---
title: "Nunaqarfinni ulluunerani paaqqinnittarfinni aqutsisut isumasioqatigiilersut"
description: "Kommuneqarfik Sermersuumi nunaqarfippaalunni ulluunerani paaqqinnittarfinni aqutsisut isumasioqatigiissallutik Nuummi ataatsimoorput. Aqutsisut misilittakkaminnik ilisimasaminnillu avitseqatigiinnissaminnut aamma kommunip ulluunerani paaqqinnittarfiini me"
date: "2026-10-16"
created: "2026-10-16"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Nunaqarfinni ulluunerani paaqqinnittarfinni aqutsisut isumasioqatigiilersut](https://sermersooq.gl/kommuneqarfik-sermersooq-pillugu/nutaarsiassat-2/nunaqarfinni-ulluunerani-paaqqinnittarfinni-aqutsisut-isumasioqatigiilersut)

# Nunaqarfinni ulluunerani paaqqinnittarfinni aqutsisut isumasioqatigiilersut

Kommuneqarfik Sermersuumi nunaqarfippaalunni ulluunerani paaqqinnittarfinni aqutsisut isumasioqatigiissallutik Nuummi ataatsimoorput. Aqutsisut misilittakkaminnik ilisimasaminnillu avitseqatigiinnissaminnut aamma kommunip ulluunerani paaqqinnittarfiini meeqqanut atugassarititaasut pitsaasuunissaannik suliaqarnerup oqaloqatigiissutiginissaanut periarfissaqassapput.

![](https://sermersooq.gl/i/MOLIRIMEDIA/2854697d-2c75-4b6e-bde2-3a8725006445?width=800)

Isumasioqatigiinneq uani sapaatip-akunnerani pissaaq, ulluuneranilu paaqqinnittarfinni aqutsisut katersuuttut ukunannga aggerfeqarput: Isortoq, Kulusuk, Kuummiut, Sermiligaaq, Tiniteqilaaq, Arsuk, Kapisillit aamma Qeqertarsuatsiaat. Aqutsisut imminnut ilikkagaqarfiginissaanni aamma najukkaminni ulluunerani paaqqinnittarfinni aqutsinermi periarfissat unammillernartullu pillugit oqaloqatigiinneranni ataatsimoorfeqarsinnaanissaat siunertarineqarpoq.

”Uani isumasioqatigiinnermi aqutsisut naapinnissaminnut, imminnut ilikkagaqarfiginissaminnut aamma misilittakkaminnik avitseqatigiinnissaminnut periarfissaqassapput, ulluuneranilu paaqqinnittarfiutitta pitsaanerulernissaannut iluaqutaasinnaalluni. Suliat pillugit ataatsimoorluni isumassarsiorfiusinnaasumik tapersersoqatigiiffiusinnaasumillu pilersitsivoq,” ulluunerani angerlarsimaffinni paarsisartut pillugit aamma Nuup avataani ulluunerani paaqqinnittarfiit pillugit aqutsisoq, Inngeeraq Aleqa Møller oqarpoq.

“Pikkorissarninni takusinnaalerpakka nukittuffikka sanngiiffikkalu, massakkullu paasivara suut sakkussaralugit. Pissarsiannik ingerlatitseqqinnissara qilanaareqaara,” Tiilerilaami Merterdi Naaqqaviani aqutsisoq, Silpa Ignatiussen oqarpoq.

Taamatut isumasioqatigiinneq siullermeerluni aaqqissuunneqarpoq, aqutsisullu akornanni nutaanik attaveqaateqalernissamut periarfissiivoq aamma kommunip nunaqarfiini assigiinngitsuni suleqatigiinnermik pitsaanngorsaaffiusinnaalluni.

![](https://sermersooq.gl/i/MOLIRIMEDIA/2854697d-2c75-4b6e-bde2-3a8725006445?width=800)

![](https://sermersooq.gl/i/MOLIRIMEDIA/161197d5-9dae-4897-994d-43e741d84efa?width=800)

![](https://sermersooq.gl/i/MOLIRIMEDIA/12c7b80e-fc5e-47f5-916b-35e8685fe876?width=800)

![](https://sermersooq.gl/i/MOLIRIMEDIA/743705d9-ca7d-4160-899b-4aa49f63fd40?width=800)

![](https://sermersooq.gl/i/MOLIRIMEDIA/ef864f31-db6c-491b-b810-b3bb328a37c7?width=800)

![](https://sermersooq.gl/i/MOLIRIMEDIA/cd818177-5589-4e10-9f98-e9948fd24dec?width=800)

![](https://sermersooq.gl/i/MOLIRIMEDIA/1075b91a-0bb2-43a7-a1f5-880c59177f42?width=800)

![](https://sermersooq.gl/i/MOLIRIMEDIA/6f5c2a96-b31d-4353-b9b6-51f5bd3fc082?width=800)

![](https://sermersooq.gl/i/MOLIRIMEDIA/549c039d-7475-4e17-8998-c35fc9ea3647?width=800)

![](https://sermersooq.gl/i/MOLIRIMEDIA/def64fde-75cf-406d-91ff-bac295480f93?width=800)