---
title: "Tasiilap tsiunitsaa ilusilertsueralaappiiniaa"
description: "Tasiilaq ugiini akkerdini qaner inerngiardorneratsava? Ilinnud kisi pingaarduua, Dunumilu inuuniarner pitsaasuutsappad kisi pilaajararpa?"
date: "2026-11-13"
created: "2026-11-13"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Tasiilap tsiunitsaa ilusilertsueralaappiiniaa](https://sermersooq.gl/kommuneqarfik-sermersooq-pillugu/nutaarsiassat-2/tasiilap-tsiunitsaa-ilusilertsueralaappiiniaa)

# Tasiilap tsiunitsaa ilusilertsueralaappiiniaa

Tasiilaq ugiini akkerdini qaner inerngiardorneratsava? Ilinnud kisi pingaarduua, Dunumilu inuuniarner pitsaasuutsappad kisi pilaajararpa?

Iddorarpimmud perngiusitsiakkud 2036-i duaani iddorarpila inerngiardordinnerarnitsaanud tsiunnerpeeralingiinniitsaor aamma udduinnarni pitsaalimi inuunerarnitsamud, alaatsimuutsuserarnitsamud pilerditsitsaddini aamma ilaasingi initsiani, addaveraasertsuulini, ilinniarpitsani, inuutsulitsartsiilini, kulturilernginermi aamma isumatsornermi nulaani piiarpitseeralaatsaddini.

Inuddaasuni, najukkami tsoruliilararalingiinni aamma kommunimi tsulisuni oralivaralinginninnii aaddardinnerardarngaarpud, daamaaserdila pilaajarardinnerardini, ajernardortsiilaalardini, isimatsartsiaalardini aamma piiarpitsani Tasiilamud aamma nunararpiinud tsunniilerardardini paasilararpiisinnaaqquddula. Oralivaralingiinnikkud tsiunnertsuulid pitsartsiavud miitsivinitsaddinnud apeqquseernitsamud dunngaviliippud, iddiddaar peralaanitsannud qaaqquatsi.

Miitsivinermi apeqqulid alerdungu annerduliilimi aamma tsammiviliinermiddi paaserngusupparpud, Tasiilaq iddorarpisud inerngaardordinnerarnerngani kisi tsaddiinneratsanertsi. Apeqqulid akitsavalid: [Tasiilaq 2036 | Kommuneqarfik Sermersooq](https://kommuneqarfiga.sermersooq.gl/kl-GL/projects/tasiilaq-2036)

**Tasiilap siunissaa ilusilersueqataaffigiuk**

Tasiilaq ukiuni aggersuni qanoq ineriartortinneqassava? Ilinnut suna pingaartuua, Tunumilu inuuniarneq pitsaasuussappat suna pisariaqarpa?

Tasiilaq pillugu illoqarfimmut periusissiaq nutaaq Kommuneqarfik Sermersuumi suliarineqaleruttorpoq. Illoqarfimmut periusissiakkut 2036-p tungaanut illoqarfiup ineriartortinneqarnissaanut siunnerfileeqatigiinnerussaaq aamma ulluinnarni pitsaasumik inuuneqarnissamut, ataatsimuussuseqarnissamut pilersitsissalluni ilaatigullu inissianik, attaveqaasersuutinik, ilinniarfissanik, inuussutissarsiutinik, kulturilerinermik aamma tungiueriaatsinik nutaanik periarfisseeqataassalluni

Inuttaasunik, najukkami soqutigisaqaqatigiinnik kommunimilu sulisunik oqaloqatiginninnerit aallartisarneqareerput, taamaalilluta pisariaqartinneqartunik, ajornartorsiutaasartunik, isumassarsiaasartunik periarfissanillu Tasiilamut nunaqarfiinullu sunniutaasartunik paasisaqarfiginnissinnaaqqulluta. Oqaloqatiginninnitsigut siunnersuutit pissarsiagut misissuinissatsinnut apeqqusiornissamut tunngavissiipput, illillu peqataanissannut peqatiseraatsigit.

Misissuinermi apeqqutit atorlugit annertunerusumik sammiviliinerusumillu paaserusupparput, Tasiilaq illoqarfittut ineriartortinneqarnerani suut salliunneqassanersut. Apeqqutit akikkit: [Tasiilaq 2036 | Kommuneqarfik Sermersooq](https://kommuneqarfiga.sermersooq.gl/en/projects/tasiilaq-2036)