---
title: "Aqqusinermi ujartuisartut Tasiu-mik taaguuteqalerput"
description: "Kommuneqarfik Sermersuup Aqqusinermi ujartuisartui maanna Tasiu-mik taaguuteqalerput. Taaguutaat suleriusaannut tulluartuussaaq, matumani innuttaasunut inuuniarnikkut atugarliuuteqartunut angerlarsimaffeqanngitsunullu ikorfartuinerup aqqutissiussinerullu attatiinnarneqarnissaat pillugit."
date: "2026-10-28"
created: "2026-10-28"
---

[Hjem](https://sermersooq.gl/)

                    [Kommuneqarfik Sermersooq pillugu](https://sermersooq.gl/kommuneqarfik-sermersooq-pillugu)

                    [Nutaarsiassat](https://sermersooq.gl/kommuneqarfik-sermersooq-pillugu/nutaarsiassat-2)

                [Aqqusinermi ujartuisartut Tasiu-mik taaguuteqalerput](https://sermersooq.gl/kommuneqarfik-sermersooq-pillugu/nutaarsiassat-2/aqqusinermi-ujartuisartut-tasiu-mik-taaguuteqalerput)

# Aqqusinermi ujartuisartut Tasiu-mik taaguuteqalerput

Kommuneqarfik Sermersuup Aqqusinermi ujartuisartui maanna Tasiu-mik taaguuteqalerput. Taaguutaat suleriusaannut tulluartuussaaq, matumani innuttaasunut inuuniarnikkut atugarliuuteqartunut angerlarsimaffeqanngitsunullu ikorfartuinerup aqqutissiussinerullu attatiinnarneqarnissaat pillugit.

![](https://sermersooq.gl/i/MOLIRIMEDIA/721604c5-680c-4c9d-9e57-0d4df3fc67db?width=800)

            Isumaginninnermut Sullissivimmit septembarimi sulisut immikkut sammisaqarnerannut.

**Tapersersuisoq**

Taaguutitaaq, Tasiu, sulisut siusinnerusukkut *Aqqusinermi ujartuisartuusut* suleriusaannut tulluarneruvoq. Taaguutaanik allanngortitsineq sulisut suleriaasaannut allannguuteqanngilaq. Matumani sulisut innuttaasunut ikorfartuillutik suliniuteqartareernerannut tulluartumik taaguusiliinissaq siunertaavoq.

Tasiumi suliat kommunip angerlarsimaffeqanngitsunut pitsaaliuiniarluni ikiuiniarlunilu suliniutaanut ilaapput. Kommunimi [angerlarsimaffeqanngitsunut immikkoortumut pilersaarummi](https://sermersooq.fra1.digitaloceanspaces.com/wp-content/uploads/2021/07/09131117/Angerlarsimaffeqanngitsuuneq-pillugu-immikkoortumut-pilersaarut.pdf) innuttaasut mianernartumik inissisimasut toqqissisimasumik isumaqarluartumillu inuuneqalernissaannut, ilaatigut ataavartumik inissaqalernissaannut ikorfartuinikkut, ikiussallugit pingaartinneqarpoq. Taaguutitaaq, Tasiu, taamatut periuseqarnermut naapertuuppoq, matumani sulisut innuttaasut ataasiakkaatut pisariaqartitaannik ikorfartorlugillu aqqutissiuuttarpaat aalajaannerusumillu ulluinnaqalernissaannut ikiorlugit.

Tamatuma saniatigut innuttaasut ataasiakkaat pisariaqartitaat aallaavigalugit periutsinik inerisaanissaq aamma innuttaasut ingerlariaqqinnissaannut ikiorniassallugit suliassaqarfiit assigiinngitsut akornanni suleqatigiittoqarnissaa kommunimi pingaartinneqarpoq.

*”Nalitsinniit siunertarineqarpoq, innuttaasut tasiortutullusooq ikorfartortassallugit aamma namminneq inissiaminni qanoq ulluinnaqalernissaannut ilitsersuullugit,” Tasiumut immikkoortortami aqutsisoq,* *Marthannguaq Dahl Bech, oqarpoq.*

Taaguutitaaq septembarimi Isumaginninnermut Sullissivimmi sulisut immikkut sammisaqarneranni taasititsinikkut toqqarneqarpoq. Isumaginninnermi sulisup Maja Andersen-ip *Aqqusinermi ujartuisartuusimasumeersup* taaguut siunnersuutigaa.

**Tasiu ikiorsiissutinik agguaassissaaq**

Tasiu NGO-lu Hjælp Din Næste nerisassanik, imeruersaatinik kissartunik atisanillu Nuummi Brugsenip saavani sisamanngorpat ullup qeqqaniit akeqanngitsunik agguaassissapput. Agguaassineq innuttaasunut pisariaqartitsisunut tigussaasumik ikiorsiissutaassaaq, Tasiumilu suliat sullitanut najukkamilu innuttaasunut saqqumilaarnerulersinneqassallutik.

Tasiu aamma Hjælp Din Næste upernaarli suleqatigiilerput, innuttaasut atugarliuuteqartut pisariaqartitaannik pissarsiaqarnissaq siunertaralugu.