---
title: "Naammagittaalliornissamut ilitsersuut"
description: "Kommunimi aalajangiinermik, sullissinermik imaluunniit ingerlataqarnermik naammaginninngikkuit innuttaasutut naammagittaalliornissamut pisinnaatitaaffeqarputit."
date: "2026-08-09"
created: "2026-08-06"
---

[Hjem](https://sermersooq.gl/)

                [Naammagittaalliornissamut ilitsersuut](https://sermersooq.gl/naammagittaalliornissamut-ilitsersuut)

# Naammagittaalliornissamut ilitsersuut

Kommunimi aalajangiinermik, sullissinermik imaluunniit ingerlataqarnermik naammaginninngikkuit innuttaasutut naammagittaalliornissamut pisinnaatitaaffeqarputit. Qanoq naammagittaalliornissannut suna pillugu naammagittaalliorniarnersutit apeqqutaavoq. Ataani naammagittaalliornernut assigiinngitsunut ilitsersuutit attaveqarfissallu takusinnaavatit:

* * *

**Aalajangiinerit sullissinerillu**Aalajangiineq, sullissineq ingerlatsinerluunniit pillugit naammagittaalliorniaruit aallaqqaammut Kommuneqarfik Sermersuumut attaveqassaatit. Allakkatigut naammagittaalliornissaq saaffiginninnivillu uppernarsaataanik toqqorsinissat innersuussutigineqarpoq, taamaasilluni suliaq pitsaanerpaamik suliarineqarsinnaassammat.

Kommunip akissutaa naammaginngikkukku, naammagittaalliornerni amerlanerni naammagittaalliorfinnut attuumassuteqartunut ingerlatitseqqiisinnaavutit. Kommunip akissutaa nalinginnaasumik qanoq kimullu naammagittaalliussanersutit pillugu paasissutissanik imaqartarpoq. Taamaattoqanngippat ilitsersuunneqarnissamut kommunimut attaveqarnissamut tikilluaqqusaajuaannarputit.

* * *

**Isumaginninnermut suliassaqarfik**
Utoqqarnik suliassaqarfiup, inunnut innarluutilinnut tarnimikkullu nappaatilinnut suliassaqarfimmut imaluunniit suliffeqarnermut isumaginninnermullu sullissivimmut tunngasuni aalajangiineq naammaginngikkukku naammagittaalliornissamut periarfissaqarputit. Naammagittaalliornissamut ilitsersuutit tamatigut aalajangiinermut atatillugu ilanngunneqartarpoq.

Taamatuttaaq suliassaqarfimmut aalajangersimasumut suliat pitsaassusissaata allaaserineqarnerini kommunimi suliat pitsaassusissaata allaaserineqarneri pisinnaatitaaffitillu pillugit paasissutissat takusinnaavatit.

[Utoqqarnik suliassaqarfik](https://sermersooq.gl/kl/isumaginninnermi-suliat-allaaserineqarnerat/utoqqarnut-suliassaqarfimmi-suliassanik-allaaserinninneq/)

[Inunnut innarluutilinnut aamma Tarnimikkut nappaatilinnut Immikkoortortaqarfik](https://sermersooq.gl/kl/suliassat-allaaserineqarnerat-innuttaasunut-innarluutilinnut-immikkoortortaq/)

[Suliffeqarnermut Isumaginninnermullu Sullissivik](https://sermersooq.gl/kl/suliffeqarnermut-isumaginninnermullu-sullissivimmi-suliat-pitsaassusissaata-allaaserineqarneri-2025/)

* * *

**Meeqqanut tapiissutit**Kommunip aalajangiinera isumaqatiginngikkukku tamanna Isumaginninnermi Naammagittaalliuuteqartarfimmut naammagittaalliuutigisinnaavat, aalajangiinerup tigunerata kingorna sapaatip akunneri arfinillit qaangiutsinnagit.

Attavissat:
*Isumaginninnermi Naammagittaalliuuteqartarfik*
*Imaneq 29, 1. sal*
*Postboks 689*
*3900 Nuuk*
*Oqarasuaat: 32 80 33*
*E-mail: aua@nanoq.gl*

Naammagittaalliuut immersugassaq [una aqqutigalugu nassiunneqassaaq.](https://www.sullissivik.gl/Emner/B_Sociale_forhold/Klag_til_Det_Sociale_Ankenaevn?sc_lang=kl-GL)

* * *

**Inuit allattorsimaffii**Kommunip aalajangiinera isumaqatiginngikkukku ullormit aalajangiiffiusumiit sapaatip akunneri arfinillit iluanni Kalaallit Nunaanni Rigsombudsmandimut naammagittaalliuutigisinnaavat.

Attavissat:
*Kalaallit Nunaanni Rigsombudsmandi*
*Indaleeqqap Aqq. 3*
*Postboks 1030*
*3900 Nuuk*
*Oqarasuaat: +299 32 10 01*
*E-mail: ro@gl.stm.dk*

* * *

**Aputaajaaneq**
Kommunip angallaffiusuni tamani, soorlu aqqusinerni, pisuinnaat aqqutaanni tummeqqanilu aputaajaasarneq siorarterinerlu isumagisarpai. Illumik piginnittut aamma attartortitsisartut inissiaatigisamik eqqaat akisussaaffigivaat.

Uani paasisaqarnerugit:
https://sermersooq.gl/kl/aputaajaaneq-2/

* * *

**Pinerluutit**
Kommunimi atorfillip sulinerminut atatillugu pinerluttuliorneranik pasitsaassaqaruit, illit – pinerlunnerit allat assigalugit – politiinut nalunaarutigissavat.

* * *

**Pasinapiluttunik kalerriisoqarsinnaatitaaneq**Kommuneqarfik Sermersooq pisortatut oqartussatut akisussaaffilittut ammasuunermik ersarissuunermillu siuarsaarusuppoq. Taamaattumik pasinapiluttunik kalerriisartoqarsinnaatitaanermik peqarpugut, tassani innuttaasut, atorfillit aamma suleqatigisartakkat toqqissisimasumik aamma – kissaatigigunikku – kinaassutsimik isertuussillutik pissutsit ilungersunartut pillugit nalunaarutiginnissinnaapput.

Nalunaarutiginninnerit eqqartuussissuserisunik attuumassuteqanngitsunit aamma pasinapiluttumik kalerriisunik illersuineq pillugu inatsit (Inatsisartut inatsisaat nr. 32, 4. juuni 2024-meersoq) naapertorlugu suliarineqartarput.

***Suut nalunaarutigisinnaavigit?***Pissutsit imaattut nalunaarutigisinnaavatit:

- Aningaasatigut pinerlunneq (ass. akiliilluni akuersititsineq, peqquserlunneq, peqquserlulluni allagaasiorneq)
- Pissaanermik imaluunniit nukissanik atornerluineq
- Avatangiisinut malittarisassanik imaluunniit isumannaatsumik sulinissamik annertuumik unioqqutitsineq
- Timikkut nakuuserneq, siorasaarineq imaluunniit kinguaassiutitigut kannguttaatsuliorneq
- Assigiinngitsitsineq aamma naligiissitaaneq pillugu inatsimmik annertuumik unioqqutitsineq

***Suut nalunaarutigisinnaanngiligit?***Pasinapiluttunik kalerriisoqartarneq pissutsinut ilungersunartunut aamma inuiaqatigiinnut pingaarutilinnut taamaallaat atugassiaavoq.

Uku pillugit nalunaarutiginninnermut atorneqassanngilaq:

- Inuttut isumaqatigiinnginnerit imaluunniit aaqqiagiinnginnerit
- Suleqatigiuminaassuseq
- Sullinneqarneq imaluunniit sullissineq pillugu naammagittaalliorneq
- Aningaasarsiat, takkutinngitsoornerit imaluunniit sulinermi piffissaq pillugit isumaqatigiinnginnerit
- Suliffimmi ajornartorsiuteqarnerit nalinginnaasut

Allatut ittumik naammagittaalliuutissaqaruit uunga allassinnaavutit:

[**kommuneqarfik@sermersooq.gl**](mailto:kommuneqarfik@sermersooq.gl)

Saaffiginnissutit tigugutsigu tiguneranut uppernarsaassaagut aamma kommunimi immikkoortumut eqqortumut naammagittaalliummik suliarinnittussamut ingerlateqqinneqarnissaa suliarissavarput.

***Pasinapiluttumik kalerriinernik suliaqarneq***Pasinapiluttumik kalerriinerit qanoq suliarineqassava?

- Nalunaarutiginninnerit tiguneqarpat uppernarsaammik pissaatit
- Attuumassuteqanngitsumit suliaqartumit nalilersorneqassaaq misissorneqarlunilu
- Suliami pisariaqartinneqarpat inernerit oqartussanut attuumassuteqartunut saqqummiunneqassapput.

Ajunngitsumik isumaqarlutit nalunaarutiginnikkuit ajortumik kinguneqartitsisoqarnissaanut illersugaavutit, aamma kinaassutsimik isertuussisuuguit.

***Apeqqutissaqarpisi?***Iserfissaq aqqutigalugu annertunerusumik atuarsinnaavutit imaluunniit Kommuneqarfik Sermersooq attavigisinnaavat qanoq ingerlariaqqinnissamut arlaannik nalornissuteqaruit.

[Whistleblowerportalen-imut linki](https://whistleblower.gl/sermersooq/)

* * *

**Naammagittaalliuutigerusutat allattorsimaffimmi ilaanngila?**Qulaani allattorsimaffimmi ilaanngitsumik naammagittaalliuutissaqaruit uunga allassinnaavutit:

kommuneqarfik@sermersooq.gl

Saaffiginnissutit tigugutsigu tiguneranut uppernarsaassaagut aamma kommunimi immikkoortumut eqqortumut naammagittaalliummik suliarinnittussamut ingerlateqqinneqarnissaa suliarissavarput.

## Attaviguk: Pisortaqatigiit Allatseqarfiat

Kommuneqarfik Sermersooq  Pisortaqatigiit Allatseqarfiat Kuussuaq 2  3900 Nuuk

### Ring til os

[+299 36 70 00](tel:+299%2036%2070%2000)

### Skriv til os

[E-mail](mailto:kommuneqarfik@sermersooq.gl)

### Bemærk

                            Akiligassanut GLN-normu: 5790002292064