---
title: "Atuarfik Inussuk ammarpoq"
description: "Nuummi illoqarfiup atuarfittaava nutaaq atuartunut inussuttut tunaartaassaaq. Ataasinngornermi siullermeerlutik atuariartorput."
date: "2026-08-17"
created: "2026-08-17"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Atuarfik Inussuk ammarpoq](https://sermersooq.gl/kommuneqarfik-sermersooq-pillugu/nutaarsiassat-2/atuarfik-inussuk-ammarpoq)

# Atuarfik Inussuk ammarpoq

Nuummi illoqarfiup atuarfittaava nutaaq atuartunut inussuttut tunaartaassaaq. Ataasinngornermi siullermeerlutik atuariartorput.

            Del indhold
            Link kopieret

![](https://sermersooq.gl/i/MOLIRIMEDIA/89d42a36-5ccd-45b8-3985-08defc2b961b?width=800)

Atuartut ataasinngornermi illoqarfiup atuarfianut nutaamut Atuarfik Inussummut atuariartorput. Atuartut siullermeerlutik atuarfissaminnut isaagamik atuarfissamillu initaat takullugit torsuusami kiinnat nuannaartut naapitassaapput. Taamaalilluni Nuummi illoqarfimmi atuarfittaaq atorneqalerpoq. 1.-3. klassit atuareernerup kingorna ornittagaq AKO ingerlakkamikku, qaammammi siusinnerusukkut aallartipput.

Atuarfimmik ammaanissaq arlaleriarlugu kinguartinneqarpoq. Ammarnissaata tungaanut ukioq kingullerli atuartut sumiiffinni assigiinngitsuni Nuummi, Nuussuarmi aamma Qinngutsinni atuartinneqartarput.

"Nalunngilarput arlalippassuit aammalumi uagut atuarfiup ammarnissaa utaqqillugulu qilanaarisimagipput. Tikilluaqqusinissatsinnut qilanaarsimaqaagut" Atuarfiup Pisortaa Dorthe Bidstrup oqarpoq.

**Qaqqani inussuk**

Atuarfik Inussuk KHR Architecturemit titartarneqarpoq 17.500 kvadratmeterimillu angissuseqarluni illunut imminnut atasunut agguataagaalluni. Illup qaavi naligiissut sivingasut qaqqat tarraannut assingupput aamma illup silataa avatangiiseq ilutigalugu qalippertussanik qisummik suliarineqarsimanngitsumik qallerneqarsimalluni. Illup ilusaa issittup silaannaanut naleqqussagaavoq qulaaniit qaammaqquteqarluni ullup qaamarnga inngiananngitsumik aamma seqineq pukkikkaluarpalluunniit illup ilua qaammartussanngorlugu sanaajulluni.

Inussuk atuarfiup aterivaa aammalu Kommuneqarfik Sermersuup ilisarnaatigalugu. Aqqata nutaap nalunaarutigineqarnerani Meeqqanut Atuarfeqarnermullu Ataatsimiititamut Siulittaasoq, Juaaka Lyberth, aamma Siulittaasup tullia, Poul Petersen, aqqanik toqqaanermi tunngavilersuut isumaalu oqaatigaat:

*"Inussuk ungasissumiit takullugu inuttut isikkoqartarpoq. Inussuit inunnit sananeqartarput, siornatigullu sumunnarfissamut aqqutissamullu najoqqutarineqartarput - taamatuttaaq atuarfik atuartut ineriartornissaannut tapertaaqataassasoq, aqqutissiuillunilu iluaqutaajumaartoq aamma neriuutigaarput."*

Atuarfik tallimanik ingerlatsivittaqarluni atuartunut 1200-nut inissaqarpoq tamatumalu saniatigut ulluunerani paaqqinnittarfik meeqqanut 120-nut inissaqarluni. Ilutigalugu atuarnerup avataatigut peqatigiiffinnit aammalu aaqqissuussinermi atorneqarsinnaasutut illoqarfimmut katersuuttarfittut eqqarsaatigineqarpoq.

**Oktobarimi atoqqaarfissiorneqassaaq**

Atuarfik Inussuk 2026-mi oktobarip ulluisa aallaqqaataanni pisortatigoortumik atoqqaarfissiorneqassaaq. Atuartut aallartinneranniit kingusinnerusumik ullua toqqarneqarpoq taamaalillutik atuartut pilersaarusiornermut atuarfittaaminnilu malunnaataaqataallutik periarfissaqarniassammata.

![](https://sermersooq.gl/i/MOLIRIMEDIA/9a42b247-9275-4d20-906b-51db86e61077?width=800)

![](https://sermersooq.gl/i/MOLIRIMEDIA/d8c30fea-70b0-4165-84eb-57b8787b49b5?width=800)

![](https://sermersooq.gl/i/MOLIRIMEDIA/f21e2384-7bb8-4e6e-a7d9-658e9ea822bf?width=800)

![](https://sermersooq.gl/i/MOLIRIMEDIA/15d5dda8-6715-48f0-8935-5230a4f36f7a?width=800)

![](https://sermersooq.gl/i/MOLIRIMEDIA/98681097-6e89-471e-9ea5-158d898c0c48?width=800)

![](https://sermersooq.gl/i/MOLIRIMEDIA/98cc9adb-036c-450b-9a41-471cab5ab7c3?width=800)

![](https://sermersooq.gl/i/MOLIRIMEDIA/0cf1b779-66bf-4d93-8569-2abba3c57c5e?width=800)

![](https://sermersooq.gl/i/MOLIRIMEDIA/184fe9a9-80fd-46f5-9c83-5d804390abea?width=800)

![](https://sermersooq.gl/i/MOLIRIMEDIA/8485c913-3f00-4c7d-9552-a96e3909f041?width=800)

![](https://sermersooq.gl/i/MOLIRIMEDIA/5b7c91c3-1acb-4ef0-b9de-54e92046fdeb?width=800)

![](https://sermersooq.gl/i/MOLIRIMEDIA/19b4440f-ed3e-432a-b480-0094a61dc148?width=800)

![](https://sermersooq.gl/i/MOLIRIMEDIA/9f03f888-af27-4a6c-833f-a20850e93f09?width=800)

![](https://sermersooq.gl/i/MOLIRIMEDIA/f03a4996-d5c2-4fb2-aef6-16a58418389d?width=800)

![](https://sermersooq.gl/i/MOLIRIMEDIA/a03b289f-5b7a-4e82-996f-2c36c8c5173e?width=800)

![](https://sermersooq.gl/i/MOLIRIMEDIA/fe621e62-251a-4ab7-854e-3e6d2710f964?width=800)

![](https://sermersooq.gl/i/MOLIRIMEDIA/8b3eb90e-4b2f-4567-a4e2-21f3f0445c51?width=800)

![](https://sermersooq.gl/i/MOLIRIMEDIA/0d494e23-a21c-43bf-89f9-e4c665a1bbe3?width=800)

![](https://sermersooq.gl/i/MOLIRIMEDIA/3745ac82-f367-4cec-861b-8dce550d8efe?width=800)

![](https://sermersooq.gl/i/MOLIRIMEDIA/371f7a71-aee5-4525-b5a3-bb2fe59d22fd?width=800)

![](https://sermersooq.gl/i/MOLIRIMEDIA/c418ae5f-f95e-4019-a00a-99c9f19c8a69?width=800)