---
title: "Nuummi ukiaanerani igitanik angisuunik katersineq"
description: "Ataasinngornermiit 5. oktobari tallimanngorneq 16. oktobari 2026 ilanngullugu najugaqarfippit eqqaanut eqqagassat angisuut aatinnissaanut periarfissaqaqqilerputit. Aallertitsisinnaavutit taamaallaat kommunimi eqqagassalerinermi aaqqissuussamut nalunaarsim"
date: "2026-09-21"
created: "2026-09-21"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Nuummi ukiaanerani igitanik angisuunik katersineq](https://sermersooq.gl/kommuneqarfik-sermersooq-pillugu/nutaarsiassat-2/nuummi-ukiaanerani-igitanik-angisuunik-katersineq)

# Nuummi ukiaanerani igitanik angisuunik katersineq

![](https://sermersooq.gl/i/MOLIRIMEDIA/45a1f1d6-bd0b-4227-9e69-1da875173852?width=800)

Ataasinngornermiit 5. oktobari tallimanngorneq 16. oktobari 2026 ilanngullugu najugaqarfippit eqqaanut igitassat angisuut aatinnissaanut periarfissaqaqqilerputit. Aallertitsisinnaavutit taamaallaat kommunimi eqqagassalerinermi aaqqissuussamut nalunaarsimaguit.

 **Eqqaamallugu:**

- Kommuni attavigeqqaartuaannassagakku
- Igitassat angisuut weekendini imaluunniit nalliuttuni aaneqarneq ajorput
- Inimi attartortittakkami najugaqaruit igitat angisuut aaneqarnissaat pillugu illit attartortitsisorisat isumaqatigiissuteqarfigissavat
- Inuussutissarsiortunit eqqakkat, sanaartornermi eqqakkat eqqakkallu navianartut eqqakkanut angisuunut ilaatinneqanngillat. Tamakkua ikuallaaviup eqqaanut Eqqagassalerivimmut toqqaannartumik tunniunneqartassapput

 **Attavigissavatsigut aatsaat**

Igitanut angisuunut biilip igitannik aallernissaa kissaatigigukku, taava Eqqagassaleriffik oqarasuaatikkut [36 74 11](tel:36%2074%2011 "36 74 11 ") (ullut tamaasa 9-16) imaluunniit mailimut: affald@sermersooq.gl saaffigisinnaavat.

Nalunaaruteqarneq aallernissaq ullunik marlunnik sioqqullugu pissaaq. Eqqagassalerivimmut siusinaarlutit attaveqaruit aallertoqarnissaanut ulloq kissaatigisat eqquutsikkuminarnerussaaq.

 **Attavigigutsigut ukua paasissutissiissutigissavatit:**

1. Aqqit najukkallu

2. Mobil nr. aamma e-mail

3. Sunik tunniussiniarnerlutit aamma qanoq annertutigissanersut missingerlugit

**Igitat aaneqannginnerini isumagisassat:**

- Igitassat kingusinnerpaamik ulloq aallerfissaq ullumik ataatsimik sioqqullugu aqquserngup sinaanut ilineqassapput. Igitat angisuut tikikkuminartumut inissinneqassapput aamma avataaniittunut akornutaanngitsumut. Igitat angisuut najukkamit sorlermeersuuneri ersarissumik takuneqarsinnaassaaq
- Igitassat ersarissumik angisuutut iginnianngisaniit immikkoortinneqarsimassapput (assersuutigalugu sikkilit, aneerussiviit allallu)
- Igitassat isumannaatsumik poortorneqarsimassapput – ilinnut sulisutsinnullu isumannaallisaaneq eqqarsaatigalugu

 **Aallerneq pissaaq nal. 17.00-ip 20.30**-llu akornanni, ulloq aallerfissaq eqqagassalerivillu isumaqatigiissuteqarfigisimasassinni.