---
title: "Aqutsisut 193-it Aqutsineq aqqutigalugu pitsanngorsarneqarput"
description: "Ukiut kingulliit pingasut Kommuneqarfik Sermersuumit kommunimi aqutsisut pitsanngorsarneqarnissaat anguniarneqarpoq. aqutsisut ineriartortinneqarnissaannik ingerlatsineq Aqutsineq 2026 qaangiuppat aqutsisunit 193-nit naammassineqarsimanissaa naatsorsuutig"
date: "2026-08-10"
created: "2026-08-10"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Aqutsisut 193-it Aqutsineq aqqutigalugu pitsanngorsarneqarput](https://sermersooq.gl/kommuneqarfik-sermersooq-pillugu/nutaarsiassat-2/aqutsisut-193-it-aqutsineq-aqqutigalugu-pitsanngorsarneqarput)

# Aqutsisut 193-it Aqutsineq aqqutigalugu pitsanngorsarneqarput

Ukiut kingulliit pingasut Kommuneqarfik Sermersuumit kommunimi aqutsisut pitsanngorsarneqarnissaat anguniarneqarpoq. Aqutsisut ineriartortinneqarnissaannik ingerlatsineq Aqutsineq 2026 qaangiuppat aqutsisunit 193-nit naammassineqarsimanissaa naatsorsuutigineqarpoq – taamaalilluni anguniagarineqartoq anguneqassaaq.

![](https://sermersooq.gl/i/MOLIRIMEDIA/06fc9512-243f-4208-b2cd-0955fbd1c79f?width=800)

            Aqutsineq 2025

Pisortaqatigiinnit Kommunalbestyrelsimiillu kissaatigineqarnerata kingorna Aqutsineq novembari 2023-mi aallartinneqarpoq. Anguniagarisaq annertuvoq: 2026 naatinnagu Kommuneqarfik Sermersuumi aqutsisut 97 procentii aqutsisutut ineriartornermi ingerlataqareersimassapput. Tassa pilersaarutip aallartinnerani aqutsisut 165-it .

2026-imi holdit pilersaarutaasut kingulliit naammassisimaleriarpata naatsorsuutigineqarpoq, aqutsisut 193-it missaanniittut Aqutsineq naammassisimassagaat.

Tamanna isumaqarpoq, kommunimit anguniagaq naammassineqaannarani kisianni aamma aqutsisutut atorfiit nutaanik inuttalerneqarnerini aqutsisunut nutaanut ilinniarnermik neqerooruteqartoqarsimassasoq.

**Aqutsisut kommunimi tamani**

Aallaqqaataaniilli pingaartinneqarsimavoq aqutsisutut ineriartortitsineq Nuummi taamaallaat pissanngitsoq. Taamaattumik Kommuneqarfik Sermersuumi illoqarfinni tamani aqutsisut Aqutsineq ingerlannissaannut neqeroorfigineqarput.

2026-mi ingerlatsineq aamma Ittoqqortoormiini aqutsisunit naammassineqarpoq, taamaalilluni aqutsisunik inerisaaneq kommune kaajallallugu ingerlanneqarsimalerluni.

Uani sapaatip akunnerani holdi ataaseq Paamiuni naammassissaaq, ukioq mannalu holdi kingulleq ukiamut Nuummi ingerlanneqassaaq.

**Isumaginninnikkut suliassaqarfitsinni immikkut aningaasaliiffigisat**

Suliniummi pingaarutilinnut ilaavoq, kommunimi aqutsisut innuttaasunik ullut tamaasa qitiusumik isumaginninnermi ikiorsiissutinik suliaqartartut aningaasaliiffigineqarnissaat. Taakkununnga ilaapput ulluunerani neqerooruteqarfinni aamma utoqqarnut paaqqinnittarfinni aqutsisut.

Uani qaninnertut aqutsisorisaq sulisut sulinerminni atugarissaarnissaannut pingaarnertut atuuffeqarpoq. Taamaattumik ilaatigut suliffiit kajuminnartunngortinniarlugit, sulisut inerisarniarlugit aammalu nalerisimaneq suleqatigiinnerlu nukittuunngortinniarlugit aqutsisut pitsaasunik aalajangersimasunillu sakkussaqartariaqarput.

Ilutigalugu kommunimi sulisoqaannarnissamut sulisussaqarniarnermillu suliniuteqarnermi aningaasaliineruvoq. Aqutsisut pikkorissut suliassaminnut piareersarluarsimasut sulisut sulisoreriikkagut sulisoriinnarnissaannut pingaaruteqarluinnarput aammalu sulisunut nutaanut suliffik kajuminnartuutissallugu.

Ulluunerani paaqqinnittarfinni utoqqarnullu suliassaqarfimmi sulisoqatigiit patajaatsut aqutsisullu pitsaasut meeqqat, utoqqaat ilaqutaasullu naammattoortagaanni ulluinnarnut pitsaassutsimullu toqqaannartumik pingaaruteqarluinnartumi Immikkut pingaaruteqarluinnarpoq.

**Aqutsineq suliffik tamakkerlugu sunniuteqarluinnarpoq**

Taamaattumik Aqutsinermi aqutsisut ataasiakkaat nutaanik sakkussaannik tuninissaat taamaallaat pineqanngilaq. Aqutsineq pitsaasoq sulisup ulluinnaanut, suliffimmi suleqatiginninneranut aammalu kingullertut sullissineq kommunimit innuttaasumut tunniunneqartartumut pingaaruteqarluinnarpoq.

Ingerlatsinerup ingerlanerani aqutsisut aqutsisutut piginnaasatik ineriartortinnissaannut, aqutsisutut atuuffimminni eqqarsaatiginnissinnaanerat ulluinnarnilu toqqaannartumik atorsinnaasaannik sakkussarsinissaannut periarfissinneqarput.

Ingerlatsineq kalaallisut ingerlanneqarpoq. Suliatigut pitsaassuseq qaffasissoq qulakkeerniarlugu aammalu oqaloqatiginninnermi, isumaliutersuuteqarnermi aamma peqataasut akornanni ilinniarnermi killiliussat pitsaanerpaat pilersinniarlugit eqqarsaatigilluakkamik aalajangiineruvoq.

 **Aaqqissugaanermi innuttaasunullu aningaasaliineq**

2026-p naajartornerani aqutsisunik ineriartortitsinermi ingerlatsinerit 193-it missaanniittut naammassisimallugit Kommuneqarfik Sermersooq kommunimi suliassaqarfiit akornanni aqutsisunut nukittuumik ataatsimullu tunngavimmik pilersitsinissamut alloriaateqarujussuarpoq.

Naak anguniagaq anguneqareeraluartoq aqutsisunik inerisaaneq tamaanga unissanngilaq. Aaqqissugaaneq allanngoriartortuarpoq aqutsisut nutaat takkussuupput pitsaasumillu aqutsisuuniaraanni ineriartortuartariaqarpoq.

Aqutsisunut suliffeqarfimmi, sulisoqarnermi siuttutut inissisimasunut pitsaasumik suliffeqartitsisussanut aammalu innuttaasut ullut tamaasa kommunimit neqeroorutinit kiffartuussinernillu isumalluuteqartunut Aqutsineq pingaarnerusumik pissarsiaqaataasussamik aqutsisunut piginnaanngorsaaneruvoq.