---
title: "Najugaqatigiiffik Nasippi ulloq unnuarlu sulisoqartartoq kommunimit tiguneqarpoq"
description: "Najugaqatigiiffik ulloq unnuarlu sulisoqartartoq nakkutigisaasorlu Nasippimut akisussaaffik Kommuneqarfik Sermersuumit tiguneqarpoq. Tunniussinermi najugaqartut imaluunniit sulisut allanngunngillat."
date: "2026-10-29"
created: "2026-10-29"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Najugaqatigiiffik Nasippi ulloq unnuarlu sulisoqartartoq kommunimit tiguneqarpoq](https://sermersooq.gl/kommuneqarfik-sermersooq-pillugu/nutaarsiassat-2/najugaqatigiiffik-nasippi-ulloq-unnuarlu-sulisoqartartoq-kommunimit-tiguneqarpoq)

# Najugaqatigiiffik Nasippi ulloq unnuarlu sulisoqartartoq kommunimit tiguneqarpoq

Najugaqatigiiffik ulloq unnuarlu sulisoqartartoq nakkutigisaasorlu Nasippimut akisussaaffik Kommuneqarfik Sermersuumit tiguneqarpoq. Tunniussinermi najugaqartut imaluunniit sulisut allanngunngillat.

Nasippi ullumikkut Isumaginninnermut Aqutsisoqarfimmit ingerlanneqarpoq, ullorli 30. juuni 2026-mi Inatsisartunut Aningaasaqarnermut Akileraartarnermullu ataatsimiititamit akuersissutigineqarneratigut Naalakkersuisut neqeroorut Kommuneqarfik Sermersuumut tunniunneqassasoq aalajangerpaat. Kommunip tigusinera ulloq 2. septembari 2026-mi kommunalbestyrelsimit akuersissutigineqarpoq.

21. oktobari kommunalbestyrelsit ataatsimiinneranni Nasippi kommunip pigisaatut, ulloq unnuarlu sulisoqarluni nakkutigisatut najugaqatigiiffittut pilersinneqarnissaa akuersissutigineqarpoq taamaalilluni neqerooruteqarfik ingerlanermisut kommunip ataani ingerlaannarsinnaalerluni.

Nasippi innuttaasunut inersimasunut ineriartornermikkut akornutillit, eqqarsartaatikkut piginnaasaat annikinnerusunut imaluunniit allat assigiinngisitaartunik tapersersorneqarnissaminnut pisariaqartitsisunut neqerooruteqarfiuvoq. Innuttaasut ulluinnarni piginnaasaannik ineriartortitsinissaannut attassinissaannullu tapersersuinissaq, ilaquttaminnut attaveqaatiminnullu atassuteqarnerat attanneqarnissaa kiisalu inooqataanikkut ataatsimoortunut peqataasarnissaannut tamakkiisumik suliniuteqarnissamut neqerooruteqarnissaq siunertaavoq.

Borgmesteri Avaaraq Olsen pilersitsinerup akuerineqarnera kommunillu neqerooruteqarfik ingerlateqqissinnaanissaa nuannaarutigaa.

''Maanga killinnerput aammalu maannamiit Nasippi kommunip neqeroorutaata ilaanut ilaalissammat nuannaarutigaara. Pingaarnerpaaq tassaavoq najugaqartut tapersersorneqarneq isumassorneqarnerlu pisariaqartinneqartut pisaannassagaat aammalu ulluinnaat ingerlanneqareersutut ingerlanneqaannarnissaat'' borgmesteri Avaaraq Olsen oqarpoq.

Nasippi arfinilinnik inissaqarpoq, sulisorineqarlutillu aqutsisoq ataaseq, tullersorti ataaseq sulisullu 11-t.