---
title: "Kommuneqarfik Sermersooq meeqqanut inuusuttunullu kinguaassiuutitigut peqqissuseq pillugu misilittakkanik avitseqatigiinnermut peqataavoq"
description: "Kommuneqarfik Sermersuumi atuarfinni aamma ingerlatsivinni assigiinngitsuneersut 14-it aggustimi kinguaassiuutitigut peqqissuseq pillugu misilittakkanik avitseqatigiinnermut peqataapput, ukkatarineqarluni inuusuttumiit inuusuttumut kinguaassiuutit atorner"
date: "2026-09-15"
created: "2026-09-15"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Kommuneqarfik Sermersooq meeqqanut inuusuttunullu kinguaassiuutitigut peqqissuseq pillugu misilittakkanik avitseqatigiinnermut peqataavoq](https://sermersooq.gl/kommuneqarfik-sermersooq-pillugu/nutaarsiassat-2/kommuneqarfik-sermersooq-meeqqanut-inuusuttunullu-kinguaassiuutitigut-peqqissuseq-pillugu-misilittakkanik-avitseqatigiinnermut-peqataavoq)

# Kommuneqarfik Sermersooq meeqqanut inuusuttunullu kinguaassiuutitigut peqqissuseq pillugu misilittakkanik avitseqatigiinnermut peqataavoq

![](https://sermersooq.gl/i/MOLIRIMEDIA/30e1ba6b-8315-4d78-a4c5-e992ca8d4422?width=800)

Kommuneqarfik Sermersuumi atuarfinni aamma ingerlatsivinni assigiinngitsuneersut 14-it aggustimi kinguaassiuutitigut peqqissuseq pillugu misilittakkanik avitseqatigiinnermut peqataapput, ukkatarineqarluni inuusuttumiit inuusuttumut kinguaassiuutit atornerat pillugu atuartitsineq.

Avitseqatigiinneq ataasinngorneq 17- aggustimiit sisamanngorneq 20. aggusti 2026 ilanngullugu ingerlanneqarpoq kommunip ataatsimiittarfiani. Peqataasut Kalaallit Nunaanneersuupput, Danmarkimiit kiisalu Islandimiit, Paarisa ingerlatami aamma peqataavoq.

Pilersaarummi ukkataritinneqarput inuusuttut kinguaassiuutitigut peqqissusaat, killissat, akuersineq aamma suiaassuseq tunngavigalugu pissusilersuutit. Aammattaaq inuusuttumiit inuusuttumut pitsaaliuineq, online aqqutigalugu attaveqaqatigiittarfinni angutit suiaassutsinik naligiinnerulersitsiniarnernut akerliullutik eqqartuisarnerat,  digitali aqqutigalugu nikassaanerit, kinguaassiuutitigut kannguttaatsuliornernik paasiniaaneq, kiisalu misilittagaqarfigineqalerput immikkut ittumik iliuuseqarsinnaaneq aamma atuartitsinermi atortussat.

Siunertaavoq ilisimasanik avitseqatigiinneq, paquminartut paquminarunnaarsinnissaat inuusuttullu kinguaassiuutitigut ilorrisimaarnissaasa nukittorsarnissaat.

*“Peqataasut allat misilittagaat isumassarsiorfigeqaagut, assigiinnillu unamminartuuteqarpugut. Uani paarlaasseqatigiinnermi suleqatigiinneq aallartilluarparput, maanna ataatsimoorluta kommunip iluani sumiiffinnut arlalinnut ineriartortitsinissatsinnut sakkussaqalerpugut. Suleqatigiilernerput nuannaarutigaarput siunissamilu misilittakkanik avitseqatigiittarnissatsinnut qilanaarluta,”* Rena Kriegel Mikkelsen, Meeqqanut Atuarfeqarnermullu Ingerlatsivimmi ineriartortitsinermut pisortaq oqarpoq.

Paarlaasseqatigiinneq Erasmusimit tapersersorneqarpoq.

![](https://sermersooq.gl/i/MOLIRIMEDIA/817569b8-ef33-4a2d-a939-b188641a73d5?width=800)

![](https://sermersooq.gl/i/MOLIRIMEDIA/b28142b1-6472-4570-815a-e109f5a14637?width=800)