---
title: "PIKIALAARFIK AALLARTIPPOQ - PEQATAAGIT!"
description: "Sapaatip akunnera tamakkerlugu assigiinngitsorpassuarnik misigisaqarnissamut periarfissaqarpoq"
date: "2026-10-19"
created: "2026-10-19"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [PIKIALAARFIK AALLARTIPPOQ - PEQATAAGIT!](https://sermersooq.gl/kommuneqarfik-sermersooq-pillugu/nutaarsiassat-2/pikialaarfik-aallartippoq-peqataagit)

# PIKIALAARFIK AALLARTIPPOQ - PEQATAAGIT!

Meeqqat inuusuttuaqqallu kulturikkut sapaatip akunnerat PIKIALAARFIK ullumi aallartippoq

📅 19.-23. oktober 2026
📍 Katuaq, Nuuk

Sapaatip akunnera tamakkerlugu assigiinngitsorpassuarnik misigisaqarnissamut periarfissaqarpoq!

- Eqqumiitsulianik saqqummersitsineq aamma kiinnakkut qalipatsinneq
- Atisalianik takutitsineq
- Nipilersorneq, tusarnaartitsinerit aamma qitinneq
- Inngerneq aamma uaajeerneq
- Kalaallisuut pillugit sammisaqarneq aamma sapakkerineq
- Oqaluttuarneq, taallanik atuarneq aamma filminik takutitsineq

 Meeqqat inuusuttuaqqallu tamarmik inissaqartinneqarput!

Pikialaarfik tassaavoq ataatsimoorneq, nutaaliorneq, kulturitsinnik kingornussatsinnik ilisimasaqarnerulerneq aammalu piginnaasatsinnik takutitsinissamut periarfissaq.

Allunnguaq, sunngiffimmi atuartitsineq, nipilersornermik ilinniarfik, fritidsklubbit kiisalu suleqatigisagut peqatigalugit meeqqat inuusuttuaqqallu assigiinngitsut ataatsimoortippagut.

 UNAMMISITSINEQ - ATEQ LOGOLU NASSAARIKKIT!

Meeqqat inuusuttuaqqallu 9-21-nik ukiullit kulturikkut sapaatip akunnerata siunissami atissaanik logossaanillu siunnersuuteqarnissamut qaaqquagut!

- Takorluuisinnaassutsit atoruk, isumassarsiatillu takutikkit!
- AirPodsinik pinnannissamut periarfissaqarputit!
- Siunnersuutit Katuami unammisitsinissamut nakkartitsivimmut kingusinnerpaamik tallimanngornermi 23. oktober tunniuguk.
Ateq, ukiut aammalu mobilnummeri attavigineqarsinnaasoq ilanngunnissaat eqqaamallugu.

PEQATAAGIT - PILERSITSIGIT - MISIGISAQARLUTILLU!

Kommuneqarfik Sermersooq aamma Katuaq suleqatigiillutik Pikialaarfik aaqqissuuppaat.

![](https://sermersooq.gl/i/MOLIRIMEDIA/ca0a48ce-8d61-41ed-b871-b471c0dcf071?width=800)

![](https://sermersooq.gl/i/MOLIRIMEDIA/0b4582b6-84cd-48bf-a1a9-d75de00005e5?width=800)