---
title: "Atuarfik Inussuk nersornaasiinissami innersuunneqarpoq – illit taasisinnaavutit"
description: "Nuummi Atuarfik Inussuk atuarfiit qulit Årets skolebyggeri 2026-mut innersuunneqartut akornanniippoq, tassa atuarfik 2026-mi sanalluagaanerpaatut innersuunneqarluni. Atuarfik nutaaq innuttaasut aalajangigaannik nersornaasiussassamik Publikumprisen-imik pi"
date: "2026-10-14"
created: "2026-10-14"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Atuarfik Inussuk nersornaasiinissami innersuunneqarpoq – illit taasisinnaavutit](https://sermersooq.gl/kommuneqarfik-sermersooq-pillugu/nutaarsiassat-2/atuarfik-inussuk-nersornaasiinissami-innersuunneqarpoq-illit-taasisinnaavutit)

# Atuarfik Inussuk nersornaasiinissami innersuunneqarpoq – illit taasisinnaavutit

Nuummi Atuarfik Inussuk atuarfiit qulit Årets skolebyggeri 2026-mut innersuunneqartut akornanniippoq, tassa atuarfik 2026-mi sanalluagaanerpaatut innersuunneqarluni. Atuarfik nutaaq innuttaasut aalajangigaannik nersornaasiussassamik Publikumprisen-imik pinnassanersoq illit aalajangeeqataasinnaavutit.

![](https://sermersooq.gl/i/MOLIRIMEDIA/568da175-355f-47e3-b1ee-657b988bc107?width=800)

Nuummi atuarfik nutaaq ukioq manna atuarfik sanalluagaanerpaatut nersornaaserneqarnissaanut innersuunneqarpoq, taanna nersornaasiuttagaq Naalagaaffeqatigiinnermi siunissami ilikkagaqarnissamut avatangiisinik ineriartortitsinermi tapertaasumik sananeqarsimasumut ukiut tamaasa tunniunneqartarpoq.

[Taasineq pillugu uani paasisaqarnerusinnaavutit](https://nohrcon.dk/vidensbank/kaaring-af-aarets-skolebyggeri/?fbclid=IwY2xjawU5w-1leHRuA2FlbQIxMABwZG9mA3NydGMGYXBwX2lkDzUxNDc3MTU2OTIyODA2MQABHlJ4vlpF_jbeKux5RDIyn3jiFRDU0gGpPzxAdRAL3PA3F4rS-cBo8DyYT4mL_aem_ibqRThFS29bQFXVWQKr4Ow "Taasineq pillugu uani paasisaqarnerusinnaavutit")

[Publikumsprisen-imut uani taasisinnaavutit](https://survey.zohopublic.eu/zs/5rBC7E "Publikumsprisen-imut uani taasisinnaavutit")

Taasineq aaqqissuisut nittartagaanni ingerlavoq, Europamiusullu oqaatsit arlallit toqqarneqarsinnaallutik.

Sapaat novembarip ulluisa aallaqqaataat ilanngullugu taasisinnaavutit, ajugaasorlu qaammammi tassani kingusinnerusukkut tamanut saqqummiunneqassaaq.

**Illuliortaaseq ilikkagaqarniarnermilu avatangiisit nunatsinnut tulluarsakkat**

KHR Architecture Atuarfik Inussummik titartaasuuvoq. Taakku atuarfimmik titartaanerminni illuliortaaseq aamma ilikkagaqarniarnermi avatangiisit issittumi pissutsinut tulluarsarsimavaat. Atortut atorneqartut, ullup qaamarnga aamma atuarfiup ilusaa Nuummi silaannarmut tulluarsagaapput, atuarfiullu silataani aneerfissat nunatsinni pinngortitamut eqqaanartumik sanaajupput. Taassuma saniatigut atuarfik illunut minnerusunut agguataagaavoq, taamaaliornerlu atuarferujussuarmi atuartut toqqissisimanissaannik avatangiiserisaasalu tulluartuunnissaanik pilersitsissaaq.

![](https://sermersooq.gl/i/MOLIRIMEDIA/568da175-355f-47e3-b1ee-657b988bc107?width=800)

![](https://sermersooq.gl/i/MOLIRIMEDIA/23123bae-f59f-4977-ba61-2ad027f92e24?width=800)

![](https://sermersooq.gl/i/MOLIRIMEDIA/08c162c8-c1b8-440a-b81b-e25dabc23b05?width=800)

![](https://sermersooq.gl/i/MOLIRIMEDIA/80d39202-36b0-4bdd-ac2b-48eb42cb52b3?width=800)

![](https://sermersooq.gl/i/MOLIRIMEDIA/bd217538-37c0-4664-958b-b2acb4b889d0?width=800)

![](https://sermersooq.gl/i/MOLIRIMEDIA/4dcbceed-4a32-48f3-bc90-819d994eb04e?width=800)

![](https://sermersooq.gl/i/MOLIRIMEDIA/409ed7e4-612b-48c7-9ff0-5904b04af482?width=800)

![](https://sermersooq.gl/i/MOLIRIMEDIA/08763093-d8b1-4b9f-b883-94d7ebe99227?width=800)

![](https://sermersooq.gl/i/MOLIRIMEDIA/d018a87e-5d8e-47c8-9c3d-e83006a0ff6f?width=800)

![](https://sermersooq.gl/i/MOLIRIMEDIA/bd829abf-c450-4e84-a751-9a6355e07adc?width=800)

![](https://sermersooq.gl/i/MOLIRIMEDIA/c07c91b5-2c69-4022-b395-b5cd905b6823?width=800)

![](https://sermersooq.gl/i/MOLIRIMEDIA/b67d8e09-6ed1-48dd-aa1b-23819d1f7020?width=800)

![](https://sermersooq.gl/i/MOLIRIMEDIA/00829e79-ae47-49e5-8d83-42fb7e7ac835?width=800)

![](https://sermersooq.gl/i/MOLIRIMEDIA/f95d3f16-3724-4006-8734-bb21c436d10f?width=800)

![](https://sermersooq.gl/i/MOLIRIMEDIA/18889a50-f60c-44b2-88e5-200396745e90?width=800)