermi-qinigassanngortinniakkamik-Kandidatanmeldelse-Bygdebestyrelsesvalg.pdf) (Ulloq kingulleq nalunaaruteqarfissaq 18. marts 2025 nal. 12). [Ilagiit sinniisaannut qinigassanngortittunik nalunaaruteqarfik](https://sermersooq.fra1.digitaloceanspaces.com/wp-content/uploads/2025/02/M-01-Kandidatanmeldelse-2025.pdf) (Ulloq kingulleq nalunaaruteqarfissaq 4. marts 2025 nal. 12). [Nunaqarfinnut aqutsisunut qinersinermut partiinik nalunaarut](https://sermersooq.fra1.digitaloceanspaces.com/wp-content/uploads/2025/01/Bilag-2C-Partiip-qinigassanngortinniakkanik-%E2%80%93-Partilisteanmeldelse-Bygdebestyrelsesvalg.pdf) ## Qinersisinnaatitaaneq Inatsisartunut qinersisinnaassaguit qinersinissamut pisinnaatitaallutillu qinersinermut allattorsimaffimmi allassimassaatit. Qinersisinnaatitaavutit taamaalillutillu taasinissamut pisinnaatitaassaatit: 1. Qallunaatut innuttaassuseqaruit, 2. 18-inik ukioqalereersimaguit 3. qinersinissaq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimaguit, aamma 4. Nammineersinnaassusiiagaasimassanngikkuit Inuit, najugaqarnermik piumasaqaat imm. 3-miittumik naammassinninngitsut, immikkut ittumik qinnuteqaateqarnikkut qinersisinnaatitaaneq attatiinnarsinnaavaat. Tamanna atuuppoq inunnut, piumasaqaatit sinnerinik naammassinnittunut, Kalaallit Nunaanni ukiuni marlunni nuunnginnermi inuit allattorsimaffiannut nalunaarsimasut aammalu Kalaallit Nunaata avataani tulliuttut peqqutigalugit najugaqartut: a) ilinniagaqarlutik Kalaallit Nunaata avataaniittut b) Inuit nakorsap innersuussinera malillugu peqqissutsimut tunngasunik pissuteqarlutik Kalaallit Nunaata avataaniittut c) Kalaallit Nunaanni qinigaallutik folketingimi ilaasortatut suliaqarnerminnut atatillugu Danmarkimiittut d) Namminersorlutik Oqartussanut sinniisuullutit Kalaallit Nunaata avataaniikkuit e) Kalaallit Nunaata avataaniittut aammalu Kalaallit Nunaannut attuumassuteqarnikkut 1-4-mi taaneqartunut sanilliunneqarsinnaasut Katissimallutik inooqatigiittut, Kalaallit Nunaata avataaniittut makkuninnga peqquteqartut a)-e), taamatuttaaq qinersisinnaatitaapput, piumasaqaatit sinneri naammassisimagunikkit. Katissimanatik inooqatigiittut aappariillutik inooqatigiittunut sanilliunneqassapput aallannginnerminni aappariinnermut assingusumik inooqatigiilersimagunik. Kalaallit Nunaanni aalajangersimasumik najugaqartuusimanngikkuit, kisiannili qulaani piumasaqaatit naammassisimallugit, taava taasisinnaatitaanerit attatiinnarniarlugu taasisinnaasut allattorsimaffiannut ilanngunneqarnissat qinnutigissavat. Taamatut iliorsinnaavutit **[immersugassap uuma](https://sermersooq.fra1.digitaloceanspaces.com/wp-content/uploads/2025/02/Anoegning-om-optagelse-paa-valglisten.pdf)** immersorneratigut, taannalu uunga nassiunneratigut valg@sermersooq.gl. Qinersisinnaatitaasut allattorsimaffiannut ilanngunneqarnissamut qinnuteqarfissaq kingulleq tassaavoq **februaarp 17-iat 2025** ## natsisartunut qinersinissamut qinigassanngortittut Inatsisartunut qinersineq 2025 Qinersinermut Ataatsimiititaliap ullumikkut 21. februar 2025 ataatsimiinnermini, 11. marts 2025 Inatsisartunut qinersinissamut qinigassanngortittut ataani allassimasut inaarutaasumik akuersissutigivai. [læs mere her](https://sermersooq.gl/MOLIRIPAGE/d31151bd-9345-48a2-b2a2-0f2f1aaae2f2) ## Qinersiviit Kommuneqarfik Sermersuumi qinersiviit aamma qinersinermi aqutsisunik nalunaarsuiffik [**uani takusinnaavat**.](https://sermersooq.fra1.digitaloceanspaces.com/wp-content/uploads/2025/02/Oversigt-over-afstemningssteder-og-ledere.pdf) Nuummi qinersivik ataasinnaassaaq, tassaallunilu Nuummi illorsuaq timersortarfik (Godthåbhallen). [Valgsteder](https://sermersooq.gl/MOLIRIPAGE/533653ba-84d0-4ad6-b856-d8b0d55f4cd3) ## Allakkatigut qinersineq Martsip qulingani nal. 15.00-ip tungaanut allakkatigut qinersisinnaavutit, Innuttaasunik Kiffartuussivimmi. (Eqqaamallugu qinersiartorninni kinaassutsimut uppernarsaammik nassassagavit) ## Angerlarsimaffimmit allakkatigut qinersineq Napparsimanerit imaluunniit pitsorlunnerit pissutigalugu 2025-mi marsip ulluisa 11-anni qinersivimmukarlutit qinersisinnaanngikkuit taava taarsiullugu illit angerlarsimaffinniit qinersinissat qinnutigisinnaavat. Angerlarsimaffinniit allakkatigut taasinissat oqarasuaatikkut saaffiginninnikkut qinnutigisinnaavat uunga 36 79 00, kingusinnerpaamik marsip ulluisa 10-ni nal. 12.00 ## Pitsorluttunut innarluutilinnullu ingerlatsineq Ullormi taasivimmi marsip ulluisa 11-anni qinersivimmut biiliunneqarnissaq inunnut innarluutilinnut pitsorluttunullu neqeroorutigineqarpoq. Biiliutsinnissamik inniminniinissamut attavissat: - Paamiut 49 92 77 - Tasiilaq 59 82 15 - Nuuk 28 32 82 - Ittoqqortoormiit 36 78 70 ## Qinersinermi Nuummi bussit akeqanngitsut Martsip aqqarngani 2025, Inatsisartunut qinersinermut atatillugu qinersivimmut qinersivimmiillu akeqanngitsumik bussertoqarsinnaassaaq. Bussit angallannermut pilersaarutaat PDF-inngorlugu aaneqarsinnaavoq linkimi uani: https://sermersooq.fra1.digitaloceanspaces.com/wp-content/uploads/2025/03/Valgbus-2025.pdf [Valgbus 2025](https://sermersooq.gl/p/MOLIRIMEDIA/5653fc65-5e19-42d2-7452-08de7b199fc1) ## Qinersinermi allagartarsuarnik ikkussuineq [Opsætning af valgplakater](https://sermersooq.gl/MOLIRIPAGE/dfdd2a1a-9d4c-441a-ba4f-315f0973e5d0) ## Partiit aamma qinigassanngortittut nalunaarutiginerinut killigititaq ### **Partiimik nutaamik nalunaaruteqarneq** Partiit, ullormi qinersiviusumi Inatsisartuni ilaasortaatitaqanngitsut, aammalu qinersinissamut qinigassanngortitsinissamik kissaateqartut, qinersisinnaasunit atsiornernik 856-nik katersissapput qinersineq pillugu inatsimmi § 12, imm. 3 naapertorlugu. Partiimik nalunaaruteqarneq qinersinermi ataatsimiititaliamut tunniunneqassaaq aammalu qinersisartut atsiornerinik, partiimik nalunaaruteqartunik, imaqassalluni. Uppernarsaatitut allakkami ilanngullugit nalunaarutigineqartassapput qinersisartup aqqi tamakkiisut, ulloq inunngorfia sumilu najugaqarnera aammalu qinersisartumit namminermit atsiugaallutillu ulluligaasimassallutik. Taakkua saniatigut uppernarsaatitut allakkami ilanngullugu allassimasassaaq qinersisartup Inatsisartunut qinersisinnaanermut piumasarineqartunik naammassinnissimanera pillugu inuit aqqinik nalunaarsuiffimmi pineqartumi pisortaasup uppernarsaataa atsiugaq. Uppernarsaatitut allakkat nalunaarutiginninneq ukiumik ataatsimik sinnerluguluunniit sioqqullugu allanneqarsimasut naatsorsuutigineqarsinnaanngillat. Taamaapportaaq partii ataaseq sinnerlugu nalunaarutiginninnermi qinersisartut uppernarsaatitut allagaannut tunngatillugu. [**Partiimik nutaamik nalunaarutiginninnermi immersugassaq**](https://sermersooq.fra1.digitaloceanspaces.com/wp-content/uploads/2025/02/Form-L-03-Anmeldelse-af-nyt-parti-til-deltagelse-i-valg-til-Inatsisartut.pdf) Kommunimut qinigassanngortittut nalunaarutigineqarnerat qinersinermut siulersuisunut tunniunneqassapput **kingusinnerpaamik 11. februar 2025.** ### **Partii sinnerlugu qinigassanngortittut** Partiit qinigassanngortitaannik nalunaarutit qinersinermi siulersuisunut tunniunneqassapput **kingusinnerpaamik 18. februar 2025 nal. 12.00.** Partii ataaseq amerlanerpaamik marloriaataanik qinigassanngortitsisinnaavoq, taakku qinersinermut inatsimmi § 14, imm. 2 naapertorlugu qinerneqartussanik. Tassa imaappoq, partii ataaseq amerlanerpaamik 62-inik qinigassanngortitsisinnaavoq. Qinigassanngortittoq ataaseq partiimut ataasiinnarmut qinigassanngortissinnaavoq, aamma qinigassanngortittoq ataaseq ataatsikkut partiimut qinigassanngortissinnaanngilaq aamma kisimiilluni qinigassanngortissinnaanngilaq. [**Partiit qinigassanngortittut pillugit nalunaarutaannik immersugassaq**](https://sermersooq.fra1.digitaloceanspaces.com/wp-content/uploads/2025/02/Form-L-02-Partilisteanmeldelse-til-valg-til-Inatsisartut.pdf) ### **Partiip avataani qinigassanngortittut** Qinigassanngortittunik nalunaarutit, partiit avataanut qinigassanngortittut, qinersinermi siulersuisunut tunniunneqassapput **kingusinnerpaamik 18. februar 2025 nal. 12.00.** Qinigassanngortittunik nalunaarut kisimiilluni qinigassanngortittumut imaluunniit kattusseqatigiilluni qinigassanngortittunut tunngasut pisinnaapput. Qinigassanngortittunik nalunaarut qinersisinnaatitaasunit ikinnerpaamik 40-nit atsiorneqarsimassaaq. Atsiornerit nalunaarummi namminermi issinnaapput taassumaluunniit assilineraniissinnaallutik. Aamma qinigassanngortittunut nalunaarummi paasissutissanik allassimasoqassaaq qinigassanngortittup aqqa, inuuia najugaalu. Qinigassanngortitsisut ilaat ataaseq nalunaarut pillugu qinigassanngortitsisut tamaasa sinnerlugit saaffiginnissuteqarfigineqarsinnaasutut allassimassaq. [**Partiit avataanit qinigassanngortittunut nalunaarut immersugassaq**](https://sermersooq.fra1.digitaloceanspaces.com/wp-content/uploads/2025/02/Form-L-01-Kandidatanmeldelse-til-valg-til-Inatsisartut-for-kandidater-som-opstiller-uden-for-partier.pdf)