---
title: "Nuummi ArcticExpo ingerlanneqartuartussanngorpoq: Maanna 2027-mi piffissat sumiiffiillu inissinneqarneri tamanut saqqummiunneqarput"
description: "Marsip ulluisa 16-ianniit 18-iannut Aalborg Kongres & Kultur Centerip (AKKC) aamma Kommuneqarfik Sermersuup Nuummi ArticExpo ammassavaat – Issittumi aalisarnermut, piniarnermut nutaaliornermullu kateriffik nutaaq."
date: "2026-09-18"
created: "2026-09-18"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Nuummi ArcticExpo ingerlanneqartuartussanngorpoq: Maanna 2027-mi piffissat sumiiffiillu inissinneqarneri tamanut saqqummiunneqarput](https://sermersooq.gl/kommuneqarfik-sermersooq-pillugu/nutaarsiassat-2/nuummi-arcticexpo-ingerlanneqartuartussanngorpoq-maanna-2027-mi-piffissat-sumiiffiillu-inissinneqarneri-tamanut-saqqummiunneqarput)

# Nuummi ArcticExpo ingerlanneqartuartussanngorpoq: Maanna 2027-mi piffissat sumiiffiillu inissinneqarneri tamanut saqqummiunneqarput

Marsip ulluisa 16-ianniit 18-iannut Aalborg Kongres & Kultur Centerip (AKKC) aamma Kommuneqarfik Sermersuup Nuummi ArticExpo ammassavaat – Issittumi aalisarnermut, piniarnermut nutaaliornermullu kateriffik nutaaq.

![](https://sermersooq.gl/i/MOLIRIMEDIA/71b5a804-b250-4932-b921-57b47043a015?width=800)

Nuummi ArcticExpop upernaaq iluatsittumik ingerlateqqaarneqarnerata kingorna maanna 2027-mi marsip ulluisa 16-ianniit 18-iannut saqqummersitsineq ingerlateqqinneqassaaq. 2026-mi Arctic Expoqartitsinermi saqqummersitsisut 50-it alakkarterisullu 2300-t una ersersinneqarpoq: Nuummi aalisarneq, piniarneq nutaaliornerlu qitiutillugit uteqqiattumik saqqummersitsisoqartarnissaa pisariaqartinneqarpoq.

**ArcticExpo Issittumi kateriffik**

ArcticExpomut alakkarterisut assigiinngitsorpaaluupput; Sulisartuniit qinikkanut – taamaammat aaqqissuisut anguniagarisaattut saqqummersitsineq tamakkuninnga suliaqartutut soqutigisaqaqatigiinnut kateriffinngorpoq. Aalisartut, piniartut, Kujataani inuussutissarsiuteqartut oqimaatsunik suliaqartartut minnerunngitsumillu Inatsisartut, Avannaata Kommunia aamma Kommuneqarfik Sermersooq, ilaatigut Naalakkersuisut borgmesterillu peqataasut akornanniipput.

**Toqqammaveqarluartumik ingerlariaqqinneq**

Saqqummersitsinermi iluatsilluartumi Kommuneqarfik Sermersuup aamma AKKC-p akornanni suleqatigiinneq pingaaruteqarluinnartuuvoq. Naak AKKC 2006-imiilli Kalaallit Nunaanni saqqummersitsinernik aaqqissuussillunilu ingerlatsisaraluartoq, nunagisamiit 3000 km-imik ungasitsigisumi saqqummersitsinissamik aaqqissuussineq suliassaq ajornaatsuinnaanngilaq.

*"Kommuneqarfik Sermersuup suleqatigineqarluarnera pinngitsoorneqarsinnaanngilaq. Upernaaq ArcticExpo Inussivimmi ingerlanneqarmat suleqatigiinneq, najoqqutarineqartut iluarusunnerlu malugineqarluarsinnaapput. Toqqammaveqarluartumik ingerlariaqqinnissatsinnut tunisutullusooq ippaatigut,"* taama oqarpoq Lars Rønnov, AKKC-mi niuernermut pisortaq.

Matumanilu Kalaallit Nunaanniit, Islandimiit, Savalimmiuniit Danmarkimiillu saqqummersitsisunit ArcticExpo pillugu iluarusuutigineqarpoq. Iluarusuutigineqartorlu Qalut VÓNIN-imi pisortaasumit, Cuno Jensenimit, maluginiarneqarpoq. Ima oqarpoq:

*"Saqqummersitsineq tikilluaqqulluarneqarpoq. Alakkarterisorpaaloqarpugut alakkarterisullu saqqummersitsineq nuannaralugu takkupput. Iluarusuuteqartut malugaakka – aamma akornanni angalaarujoorninni saqqummersitsisut allat oqaloqatiginerini."*

2026-mi upernaakkut siullermeertumik Nuummi ArcticExpoqartitsinerani aaqqissuussisunit, suleqataasunit aamma saqqummersitsisunit saqqummiussisunillu taavalu alakkarterisunit toqqammavilerluarneqarsimasoq 2027-mi ArcticExpo ingerlariaqqiffigineqassaaq.

*ArticExpo ulluni 16.-18. marsi 2027-mi Nuummi Inussivimmi Kissarneqqortuunnguaq 19-imi ingerlanneqassaaq. ArcticExpo ukioq allortarlugu pisassaaq – Ilulissani PolarExpo AKKC-mittaaq aaqqissuunneqartoq ingerlanneqartussarlu inissinneqarpoq. Paasissutissat annertunerusut pisariaqartinnerini, takuuk* [*www.arcticexpo.dk*](http://www.arcticexpo.dk/) *imaluunniit ArcticExpomi tusagassiuutinut ataqatigiissaarisoq Anita Oien attavigiuk ugguuna +45 20 66 12 93.*

![](https://sermersooq.gl/i/MOLIRIMEDIA/71b5a804-b250-4932-b921-57b47043a015?width=800)

![](https://sermersooq.gl/i/MOLIRIMEDIA/97f0a297-7f96-4992-92ec-2bd41622712c?width=800)

![](https://sermersooq.gl/i/MOLIRIMEDIA/9a7d85a1-7d13-423c-a08d-7c5d8632d104?width=800)

![](https://sermersooq.gl/i/MOLIRIMEDIA/8c2d316b-87ab-4622-8bf2-e9bbf3249277?width=800)

![](https://sermersooq.gl/i/MOLIRIMEDIA/b85576ae-dc0f-4238-abdd-5daae7733ae1?width=800)