---
title: "Teriannianik piniarneq – ukiaq 2026"
description: "Eqqaamallugu septembarip 15-ianiit terianniat pisarineqarsinnaapput Maanna Nuummi Paamiuni kitaanilu nunaqarfinni terianniat piniagaanerannut peqataasoqarsinnaammat."
date: "2026-10-09"
created: "2026-10-09"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Teriannianik piniarneq – ukiaq 2026](https://sermersooq.gl/kommuneqarfik-sermersooq-pillugu/nutaarsiassat-2/teriannianik-piniarneq-ukiaq-2026)

# Teriannianik piniarneq – ukiaq 2026

**Eqqaamallugu Nuummi, Paamiuni aamma kitaani nunaqarfinni terianniarneq septembarip 15-iani aallartimmat.**

Nuup aamma Paamiut eqqaanni teriannissat amerlassusaannut atasumik septembarip 15-ianiit terianniarniartoqarsinnaavoq. Innuttaasut inuussutissarsiutigalugu imaluunniit sunngiffimmi piniarnermut atuuttumik allagartallinnit terianniaq pisarineqartoq ilivitsuutillugu 375 koruuninik akissarsissutigalugu kommunimut tunniunneqarsinnaavoq.

Imatut terianniaq tunniunneqassaaq:

- Terianniaq tigooraavimmi sulisumut tunniunneqassaaq
- Terianniaq ilivitsuussaaq igitassanullu puussiamik poorneqarsimassaaq
- Tulliullugu tunniussinermut uppernarsaat sulisumit immersorneqassaaq
- Kingorna piniartup uppernarsaatini immikkoortortap allaffianut saaffiginnissutigissavaa

**Ukunani terianniat tunniunneqarsinnaapput:**

**Illoqarfiit:**

Terianniaq tigooraavimmi sulisumut tunniunneqassaaq. Terianniaq ilivitsuussaaq igitassanullu puussiamik poorneqarsimassaaq. Terianniaq sulisumit igitatut ikuallanneqarsinnaasutut ikuallaavimmi ikuallatassatut nassiunneqarnissaa isumagineqassaaq. Tunniussinermut uppernarsaat sulisumit immersorneqassaaq kingornalu piniartup uppernarsaatini immikkoortortap allaffianut saaffiginnissutigissavaa.

Nuummi: Eqqagassalerivik.

Paamiuni: Kommunip allaffiani ingerlatsinermut avatangiisinullu immikkoortortami.

**Nunaqarfinni:**

Piniartoq terianniartami tunniunnissaanut sulisut aqutsisuannut saaffiginnissaaq. Terianniaq ilivitsuussaaq igitassanullu puussiamik poorneqarsimassaaq. Sulisut aqutsisuata terianniaq igitatut ikuallanneqarsinnaasutut, ikuallaavimmut umiarsuakkut nassiunneqartussanngorlugu isumagissavaa. Sulisut aqutsisuannit tunniussinermut uppernarsaat immersorneqassaaq, kingornalu piniartup kommuneqarfiup allaffianut tunniussinermut uppernarsaatini saaffiginnissutigissavaa.

**Teriannianik piniarneq pillugu annerusumik atuarsinnaavutit tulliuttoq toorlugu:**

[Terianniat piniagaanerat](https://sermersooq.gl/innuttaasunut/sunngiffik-amma-piorsarsimassuseq/piniarneq-amma-aalisarneq/terianniat-piniagaanerat "Terianniat piniagaanerat")

**Akigititat tulliluttoq toorlugu takukkit:**

[Missigersuutit akititallu](https://sermersooq.gl/kommuneqarfik-sermersooq-pillugu/missingersuutit-akigititallu "Missigersuutit akititallu")

        ![](https://sermersooq.gl/i/MOLIRIMEDIA/d6a517cb-7ef9-4124-acab-4746c429146b?width=800)