---
title: "Atuarfik Inussut Årets Skolebyggerimi ajugaavoq"
description: "Nuummi Atuarfik Inussuk qallunaat nersornaasiuttagaanni Årets Skolebyggerimi marlunnik nersornaaserneqarpoq."
date: "2026-11-06"
created: "2026-11-06"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Atuarfik Inussut Årets Skolebyggerimi ajugaavoq](https://sermersooq.gl/kommuneqarfik-sermersooq-pillugu/nutaarsiassat-2/atuarfik-inussut-aarets-skolebyggerimi-ajugaavoq)

# Atuarfik Inussut Årets Skolebyggerimi ajugaavoq

Nuummi Atuarfik Inussuk qallunaat nersornaasiuttagaanni Årets Skolebyggerimi marlunnik nersornaaserneqarpoq.

![](https://sermersooq.gl/i/MOLIRIMEDIA/67667d06-1e9a-4afc-a4ad-312bf33ce0a9?width=800)

Tallimanngornermi ullaakkut Atuarfik Inussummi atuartut Københavnimit toqqaannartumik Årets Skolebyggerimi ajugaasut suaarutigineqarnerini malinnaapput. Nersornaatit marluk tunniunneqarput: Publikumsprisen aamma Branchens Pris. Atuarfik marlunnik nersornaaserneqartoq paasinarsimmat inimi nuannattoqarpoq ersaattaattoqarlunilu.

Atuarfiit qulit innersuunneqarput taasinerlu Naalagaaffeqatigiiffik tamakkerlugu internettikkut ingerlanneqarpoq. Branchens pris suliffimmit mailinit taaneqarnerpaamut pilersaarummut tunniunneqartarpoq Publikumsprisimili kikkut tamarmik taasisinnaallutik. Nersornaatisititsisoq Nohrcon Københavnimiit toqqaannartumik aallakaatitsilluni atuarfimmi atuartunut angusaq saqqummiuppaa. Atuarfiup pisortaa Dorthe Bidstrup inersuarmi atuartitsiviusumi peqataavoq.

"Atuarfik Inussummi nersornaatit marluk pissarsiarineqarnerat assut nuannaarutigaara. Atuarfik ataatsimoorluni annertuumik suliaqarnermi angusaavoq, tamanna meeqqat ilikkariartornissaannut ineriartornissaannullu atuarfimmi toqqissisimanartumik atugassaqartitsilerpoq. Pilersaarummi iliuuseqaqataasimasut tamaasa minnerunngitsumillu Atuarfik Inussummik taasisut tamaasa qutsavigaakka,” Atuarfimmi Pisortaq Dorthe Bidstrup oqarpoq.

Inersuarmi atuartitsiviusumi atuarfiup ilinniartitsisui atuartullu ilai najuupput, kiisalu Meeqqanut Atuarfeqarnermullu Ingerlatsivimmi pisortaq Tina Evaldsen aamma borgmesterip tullia siulleq, Meeqqanut, Ilaqutariinnut Ilinniartitaanermullu Ataatsimiititaliami aamma siulittaasuusoq Poul Petersen. Inersuarmi atuartitsiviusumiit toqqaannartumik aallakaatitsineq aqqutigalugu atuartut allat, tassani najuutinngitsut, klassimiik nalunaarutiginninneq malinnaaffigivaat.

[Nersornaat pillugu uani annertunerusumik atuarit](https://nohrcon.dk/vidensbank/kaaring-af-aarets-skolebyggeri/ "Nersornaat pillugu uani annertunerusumik atuarit")

Nersornaasiisup nittartagaa europamiusut oqaasiinik assigiinngitsunik atuarneqarsinnaavoq.

**Illuliortaaseq aamma atuartitsinermi avatangiisit Kalaallit Nunaannut naleqqussakkat**

Atuarfik Inussuk KHR Architecturemit titartarneqarpoq innersuussinermilu illuliortaatsip atuartitsinermilu avatangiisip qanoq issittumi avatangiisinut naleqqussarneqarsimanera ersarissarneqarpoq. Atortut, ullup qaamarnga aammalu illup ilusaa Nuup silaannaanut naleqqussarneqarsimalluni silataalu Kalaallit Nunaata nunataanit isumassarsiorfiusimalluni.

Kommuneqarfik Sermersooq januaari 2023-miilli sanaartortitsisutut atuuffeqalerpoq.

''Ullumikkut ulloq sanaartornermi pilersaarummit angusaavoq, tassani atuarfimmik nutaaliaasumik tulluarsagaasumillu peqatigisaanillu najukkami pissutsinit aallaaveqartumik pilersitsinissaq ukkatarineqarnikuulluni. Atuartut ulluinnaanut tapersersuutaasumik atuarfik tamakkerlugu ataatsimoornissamut inissaqartitsisumik atugassaqartitsinermik pilersitsinissaq pingaaruteqarluinnarsimavoq,'' Teknikkeqarnermut Avatangiisinullu Ataatsimiititami siulittaasoq Uju Petersen oqarpoq.

Atuarfik illunut mikisukkuutaanut aaqqissuunneqarsimavoq, tassani atuarfissuarmi atuartunut init toqqissisimanermik nalorninanngitsumik misiginermik pilersitsissallutik. Illunik arfinilinnik katitikkanik aqqusiniliamut kaajallagussimasunik aaqqissuussaavoq illullu arfineq aappaat ulluunerani paaqqinnittarfimmut atalluni. Ukioqatigiiaat tamarmik namminneq illutaqarput taamaalilluni atuarfik atuartunut nalorninannginnerussammat.

![](https://sermersooq.gl/i/MOLIRIMEDIA/67667d06-1e9a-4afc-a4ad-312bf33ce0a9?width=800)

![](https://sermersooq.gl/i/MOLIRIMEDIA/99e7120c-c784-4d19-8f5c-5da7ef7aa006?width=800)

![](https://sermersooq.gl/i/MOLIRIMEDIA/8822fecf-d323-4cc4-99cc-78667174e37e?width=800)

![](https://sermersooq.gl/i/MOLIRIMEDIA/c14eb469-c9d3-4c38-b18f-4a1fe7b18192?width=800)

![](https://sermersooq.gl/i/MOLIRIMEDIA/6dac7d10-a43a-4ef1-ac96-946827813edc?width=800)

![](https://sermersooq.gl/i/MOLIRIMEDIA/5a37eacc-289a-4c8e-8b8c-3e803bd76298?width=800)

![](https://sermersooq.gl/i/MOLIRIMEDIA/82a200cf-4da1-46f2-8ac1-270b467f75dc?width=800)

![](https://sermersooq.gl/i/MOLIRIMEDIA/d26a76a0-150d-4bbe-a8a7-ab2c035d968c?width=800)

![](https://sermersooq.gl/i/MOLIRIMEDIA/f4088e23-f8d7-4cde-afb5-b3e40b6ebe8e?width=800)

![](https://sermersooq.gl/i/MOLIRIMEDIA/f85dd2e0-15db-40d2-a63c-16ef221a9200?width=800)

![](https://sermersooq.gl/i/MOLIRIMEDIA/edceb2cf-4b67-4140-b904-b3b3827c2380?width=800)

![](https://sermersooq.gl/i/MOLIRIMEDIA/c6578a1c-5913-4fd8-9d1d-61b2421d6aa4?width=800)

![](https://sermersooq.gl/i/MOLIRIMEDIA/ede92d0b-e86f-49a1-b7df-c892c49270af?width=800)Atuarfik aamma atuarfimmik titartaasimasumit, KHR Architecturemit, inuulluaqqussummik pissarsivoq.

![](https://sermersooq.gl/i/MOLIRIMEDIA/007598b5-b2aa-408c-b924-3679c60d6355?width=800)

![](https://sermersooq.gl/i/MOLIRIMEDIA/b441b3f2-9c09-4de0-ab57-f8c2c342ea47?width=800)

![](https://sermersooq.gl/i/MOLIRIMEDIA/a08e60b7-d105-4132-8777-b96a6145fc8d?width=800)

![](https://sermersooq.gl/i/MOLIRIMEDIA/7133805c-809f-4466-9e24-298e8fcee871?width=800)Assi: Rasmus Hjortshøj Studio/KHR Architecture

![](https://sermersooq.gl/i/MOLIRIMEDIA/5f6e2d8f-3f3e-4a52-8199-acccbabd35ac?width=800)Assi: Rasmus Hjortshøj Studio/KHR Architecture

![](https://sermersooq.gl/i/MOLIRIMEDIA/721653ac-2993-4f90-91d8-01f110f28672?width=800)Assi: Rasmus Hjortshøj Studio/KHR Architecture

![](https://sermersooq.gl/i/MOLIRIMEDIA/249a43a4-e524-4a25-b001-51e149a26ba1?width=800)Assi: Rasmus Hjortshøj Studio/KHR Architecture

![](https://sermersooq.gl/i/MOLIRIMEDIA/b50babb6-a274-4daa-bdff-4f3884aa2cb0?width=800)

![](https://sermersooq.gl/i/MOLIRIMEDIA/6c22c4e2-15e1-43ec-bfd2-6f95b88dcd80?width=800)Assi: Rasmus Hjortshøj Studio/KHR Architecture

![](https://sermersooq.gl/i/MOLIRIMEDIA/d643b824-5053-48af-9b73-94059dd032f2?width=800)

![](https://sermersooq.gl/i/MOLIRIMEDIA/4c006579-7be2-4112-9793-26e4a8a694be?width=800)Assi: Rasmus Hjortshøj Studio/KHR Architecture