---
title: "Innarluutillit pillugit politikki"
date: "2026-07-14"
created: "2026-07-14"
---

[Saqqaa](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Politikkit](https://sermersooq.gl/kommuneqarfik-sermersooq-pillugu/politikkit)

                [Innarluutillit pillugit politikki](https://sermersooq.gl/kommuneqarfik-sermersooq-pillugu/politikkit/innarluutillit-pillugit-politikki)

# Innarluutillit pillugit politikki

[Inuit innarluutillit pillugit politikki 2024-2028](https://sermersooq.fra1.digitaloceanspaces.com/wp-content/uploads/2024/05/28083949/Handicappolitik-KAL-compressed.pdf)

                            [Inunnut innarluutilinnut tarnimikkullu nappaatilinnut suliassat allaaserineqarnerat 2024](https://sermersooq.gl/MOLIRIPAGE/89f481b1-6266-452a-b201-308f8eb2bb92)

## Siulequt

Nuannaarutigalugu Kommuneqarfik Sermersuup inunnut innarluutilinnut politikkia saqqummiupparput. Politikkimi kommunimi inuit innarluutillit pillugit ungasinnerusoq eqqarsaatigalugu ineriartortinnissaat pillugit uagut qinikkatut immikkut isummersuutivut anguniakkavullu aalajangersarneqarput.

Politikkimi takorloorneqarpoq, kommune kikkunnulluunniit najugarissallugu inuuffigissallugulu pitsaasuussasoq, toqqissisimanartoq pissarsiaqarfiusorlu. Imaappoq, innuttaasut piginnaanikillisimasut – innuttaasut allat assigalugit – innuttaasutut ataqqineqarneq misigissavaat aamma inuiaqatigiinni inuunermi peqataatinneqarnissaq periarfissarissavaat. Aamma imaappoq, kommunimi immikkoortortat tamarmik innuttaasut innarluutillit namminneq immikkoortortaminni pisinnaatitaaffii ilanngullugit, aammali avataaniit suleqatigisat oqaloqatigisarneranni eqqarsaatigissagaat.

Inuit innarluutillit pillugit politikki 2017-imi Kommunalbestyrelsimit akuersissutigineqarpoq, manna tikillugu suliniutinut inunnut innarluutilinnut tunngasunut sammiviliisuusoq. Inuit innarluutillit pillugit politikki nutarterparput qulakkeerlugulu, ineriartornermut malinnaassasoq, suliassaqarfimmi ukiuni kingullerni malugisimasatsinnut. Ilaatigut Inuit innarluutillit tapersersorneqarnissaannut Inatsisartut inatsisaat nutaaq 2019-imi akuersissutigineqarpoq, taassumalu kingunerisaanik inuk innarluutilik qanoq nassuiarneqassanersoq pillugu amerlasuunit paasineqarsinnaanngorpoq taamaasillunilu suliniuteqarfinnut sullitat amerlanerulerlutik.

Inuit innarluutillit pillugit politikki tunngaviit pingaarnerit naleqartitallu siulianeersut assigalugit suliaavoq. Ukkatarineqartussanik anguniagassanillu nutaanik aalajangersaavugut, inuit innarluutillit amerlassusaannut naleqquttunik peqatigitillugulu ataatsimoorussatut akisussaaffiit oqartussaaffiillu akimut suleqatiginerat qanoq pingaaruteqartigisoq saqqummiunneqarluni. Inuit innarluutillit pillugit politikki aqqutigalugu ataatsimoorussamik isaaffiliorpugut, tassanngaanniit kommunimi inunnut innarluutilinnut tunngasut ineriartortissagatsigit. Inuit innarluutillit pillugit politikki suliniutinut aalajangersimasunut arlalinnut aallaaviussaaq, taakkulu tulliuttumi inuit innarluutillit pillugit immikkoortumut pilersaarummi aalajangersarneqassapput.

Innuttaasut peqataatinneqarnissaat pingaartittorujussuuarput, ataqatigiinnermik misigilersitsisarmat aammalu innuttaasut, kommunip qinikkallu akornanni ungasissutsimik annikinnerulersitsisarluni. Taamaattumik inuit innarluutillit pillugit politikkip suliarinerani peqataatitsinerulluni suliamik ingerlatsinissaq aallaavigineqarpoq, innuttaasunik ataatsimiititsisarneq, inuit innarluutillit pillugit siunnersuisooqatigiinnik oqaloqateqartarneq tamanullu tusarniaaneq aqqutigalugit. Innuttaasut, peqatigiiffiit sulisullu politikkimut immersueqataasut qutsavigaavut.

## Attavigiuk: Suliffeqarnermut Isumaginninnermullu Ingerlatsivik

Kommuneqarfik Sermersooq  Velfærd og Arbejdsmarked  Kuussuaq 2  3900 Nuuk

### Sianerit

[+299 36 76 00](tel:+299%2036%2076%2000)

### Uagutsinnut allagit

[E-mail](mailto:si@sermersooq.gl)

### Eqqaamassatut allagaq

                            Akiligassanut GLN-normu: 5790002422171

[Se alle afdelinger](https://sermersooq.gl/MOLIRIPAGE/4f988ca6-848a-4323-9714-d916e1104cfc "Se alle afdelinger")