---
title: "Atuarfik Inussummut angallannermut pilersaarut piareerpoq: Atuarfimmut aqqut tamatta imatut isumannaatsuutissavarput"
description: "Nuup atuarfissuartaavata nutaap Atuarfik Inussuup ataasinngorneq 17. aggusti 2026 ammarnissaanut atuarnerullu aallartinnissaanut atatillugu, sumiiffimmut angallannermi pilersaarusiaq saqqummiunneqarpoq. Atuarfik illoqarfiup qeqqani Aqqusinersuup eqqaani i"
date: "2026-08-14"
created: "2026-08-14"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Atuarfik Inussummut angallannermut pilersaarut piareerpoq: Atuarfimmut aqqut tamatta imatut isumannaatsuutissavarput](https://sermersooq.gl/kommuneqarfik-sermersooq-pillugu/nutaarsiassat-2/atuarfik-inussummut-angallannermut-pilersaarut-piareerpoq-atuarfimmut-aqqut-tamatta-imatut-isumannaatsuutissavarput)

# Atuarfik Inussummut angallannermut pilersaarut piareerpoq: Atuarfimmut aqqut tamatta imatut isumannaatsuutissavarput

Nuup atuarfissuartaavata nutaap Atuarfik Inussuup ataasinngorneq 17. aggusti 2026 ammarnissaanut atuarnerullu aallartinnissaanut atatillugu, sumiiffimmut angallannermi pilersaarusiaq saqqummiunneqarpoq. Atuarfik illoqarfiup qeqqani Aqqusinersuup eqqaani inissisimanera pissutigalugu, ulluinnarni toqqissisimanermik pilersitsinissamut pilersaarusiaq pisariaqarluinnarpoq. Meerarpassuit inersimasullu isumannaatsumik atuarfimmukarlutillu ingerlasarnissaat siunertarineqarpoq.

![](https://sermersooq.gl/i/MOLIRIMEDIA/eb58fae0-6d40-4f47-a9f7-0193347d67b4?width=800)

**Isumannaallisaaneq pillugu ataatsimut suliniuteqarneq**

Pilersaarut tamakkiisumik atuutissappat, tamatta ikioqatigiinnissarput pisariaqartipparput. Sumiiffimmi biileruit kaammattorneqarputit arriilinissannut atuarfiullu eqqaani atuartut pisuttut sianigilluinnassagitit. Angajoqqaatut/angajoqqaatut oqartussaassuseqartutut meeqqat pisulluni ikaarfissiat aamma pisuinnaat aqqutaat aqqutiginissaanut eqqaasittassagitit, aammattaaq kaammattuutigivarput ulloq siulleq atuarfiusoq nallertinnagu angallannermi pilersaarusiaq nutaaq misissuataarneqarnissaa. Pingaaruteqarportaarlu tunniussinermi imaluunniit aallernermi sumi qanorlu sivisutigisumik biilinut unittarfimmiissinnaanerup malittarisassartaasa ilisimanissai.

**Atuarnerup aallartinnerani skolepatruljet**

Ulloq siulleq atuarfiusoq aallarnerfigalugu skolepatruljet erseqqarissunik orangeamik/sungaartumik aaqanngitsunik atorlutik pisulluni ikaarfissiat HHE aamma atuarfiup akornaniittoq, kiisalu blok 4 aamma 5 akornaniittuni piareersimajumaarput ikiuunniarlutik meeqqat isumannaatsumik ikaarnissaannut. Eqqaamallugu inussiarnersumik kumoorneerfiginissaat angallannerlu eqqummaariffigalugu.

 ****

**Atuarfiup eqqaani bussinut unittarfik nutaaq**

Atuarfiup eqqaani bussinut unittarfeqarpoq, nuannaarutissallu ilagaat atuarfiup eqqaani angallanneq oqilisarniarlugu bussinut unittarfimmik nutaamik pilersitsisoqarnera. Angallannermi pilersaarutit bussillu ingerlaarfii Nuup Bussiisa nittartagaani takusinnaavatit: bus.gl

 ****

**Atuarfik Inussummi angallannermi pilersaarutip imarisai**

Angallannermi pilersaarummi takuneqarsinnaapput isertarfiit, pisulluni ikaarfissiat, sulisunut aamma nioqqutissanik tunniussinermi/assartuinermi biilinut unittarfik, biilinut unittarfiit, bussit unittarfii normuilu.

**Maluginiaruk.** Atuarfiup eqqaani biilinut unittarfiit sumiiffii assigiinngimmata.

BIilinik unittarfik AKO saavaaniittoq orangemik nalunaaqutserneqarsimasoq, taaneqartarpoq Kiss & Ride. Unittarfik ataasiinnarmik sammiveqarluni ingerlaarfiuvoq: Kongevejip tungaaniit Aqqusinersuup tungaanut, taamaallaallu sivikitsumik uninngaffigineqarsinnaavoq: sivikitsumik uninngagit, meeraq niujuk, biiliniiginnarit ingerlaqqillutillu.

Angallannermut pilersaarut pdf-filinngorlugu takuuk:

[Angallannermik-pilersaarut_Trafik-trafficplan--Atuarfik-Inussuk.pdf](https://sermersooq.gl/p/Angallannermik-pilersaarut_Trafik-trafficplan--Atuarfik-Inussuk.pdf "Angallannermik-pilersaarut_Trafik-trafficplan--Atuarfik-Inussuk.pdf")