---
title: "Kontumi aningaasat nikerarnerinik takussutissiaq, inissiamik pisinermi kommunimut taarsigassarsisimanermut tunngasumik paasissutississiineq"
description: "Kontomi aningaasat nikerarnerinik takussutissiami kukkuneqartoq maluginiagaqalerpugut, tamannalu innuttaasunut inissiamik pisinermi taarsigassarsisimasunut ajuusaarnaraluartumik sunniuteqartitsisinnaavoq."
date: "2026-11-13"
created: "2026-11-13"
---

[Saqqaa](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Kontumi aningaasat nikerarnerinik takussutissiaq, inissiamik pisinermi kommunimut taarsigassarsisimanermut tunngasumik paasissutississiineq](https://sermersooq.gl/kommuneqarfik-sermersooq-pillugu/nutaarsiassat-2/kontumi-aningaasat-nikerarnerinik-takussutissiaq-inissiamik-pisinermi-kommunimut-taarsigassarsisimanermut-tunngasumik-paasissutississiineq)

# Kontumi aningaasat nikerarnerinik takussutissiaq, inissiamik pisinermi kommunimut taarsigassarsisimanermut tunngasumik paasissutississiineq

Kontomi aningaasat nikerarnerinik takussutissiami kukkuneqartoq maluginiagaqalerpugut, tamannalu innuttaasunut inissiamik pisinermi taarsigassarsisimasunut ajuusaarnaraluartumik sunniuteqartitsisinnaavoq. Kontomi aningaasat nikerarnerinik takussutissiat tassaapput kommunimut akiligassallit akiliinngitsoortoqarsimasinnaaneranik takussutissiat. Uani akiligassat nutaat saniatigulluunniit akiligassiinerit pineqanngillat.

![](https://sermersooq.gl/i/MOLIRIMEDIA/e1448cf2-740f-4236-95ff-3079b5c03aab?width=800)

Inissiarsinermi kommunimut taarsigassarsisimaguit akilersimasannut tunngatillugu kontomi aningaasat nikerarnerannut takussutissiami katinnerat kukkuneqarsinnaavoq. Tamatumani inissiamik pisinermi taarsigassarsiamut suli akiligassanngortinneqartussaanngitsut kukkunikkut ilanngullugit naatsorsuisimaneq patsisaalluni.

 Assilisami ilanngussatut nassiunneqartumi aappilasumik nalunaaqutsikkami paasissutissat eqqortut takuneqarsinnaapput. Paasissutissat taakku aallaavigissavatit kontomi aningaasat nikerarnerannut takussutissiami katinnerat ataani allaqqasut pinnagit.

 Inissiamik pisinermi taarsigassarsisimanngikkuit akiligassat katinnerat eqqortuupput.

 **Akileereerpit imaluunniit akiligassiissut suli tigunngiliuk?**

Kontomi aningaasat nikerarnerannut takussutissiaq pigisat akilereersimasat pillugu akilerneqarsimanngitsutut allaqqasoqarsimappat aningaasaqarnermut immikkoortortamut attaveqassaatit, uunga debitor@sermersooq.gl aamma akiliisimaninnut uppernarsaat kakkiullugu.

 Akiligassiissutaaqqaartoq tigunikuusimanngikkukku , mailimut tassungattaaq allallutit noqqaassutigisinnaavat.